Stocks to Watch: मंगळवार गुंतवणूकदारांसाठी असेल महत्वाचा दिवस, 'हे' शेअर असतील फोकसमध्ये (फोटो सौजन्य - सोशल मीडिया)
Stocks to Watch Marathi News: सोमवारी दोन्ही बेंचमार्क निर्देशांक लाल रंगात बंद झाले. सोमवारी सेन्सेक्स ८१,२९९ वर उघडला आणि दिवसअखेर ०.७० टक्क्यांच्या घसरणीसह ८०,८९१ वर बंद झाला. दुसरीकडे, सोमवारी निफ्टी ५० २४,७८२ वर उघडला आणि दिवसअखेर ०.६३ टक्क्यांच्या घसरणीसह २४,६८० वर बंद झाला.
अशा परिस्थितीत, मंगळवारी बाजार उघडेल तेव्हा गुंतवणूकदार खाली दिलेल्या कंपन्यांच्या शेअर्सवर लक्ष ठेवतील. या कंपन्यांनी सोमवारी त्यांचे तिमाही निकाल जाहीर केले आहेत.
मंगळवारी, गुंतवणूकदार संरक्षण क्षेत्रातील सरकारी कंपनी भारत इलेक्ट्रॉनिक्सच्या शेअरवर लक्ष ठेवतील. कारण कंपनीने सोमवारी तिमाही निकाल जाहीर केले आहेत. कंपनीने सांगितले की या तिमाहीत तिचा निव्वळ नफा २४.८६ टक्क्यांनी वाढून ९६९.१३ कोटी रुपये झाला आहे, तर गेल्या वर्षी याच तिमाहीत तो ७७६.१४ कोटी रुपये होता. कंपनीचा कामकाजातून मिळणारा महसूल ४४१६.८३ कोटी रुपये होता, जो गेल्या वर्षीच्या याच तिमाहीतील ४१९८.७७ कोटी रुपयांपेक्षा ५.२ टक्के जास्त आहे.
मंगळवारी गुंतवणूकदारांच्या लक्ष केंद्रीत अदानी ग्रीन एनर्जीचा शेअर असणार आहे. कारण कंपनीने सोमवारी तिमाही निकाल जाहीर केले. कंपनीने म्हटले आहे की तिचा निव्वळ नफा ३१ टक्क्यांनी वाढून ८२४ कोटी रुपये झाला आहे. गेल्या वर्षी याच तिमाहीत तो ६२९ कोटी रुपये होता. कंपनीचा महसूल वार्षिक आधारावर ३६% वाढून ₹३,८०० कोटी झाला आहे, तर EBITDA २८% वाढून ₹३,०४२ कोटी झाला आहे.
मंगळवारी संरक्षण क्षेत्रातील स्मॉलकॅप कंपनी अपोलो मायक्रो सिस्टम्सचा शेअर गुंतवणूकदारांच्या रडारवर असणार आहे. कारण कंपनीने तिमाही निकालांमध्ये जबरदस्त कामगिरी केली आहे. कंपनीने म्हटले आहे की आर्थिक वर्ष २६ च्या पहिल्या तिमाहीत १८.५१ कोटी रुपयांचा निव्वळ नफा नोंदवला आहे. हा आर्थिक वर्ष २५ च्या पहिल्या तिमाहीतील ८.४३ कोटी रुपयांच्या निव्वळ नफ्यापेक्षा खूपच जास्त आहे.
मंगळवारी गुंतवणूकदार फार्मा क्षेत्रातील कंपनी टोरेंट फार्माच्या शेअरवर लक्ष ठेवतील. कारण कंपनीने तिमाही निकाल जाहीर केले आहेत. कंपनीने म्हटले आहे की आर्थिक वर्ष २६ च्या पहिल्या तिमाहीत ५४८ कोटी रुपयांचा निव्वळ नफा नोंदवला आहे. हा आर्थिक वर्ष २५ च्या पहिल्या तिमाहीत ४५७ कोटी रुपयांच्या निव्वळ नफ्यापेक्षा सुमारे २०% जास्त आहे. तसेच, कंपनीच्या कामकाजातून मिळणारा महसूल देखील वर्षानुवर्षे ११ टक्क्यांनी वाढून ३,१७८ कोटी रुपयांवर पोहोचला आहे.
.png "Videos"){kind=small}
