Instant E-PAN Card: नवं PAN कार्ड काढायचंय? आता रांगेत उभं राहण्याची गरज नाही! मोबाईलवरच 10 मिनिटांत करा काम

Instant E-PAN Card: पॅन कार्ड काढण्यासाठी आता आयकर विभागाच्या ‘इन्स्टंट ई-पॅन’ सुविधेचा वापर करता येतो. या सुविधेमुळे घरबसल्या मोबाईलवरून ऑनलाइन अर्ज करता येतो. लेखानुसार, आधार कार्डला मोबाईल नंबर लिंक असल्यास ही प्रक्रिया विनामूल्य आणि कागदपत्रे जमा न करता करता येते.

Digital PAN Card: पॅन कार्ड हे आजकाल सगळ्यात महत्त्वाचं कागदपत्र झालंय. बँकेत खातं काढायचं असो, पैसे पाठवायचे असो किंवा कुठलाही मोठा व्यवहार करायचा असो, पॅन कार्ड लागतंच. पूर्वी पॅन कार्ड काढायचं म्हणजे मोठं काम होतं. फॉर्म भरायचा, झेरॉक्स जोडायच्या, सरकारी ऑफिसमध्ये जायचं आणि दिवस वाया घालवायचे. सरकारने एक नवीन सोय आणली आहे, त्याचं नाव आहे ‘इन्स्टंट ई-पॅन’. यामुळे तुम्ही घरबसल्या तुमच्या मोबाईलवर फक्त 10 मिनिटात पॅन कार्ड काढू शकता, ते पण एक रुपया न देता. पूर्णपणे फुकट. Instant E-PAN Card:

एजंटला पैसे द्यायची गरज नाही

आधी पॅन कार्ड काढण्यासाठी लोक एजंटकडे जायचे, त्याला 300-400 रुपये द्यायचे. जर तुमच्या आधार कार्डला तुमचा मोबाईल नंबर जोडलेला असेल तर तुम्ही स्वतःच पॅन कार्ड काढू शकता. हे जे ई-पॅन असतं ते नॉर्मल प्लास्टिकच्या पॅन कार्डसारखंच चालतं. सरकारी काम असो किंवा प्रायव्हेट, सगळीकडे चालतं. डिजिटल इंडियामुळे ही गोष्ट शक्य झाली आहे. आयकर विभागाने ही सुविधा सुरु केली आहे जेणेकरून लोकांना त्रास होऊ नये.

काय आहे ही ई-पॅन योजना?

ही एकदम पेपरलेस योजना आहे. तुम्हाला कुठलेही कागद द्यायची गरज नाही. सायबर कॅफेत जायची गरज नाही. फक्त तुमच्याकडे एक स्मार्टफोन आणि इंटरनेट पाहिजे. आणि हो, यासाठी एक रुपया पण लागत नाही. तुम्हाला जास्त माहिती हवी असेल तर तुम्ही incometax.gov.in या सरकारी साईटवर जाऊन बघू शकता.

Stock Market Holiday: सलग तीन दिवस शेअर बाजाराला सुट्टी, जाणून घ्या संपूर्ण वर्षाचे कॅलेंडर

पॅन कार्ड काढण्यासाठी काय लागतं?

यासाठी काही अटी आहेत, त्या आधी बघून घ्या.तुमच्याकडे आधार कार्ड पाहिजे.तुमचा मोबाईल नंबर आधारला लिंक असला पाहिजे, कारण त्यावर OTP येतो.तुमच्याकडे आधीपासून पॅन कार्ड नसावं. दोन पॅन कार्ड ठेवणं हा गुन्हा आहे, त्यासाठी 10 हजार रुपये दंड पडू शकतो.लहान मुलांना हे काढता येणार नाही. आणि ज्यांच्या आधारवर पूर्ण जन्मतारीख नाही त्यांना पण नाही मिळणार.

मोबाईलवर पॅन कार्ड कसं काढायचं?

स्टेप बाय स्टेप बघाही प्रोसेस एकदम सोपी आहे. फक्त हे स्टेप्स करा.पहिल्यांदा तुमच्या मोबाईलमध्ये incometax.gov.in ही साईट उघडा.होमपेजवर तुम्हाला ‘Quick Links’ दिसेल, त्याच्याखाली ‘Instant e-PAN’ नावाचा ऑप्शन असेल, त्यावर क्लिक करा.मग एक नवीन पेज उघडेल, तिथे ‘Get New e-PAN’ या बटणावर दाबा.आता तुमचा 12 अंकी आधार नंबर टाका आणि खाली ‘I confirm’ वर टिक करून ‘Continue’ करा.आता तुमच्या आधारला जो मोबाईल नंबर लिंक आहे त्यावर एक 6 अंकी OTP येईल, तो टाका.OTP टाकला की तुमचा फोटो, नाव, जन्मतारीख, पत्ता सगळं आपोआप स्क्रीनवर येईल. ते एकदा चेक करा आणि सबमिट करा.झालं!

BRICS परिषदेमुळे अमेरिका चिडली? Indian Solar Panel वर ठोठावला 123% Tariff; आता काय होणार परिणाम?

तुम्हाला एक Acknowledgement नंबर मिळेल. 10 मिनिटात तुमचं पॅन कार्ड तयार होईल. तेच तुम्ही त्याच साईटवरून PDF मध्ये डाऊनलोड करू शकता.हे डिजिटल पॅन कार्ड चालतं का?हा प्रश्न बऱ्याच लोकांना पडतो. तर हो, हे 100% वैध आहे. आयकर विभागानेच सांगितलं आहे की या ई-पॅनवर डिजिटल सही असते आणि ते ओरिजनल पॅन कार्डसारखंच चालतं.आणि जर तुम्हाला प्लास्टिकचं कार्ड घरपोच हवं असेल तर तुम्ही NSDL किंवा UTIITSL च्या साईटवर जाऊन फक्त 50 रुपये भरून ते मागवू शकता. ते पोस्टाने तुमच्या घरी येईल.तर मग वाट कसली बघताय? जर तुमच्याकडे पॅन कार्ड नसेल तर आत्ताच मोबाईलवरून काढून घ्या.