BMC Bhagwati Hospital Recruitment 2026: मुंबईत एमबीबीएस डॉक्टरांसाठी नोकरीची मोठी संधी; थेट मुलाखतीद्वारे होणार भरती!

BMC Bhagwati Hospital Recruitment 2026: बृहन्मुंबई महानगरपालिकेच्या भगवती रुग्णालयात एमबीबीएस पदवीधारकांसाठी आवास अधिकारी पदाच्या ३ जागांवर थेट मुलाखत. २ नोव्हेंबर २०२६ रोजी मुलाखत आहे.

• आवास अधिकारी पदासाठी थेट मुलाखत
• शैक्षणिक पात्रता आणि वेतन
• महत्त्वाच्या अटी व कालावधी

BMC Bhagwati Hospital Recruitment 2026: बृहन्मुंबई महानगरपालिकेच्या (BMC) अंतर्गत येणाऱ्या श्री. हरिलाल भगवती महानगरपालिका सर्वसाधारण रुग्णालय, बोरीवली (प.) येथे ‘आवास अधिकारी’ पदाच्या जागा भरण्यासाठी थेट मुलाखतीचे आयोजन करण्यात आले आहे. या भरती मोहिमेद्वारे एकूण ३ रिक्त पदे भरली जाणार आहेत.

शैक्षणिक पात्रता आणि वेतन:

या पदासाठी अर्ज करू इच्छिणाऱ्या उमेदवारांकडे मान्यताप्राप्त संस्थेची एमबीबीएस पदवी असणे आवश्यक असून, महाराष्ट्र वैद्यकीय परिषदेकडे (Maharashtra Medical Council) कायमस्वरूपी नोंदणी असणे अपरिहार्य आहे. तसेच, उमेदवाराला मराठी भाषेचे ज्ञान असणे आवश्यक असून अनुभवी उमेदवारांना प्राधान्य दिले जाईल. निवड झालेल्या उमेदवारांना मूळ वेतन ६,६०० रुपये, ३,३०० रुपये डी.पी., नियमांनुसार महागाई भत्ता आणि २७,००० रुपये SAC असे एकत्रित दरमहा वेतन दिले जाईल.

मुलाखतीची तारीख आणि वेळ:

इच्छुक व पात्र उमेदवारांनी आपला पासपोर्ट आकाराचा फोटो असलेला अर्ज, बायोडाटा, शैक्षणिक पात्रता, अनुभव प्रमाणपत्रे आणि इतर आवश्यक प्रमाणपत्रांच्या स्व-साक्षांकित प्रतींसह थेट मुलाखतीसाठी उपस्थित राहावे. मुलाखत आणि नोंदणीचे ठिकाण ‘प्रमुख वैद्यकीय अधिकारी (CMO) कार्यालय, पहिला माळा, खोली क्र. २६, श्री. हरिलाल भगवती महानगरपालिका सर्वसाधारण रुग्णालय, बोरीवली (प.), मुंबई – ४००१०३’ हे आहे. नोंदणी दिनांक ०२ नोव्हेंबर २०२६ रोजी सकाळी १०:०० ते १०:३० या वेळेत होईल, तर मुलाखत सकाळी ११:०० ते दुपारी १२:३० या वेळेत पार पडेल. नोंदणीची वेळ संपल्यानंतर येणाऱ्या उमेदवारांना मुलाखतीत सहभागी होण्याची संधी मिळणार नाही.

इंजिनिअरिंग उमेदवारांसाठी मोठी बातमी! SSC JE Exam 2026 ची एक्झाम सिटी स्लिप अधिकृत वेबसाईटवर जाहीर

महत्त्वाच्या अटी व कालावधी:

सदर पदावरील नियुक्तीचा कालावधी नियुक्ती दिनांकापासून ३१ जानेवारी २०२७ पर्यंत असेल. ही पदे महानगरपालिकेची नियमित पदे नसून, निवड झालेल्या उमेदवारांना पालिकेचे नियमित कर्मचारी मानले जाणार नाही. तसेच नियुक्तीच्या वेळी १०,००० रुपयांची अनामत रक्कम डिमांड ड्राफ्ट किंवा चलनाद्वारे जमा करावी लागेल, जी संपूर्ण सेवाकाळ पूर्ण झाल्यानंतर परत केली जाईल. याविषयीची सविस्तर माहिती आणि अटी रुग्णालयाच्या माध्यमातून व अधिकृत जाहिरातीत पाहता येतील.

AI in Education: जर मुलांना एआयसोबत ‘ही’ १० मानवी मूल्ये शिकवली नाहीत, तर त्यांची अवस्था…