शुक्रवार, 23 ऑक्टोबर 2026
जगातील सर्वात महागडे बेट, ज्या ठिकाणी एक दिवस थांबायचे भाडे आहे तब्बल 84 लाख रुपये!
अनेक पर्यटकांना बेटांना भेट द्यायला आवडते. आजूबाजूला पाण्याने वेढलेले आणि इथे हिरवळ असल्याने बेटांचे सौंदर्य पाहण्यासारखे आहे. अनेक पर्यटकांना बेटांवर रात्रीचा मुक्कामही आवडतो. मात्र, यासाठी भाडे भरावे लागते. या बेटाचे एका दिवसाचे भाडे लाखो रुपये आहे. फिलीपिन्समध्ये असलेल्या या खासगी बेटावर राहणाऱ्या लोकांकडून दररोज लाखो रुपये भाडे आकारले जाते. एवढेच नाही तर या राहण्यासाठी काही अटी देखील आहे.
तीन दिवसांचे भाडे कोट्यवधी रुपयांच्या घरात
बनवा या बेटावर किमान १५ दिवस राहावे लागते, अशी अट आहे. अशा स्थितीत तीन दिवसांचे भाडे कोट्यवधी रुपयांच्या घरात जाते. 15 एकरांवर पसरलेले हे बेट फिलिपाइन्सच्या पलावान द्वीपसमूहाचा भाग आहे. हे बेट स्वतःच एक रिसॉर्ट आहे. हा जगातील सर्वात महागडा रिसॉर्ट आहे. या बेटावर 6 व्हिला आहेत. व्हिलामध्ये चार बेडरूम असून, प्रत्येक बेडरूममध्ये दोन लोक राहू शकतात. अशा प्रकारे एका व्हिलामध्ये 8 लोक राहू शकतात. अशा परिस्थितीत या बेटावर 48 लोक एकत्र राहू शकतात. हे रिसॉर्ट पुर्णपणे पाण्याने वेढलेले आहे. त्यामुळे सीप्लेन आणि हेलिकॉप्टरनेच येथे पोहोचता येते.
(फोटो सौजन्य – istock)
एका दिवसाचे भाडे तब्बल 84 लाख रुपये
एका बेडरूमच्या खोलीत दोन पाहुण्यांचे भाडे प्रतिदिन 2650 डॉलर अर्थात (2.23 लाख रुपये) इतके आहे. ही सुरुवातीची किंमत आहे. या ठिकाणी राहायचे म्हटले तर किमान एक व्हिला बुक करावा लागतो. यासाठी सामान्य हंगामातील एका दिवसाचे भाडे सुमारे 9 लाख रुपये इतके आहे. येथे किमान तीन दिवसाचे बुकिंग करावे लागते. अशा स्थितीत व्हिलाचे तीन दिवसांचे भाडे सुमारे २७ लाख रुपये द्यावे लागते. गर्दीच्या काळात भाडे लक्षणीय वाढते. पीक टाइममध्ये दिवसाचे भाडे तब्बल 84 लाख रुपयांपर्यंत जाते. त्यामुळे या बेटावर राहायचे म्हटले तर तीन दिवसांसाठी 2.50 कोटी रुपये खर्च करावे लागतात.
काय आहेत या बेटाची वैशिष्टे
अनेक प्रकारची मैदानी उपक्रम या ठिकाणी उपलब्ध आहेत. यामध्ये स्कूबा डायव्हिंग, स्नॉर्कलिंग, पोहणे इ. याशिवाय तुम्ही येथे स्टारगेझिंग, टेनिस आणि गोल्फचाही पर्यटक आनंद घेऊ शकतात. तुम्ही या ठिकाणी एक व्हिला किंवा संपूर्ण बेट भाड्याने घेऊ शकतात. संपूर्ण बेट बुक करताना प्रत्येक व्हिला भाडे द्यावे लागते. प्रत्येक व्हिलामध्ये इन्फिनिटी पूल असतो. मनिलाहून प्रायव्हेट जेट आणि हेलिकॉप्टरने दीड तासात आणि हाँगकाँगहून तीन तासांत या बेटावर पोहोचता येते. थेट मनिलाहून हेलिकॉप्टर आणि सी प्लेन सुविधाही उपलब्ध आहेत.
