Diwali Gold Rate Prediction : बापरे… यंदाच्या दिवाळीत Gold 1.80 लाखांच्या पार जाणार? Global Market मध्ये बदलतेय परिस्थिती?

Gold Rate Prediction Diwali 2026 : येत्या दिवाळीपर्यंत सोन्याचे दर प्रति १० ग्रॅम १.८० लाख रुपयांच्या पार पोहोचणार का असा प्रश्न निर्माण झाला आहे. सध्या याकडे गुंतवणूकदार आणि ग्राहकांचे लक्ष लागले आहे. आंतरराष्ट्रीय बाजारातील सोन्याचे वाढते दर भाव पाहता आणि जागतिक परिस्थितीमुळे सोन्याची चकाकी बरीच वाढण्याची शक्यता आहे.

• यंदाच्या दिवाळीत Gold 1.80 लाखांच्या पार जाणार?
• Global Market मध्ये बदलतेय परिस्थिती?
• सोन्याच्या दरात हालचाल का?

Gold Rate Prediction Diwali 2026 : भारताचे पंतप्रधान नरेंद्र मोदी यांनी सोनं न खरेदी करण्याची विनंती केली. मात्र भारतीयांना सोनं खरेदी करण्यापासून रोखणं ही फार कठीण गोष्ट आहे. कारण इथे सोन्याला जसा एक अलंकार म्हणून पाहिलं जातं त्याचबरोबर सोन्याकडे गुंतवणूकाचा उत्तम पर्याय म्हणूनही पाहिलं जातं. त्यामुळे सोन्याच्या खरेदीकडे नेहमीच ओघ जास्त असतो. आज 2 ऑक्टोबर कमोडिटी बाजारात कोणताही व्यवहार झालेला नाही. त्यामुळे IBJA ने देखील सोना चांदीचे दर जाहीर केलेले नाहीत. त्यामुळे देशांतर्गत बाजार थोडा शांत आहे. पण आंतरराष्ट्रीय बाजारात मात्र सोन्याची चमक किंचित वाढलेली पाहायला मिळाली. यामुळे आता प्रश्न निर्माण झाला आहे. की दिवाळीपर्यंत सोन्याचे भाव कुठून कुठे पोहोचताहेत? नेमकी काय आहे परिस्थिती? ( Gold Rate Prediction Diwali 2026 )

महाराष्ट्रासाठी मोठी बातमी! Mahindra अन् Embraer चा नागपुरात विमान जोडणी प्रकल्प; IAF ची मान्यता मिळताच कामाला वेग

केडिया कमोडिटीजचे अध्यक्ष अजय केडिया यांच्या मते, दिवाळीपर्यंत किंवा २०२६ च्या अखेरपर्यंत सोन्याचा भाव प्रति १० ग्रॅम १,८०,००० रुपयांचा टप्पा ओलांडू शकतो. त्यात आज आंतरराष्ट्रीय बाजारात सोन्याच्या किमती किंचित वाढल्या आहेत. US बॉण्डवरील रिटर्न कमी झाला आहे, आणि फेडरल रिझर्व्हच्या अधिकाऱ्यांनी संकेत दिले आहेत की पुढील व्याजदराचा निर्णय घेण्यापूर्वी त्यांना अधिक वेळ हवा आहे. दरम्यान, मध्य पूर्वेतील वाढत्या तणावाच्या भीतीमुळे ऊर्जा क्षेत्रातही किमती वाढत चालल्या आहेत.

ब्लूमबर्गच्या माहितीत काय?

ब्लूमबर्गच्या माहितीनुसार, सिंगापूरमध्ये दुपारी स्पॉट सोन्याचा भाव ०.३ टक्क्यांनी वाढून प्रति औंस ४,१९०.१६ डॉलरवर पोहोचला. चांदीचा भाव ०.६ टक्क्यांनी वाढून प्रति औंस ६१.३८ डॉलरवर पोहोचला, आदल्या दिवशी त्यात ०.९ टक्क्यांची वाढ झाली होती. प्लॅटिनम आणि पॅलेडियमच्या भावातही वाढ झाली. अमेरिकन डॉलरच्या तुलनेत डॉलर स्पॉट इंडेक्स ०.१ टक्क्यांनी घसरला.

सोन्याच्या दरात हालचाल का?

गुरुवारी अमेरिकेच्या ट्रेझरी यील्डमध्ये सर्वत्र घट दिसून आली. १०-वर्षांचे यील्ड २४ वर्षांच्या विक्रमी पातळीखाली घसरले. फ्रान्सच्या आर्थिक परिस्थितीबद्दल वाढलेल्या चिंतेमुळे गुंतवणूकदारांनी अधिक सुरक्षित पर्यायांची निवड करण्याचा पर्याय समोर ठेवला.

सप्टेंबरमध्ये सोन्याच्या दराची ६ % ची घसरण

सोन्यावर व्याज मिळत नसल्यामुळे, जास्त रिटर्न सामान्यतः सोन्यासाठी हानिकारक असतो. सप्टेंबरमध्ये सोन्याच्या किमतीत झालेल्या ६ टक्क्यांच्या घसरणीचे हे एक प्रमुख कारण होते. फेडरल रिझर्व्हचे उपाध्यक्ष फिलिप जेफरसन म्हणाले की, व्याजदरात आणखी वाढ करण्याची गरज आहे की नाही याचे मूल्यांकन करण्यासाठी अधिक वेळ लागू शकतो. यामुळे लवकर व्याजदर वाढण्याच्या बाजारातील अपेक्षा कमी झाल्या आहेत. आठवड्याच्या सुरुवातीला ७० टक्के शक्यता होती, ती आता ऑक्टोबरमध्ये व्याजदर वाढीची केवळ २६ टक्के शक्यता असल्याचे व्यापाऱ्यांना वाटते.

Navi Mumbai विमानतळावरून प्रवाशांना मोठा फटका! IndiGo ने उड्डाणांच्या फेऱ्यांमध्ये केली कपात, पण नेमकं कारण काय?