कंपनीने व्हेरिएबल पेबाबत घेतला कडक निर्णय ( सौजन्य - सोशल मीडिया )
TCS च्या वरिष्ठ कर्मचाऱ्यांना त्यांचा तिमाही बोनस मिळणार नाही. भारतातील सर्वात मोठ्या आयटी कंपनीने आपली कामगिरीची उद्दिष्ट्ये पूर्ण केली नाहीत त्यामुळे हा निर्णय घेण्यात आल्याचं समोर आलं आहे. रॉयटर्सच्या एका अहवालानुसार, एका अंतर्गत मेमोचा हवाला देत असे म्हटले आहे की, किमान दोन वर्षांत पहिल्यांदाच काही कर्मचाऱ्यांचा संपूर्ण व्हेरिएबल पे रोखण्यात आला आहे.
या वृत्तसंस्थेनुसार, मुख्य मानव संसाधन अधिकारी सुदीप कुन्नुमल यांनी मेमोमध्ये म्हटले आहे, “या तिमाहीतील आमची कामगिरी अंतर्गत उद्दिष्टांपेक्षा कमी पडल्याने, काळजीपूर्वक विचार करून हा निर्णय घेण्यात आला आहे.” या अहवालात असेही म्हटले आहे की, टीसीएसने प्रश्नांना प्रतिसाद दिला नाही.
कुन्नुमल यांच्या मेमोनुसार, “C3A ग्रेड आणि त्यावरील” कर्मचाऱ्यांसाठी या तिमाहीचा त्रैमासिक परिवर्तनीय भत्ता ज्या QVA म्हणतात तो रोखून धरला जाईल. अहवालानुसार, देशातील सर्वात मोठ्या आयटी सेवा कंपनीमधील C3A ग्रेड आणि त्यावरील कर्मचाऱ्यांकडे साधारणपणे ७-१० वर्षांचा अनुभव असतो किंवा ते वरिष्ठ-स्तरीय व्यवस्थापन पदांवर असतात. मेमोमध्ये असे नमूद केले आहे की, कनिष्ठ-स्तरीय कर्मचाऱ्यांना त्यांच्या हक्काची १००% रक्कम मिळेल.
कर्मचाऱ्यांनी रॉयटर्सला सांगितले की, ही टेक कंपनी साधारणपणे ५०-१००% व्हेरिएबल पे देते. त्यांनी सांगितले की, किमान दोन वर्षांत ही पहिलीच वेळ आहे की कंपनीने कोणताही बोनस दिला जाणार नाही असे स्पष्टपणे सांगितले आहे. विशेष म्हणजे, टीसीएसने गेल्या तीन वर्षांतील सर्वात कमकुवत सप्टेंबर तिमाहीतील महसूल वाढ नोंदवली, जे पारंपारिक आयटी सेवांच्या मागणीवर सततचा दबाव दर्शवते, तर आर्टिफिशियल इंटेलिजन्स (एआय) महसूल सुमारे २०% ने वाढला. पण शुक्रवार, ९ ऑक्टोबर रोजी एआय महसुलातील वाढीमुळे गुंतवणूकदार आनंदित झाले आणि शेअर ६.२% ने वाढ झाली आहे.
.png "Videos"){kind=small}
