Image
Reddit Viral Story: कॉर्पोरेट जगत अजब-गजब घटनांनी भरले आहे. कधीकधी तर काही घटनांवर विश्वासच बसत नाही. विचार करा, जर एखाद्या कर्मचाऱ्याने असे सांगितले की, त्याला कोणतेही काम न करता दरवर्षी कोटींपर्यंत पगार मिळत होता, तर तुम्ही विश्वास ठेवाल का? ऐकायला ही एखाद्या फिल्मी कथेसारखी वाटू शकते, मात्र न्यूयॉर्करमधील एका बहुराष्ट्रीय कंपनीत (MNC) कार्यरत असलेल्या कर्मचाऱ्यासोबत नेमके असेच घडले आहे. या व्यक्तीचा दावा आहे की, २ वर्षे कोणतेही काम न करता कंपनीने पगाराच्या रूपाने त्याला कोटी रुपये दिले.
सोशल मीडिया प्लॅटफॉर्म ‘रेडिट’वर एका कर्मचाऱ्याची ही कहानी वेगाने व्हायरल होत आहे. कंपनीत झालेल्या री-ऑर्गनायझेशनमुळे (पुनर्चना) आपल्याला सुमारे २ वर्षे कोणतेही काम न करता भरगोस पगार मिळत राहिल्याचा दावा त्याने केला आहे. या काळात त्याने काहीही न करता ५ लाख डॉलर (म्हणजेच सुमारे ४.७ कोटी रुपयांपेक्षा जास्त) रक्कम मिळवली. या २ वर्षांत या व्यक्तीने आयुष्याचा मनसोक्त आनंदही लुटला. कोणत्याही कामाशिवाय कोटींचा पगार मिळण्याच्या या अनोख्या कथेमागचे नेमके प्रकरण काय आहे, हे या व्हायरल पोस्टमधून समोर आले आहे.
न्युयॉर्कच्या एका MNC मध्ये या कर्मचाऱ्याने जवळपास १० वर्षे वेगवेगळ्या विभागांमध्ये काम केले होते. २०२५ च्या सुरुवातीला या व्यक्तीने कंपनीच्या अंतर्गतच एक नवीन टीम जॉइन केली. तो याला एक मोठे प्रमोशन मानत होता. मात्र, पहिल्याच दिवशी कंपनीत री-स्ट्रक्चरिंग (पुनर्रचना) झाली. मॅनेजर आणि डायरेक्टर यांना कामावरून काढून टाकण्यात आले. न्यूयॉर्कमध्ये नोकरी करणाऱ्या या कर्मचाऱ्याकडे ना कोणती टीम उरली होती, ना काम देणारा बॉस. तो कोणतीही जबाबदारी आणि मॅनेजमेंटच्या मार्गदर्शनाशिवाय दरवर्षी २.७५ लाख डॉलर इतका पगार मिळवू लागला.
सुरुवातीला या व्यक्तीला खूप मजा वाटली. परंतु, दीर्घकाळ काम न करता राहणे कोणत्याही प्रोफेशनला भारी पडू शकते. तो ऑफिसच्या कॅफेत नेटफ्लिक्स आणि यूट्यूब बघून दिवस घालवायचा. तो व्यक्ती न्यूयॉर्करमध्ये नवीन होता, त्यामुळे तो आठवड्यातून अनेकदा नवीन आणि प्रसिद्ध रेस्टॉरंटमध्ये लंचसाठी जायचा. त्याने सांगितले की, या २ वर्षांत त्याने मॅनहॅटन शहराचा कोनाडा-कोनाडा पायी धुंडाळला. सुरुवातीला त्याने नवीन मॅनेजरकडे कामाची मागणी केली होती आणि नवीन प्रोजेक्ट्समध्ये सहभागी होण्याचा प्रयत्न केला होता. मात्र, मॅनेजमेंटकडून कोणताही प्रतिसाद मिळाला नाही.
कोणतेही काम न करता सातत्याने पगार मिळाल्यामुळे सुरुवातीला मनात थोडी अपराधीपणाची (गिल्ट) भावना निर्माण झाली. हळूहळू त्याचे रूपांतर निराशेमध्ये झाले. या दीर्घ रिकाम्या वेळामुळे आपल्या आत्मविश्वासावर अत्यंत वाईट परिणाम झाल्याचे या कर्मचाऱ्याचे मानणे आहे. आपण आपल्या करिअरमध्ये इतरांपेक्षा मागे पडत असल्याची भावना त्याला वाटली. शेवटी, सलग ६ महिने मुलाखती (इंटरव्ह्यू) दिल्यानंतर त्याने त्याच कंपनीच्या अंतर्गत दुसरी आणि उत्तम भूमिका मिळवली. कॉर्पोरेट जग खरोखरच खूप विचित्र आहे, असे लिहीत या काळात आपल्याला आयुष्याचा एक वेगळाच धडा मिळाल्याचे त्याने नमूद केले.
Ans: या कर्मचाऱ्याने कोणतेही काम न करता सुमारे २ वर्षांत ५ लाख डॉलर म्हणजेच जवळपास ४.७ कोटी रुपयांपेक्षा जास्त रक्कम मिळवली.
Ans: कंपनीत अचानक झालेल्या पुनर्रचनेमुळे (Restructuring) मॅनेजर आणि डायरेक्टर यांना कामावरून काढण्यात आले, त्यामुळे त्याच्याकडे कोणतीही टीम किंवा काम देणारा बॉस उरला नव्हता.
.png "Videos"){kind=small}
