Share Market Today: शेअर बाजारात घसरणीचे संकेत; या कंपन्यांचे शेअर्स चर्चेत, गुंतवणूकदारांसाठी तज्ज्ञांनी दिला हा सल्ला

Share Market Update: आज शेअर बाजार लाल रंगात उघडण्याची शक्यता आहे. त्यामुळे तज्ज्ञांनी सल्ला दिला आहे की, आज व्यवहार करताना सावध राहणं गरजेचं आहे. तसेच आज खरेदी करण्यासाठी काही शेअर्सची देखील शिफारस करण्यात आली आहे.

• शेअर बाजारात व्यवहार करताना आज गुंतवणूकदारांना सावध राहणं गरजेचं
• शेअर बाजार नकारात्मक पातळीवर उघडणार असल्याची शक्यता
• एथर एनर्जी, टाटा कंझ्युमर प्रॉडक्ट्स, आयटीसी हॉटेल्स, दालमिया भारत कंपन्या चर्चेत

India Share Market Update: भारतीय शेअर बाजारात व्यवहार करताना आज गुंतवणूकदारांना सावध राहणं गरजेचं आहे. कारण आज शेअर बाजार नकारात्मक पातळीवर उघडणार असल्याची शक्यता वर्तवण्यात आली आहे. गिफ्ट निफ्टीने संथ सुरुवातीचे संकेत दिले आहेत. निफ्टी फ्युचर्सच्या मागील बंद भावापेक्षा जवळपास ७२.५० अंकांनी किंवा ०.३२% ने घसरून २२,५३५ च्या पातळीवर व्यवहार करत होता, जे भारतीय शेअर बाजाराच्या निर्देशांकांसाठी नकारात्मक सुरुवातीचे संकेत देत आहे.

Todays Gold-Silver Price: सोन्या – चांदीच्या दरात किंचीत घसरण! 1 तोळ्यासाठी मोजावे लागणार 1,42,570 रुपये

भारतीय शेअर बाजारातील गुंतवणूकदार आज पेटीएम, मॅनकाइंड फार्मा, टाटा कंझ्युमर, आयटीसी हॉटेल्स, एथर एनर्जी, नझारा टेक्नॉलॉजीज, आरईसी, इन्फोसिस, कोटक महिंद्रा, येस बँक, बीपीसीएल, कोफोर्ज, टॉरेंट फार्मा, डॉ. रेड्डीज लॅबोरेटरीज, एसबीआय फंड्स मॅनेजमेंट, नेटवेब टेक्नॉलॉजीज, बँक ऑफ इंडिया या शेअर्सवर लक्ष केंद्रीत करू शकतात. आज इन्फोसिस, कोटक महिंद्रा बँक, रिलायन्स इंडस्ट्रीज लिमिटेड, एथर एनर्जी, टाटा कंझ्युमर प्रॉडक्ट्स, आयटीसी हॉटेल्स, दालमिया भारत, बँक ऑफ महाराष्ट्र, दालमिया भारत, एपीएल अपोलो ट्यूब्स इत्यादी कंपन्या चर्चेत असणार आहेत.  (फोटो सौजन्य: Pinterest) 

Share Market Outlook : शेअर बाजारात पुढच्या आठवड्यात मोठी हालचाल? गुंतवणूकदारांनो, गुंतवणुकीपूर्वी ‘या’ फॅक्टर्सकडे लक्ष ठेवा

आनंद राठी येथील इक्विटी रिसर्चचे एव्हीपी, गणेश डोंगरे यांनी दिलेल्या सल्ल्यानुसार आज गुंतवणूकदार इटरनल , बँक ऑफ बडोदा आणि अपोलो हॉस्पिटल्स एंटरप्रायझेस हे तीन शेअर्स खरेदी करण्याचा विचार करू शकतात. चॉईस ब्रोकिंगचे कार्यकारी संचालक सुमीत बागडिया यांनी आज गुंतवणूकदारांसाठी १०० रुपयांहून कमी किंमतीत खरेदी करण्यासाठी तीन शेअर्सची शिफारस केली. ज्यामध्ये निवा बुपा हेल्थ इन्शुरन्स कंपनी, जीएमआर एअरपोर्ट्स आणि रेस्टॉरंट ब्रँड्स एशिया यांचा समावेश आहे.

(टीपः वरील लेखातील माहिती वैयक्तिक विश्लेषक आणि तज्ज्ञांच्या आधारे देण्यात आली आहे. Navarashtra.com कोणताही दावा करत नाही. आम्ही गुंतवणूकदारांना गुंतवणूकीबाबत कोणताही निर्णय घेण्यापूर्वी प्रमाणित तज्ञांकडून शेअर्सबाबत विचारणा करण्याचा सल्ला देतो.)