CA Result 2026 Out: सीए इंटर परीक्षेचा निकाल घोषित! ‘या’ लिंकवर पाहा निकाल

CA Result 2026 Out: ICAI ने CA Intermediate September 2026 चा निकाल जाहीर केला आहे. उमेदवारांना caresults.icai.org वर निकाल पाहता येईल. टॉपर्सची यादी आणि पासिंग टक्केवारी पाहा.

• सीए इंटरमीडिएट परीक्षेचे निकाल जाहीर 
• यंदाचे कोण आहेत टॉपर?
• यावर्षी पासिंग टक्केवारी किती राहिली? 

CA Result 2026 Out: इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) ने सप्टेंबर २०२६ मध्ये झालेल्या चार्टर्ड अकाउंटंट्स इंटरमीडिएट परीक्षेचे निकाल जाहीर केले आहेत. या परीक्षेत सहभागी झालेले देशभरातील हजारो विद्यार्थी आता आपली अधिकृत वेबसाइट caresults.icai.org वर जाऊन आपला निकाल आणि स्कोअर कार्ड पाहू शकतात. निकाल पाहण्यासाठी उमेदवारांना आपला रोल नंबर आणि कॅप्चा कोड प्रविष्ट करावा लागेल. सीए इंटरमीडिएट २०२६ च्या परीक्षेत नील राजेश शाह आणि चंदक साक्षी यांनी संयुक्तपणे ऑल इंडिया रँक १ पटकावला आहे.

इतकी राहिली पासिंग टक्केवारी

इन्स्टिट्यूट ऑफ चार्टर्ड अकाउंटंट्स ऑफ इंडियाच्या सप्टेंबर २०२६ च्या ग्रुप १ चा पासिंग टक्केवारी २३.१४ टक्के इतकी राहिली. यामध्ये परीक्षेत सहभागी झालेल्या १,००,३०१ उमेदवारांपैकी २३,२१० उमेदवार पास झाले. तर ग्रुप २ साठी ६८,४०० उमेदवारांपैकी १२,९३८ उमेदवार पास झाले, ज्याचा पासिंग टक्केवारी १८.९२ टक्के इतकी होती. दोन्ही ग्रुपसाठी परीक्षा देणाऱ्या ३८,३३९ उमेदवारांपैकी ५,०६६ उमेदवार पास झाले, ज्यामध्ये एकूण पासिंग टक्केवारी ३०.२१ टक्के राहिली.

सीए इंटर सप्टेंबर २०२६ परीक्षेचे टॉपर्स कोण आहेत?

रँक १: नील राजेश शाह – ५०२ गुण आणि ८३.६७ टक्के

रँक १: चंदक साक्षी – ५०२ गुण आणि ८३.६७ टक्के

रँक २: श्रुति वी – ४९२ गुण आणि ८२ टक्के

रँक ३: प्रेम अग्रवाल – ४९० गुण आणि ८१.६७ टक्के

कधी झाल्या होत्या सीए इंटर २०२६ च्या परीक्षा?

सीए इंटरमीडिएट ग्रुप १ ची परीक्षा १, ३ आणि ६ सप्टेंबर रोजी आयोजित करण्यात आली होती, तर ग्रुप २ ची परीक्षा ८, १० आणि १२ सप्टेंबर रोजी झाली होती. ग्रुप १ मध्ये १ सप्टेंबर रोजी ॲडव्हान्स्ड अकाउंटिंग, ३ सप्टेंबर रोजी कॉर्पोरेट अँड अदर लॉज आणि ६ सप्टेंबर रोजी टॅक्सेशनची परीक्षा आयोजित करण्यात आली होती. तर ग्रुप २ मध्ये ८ सप्टेंबर रोजी कॉस्ट अँड मॅनेजमेंट अकाउंटिंग, १० सप्टेंबर रोजी ऑडिटींग अँड एथिक्स आणि १२ सप्टेंबर रोजी फायनान्शियल मॅनेजमेंट अँड स्ट्रॅटेजिक मॅनेजमेंटची परीक्षा पार पडली. त्यानंतर आता २२ ऑक्टोबर रोजी सीए इंटरमीडिएट सप्टेंबर २०२६ परीक्षेचे निकाल जाहीर करण्यात आले आहेत.

NEET PG Counseling 2026: नीट पीजी प्रवेश प्रक्रिया सुरू; २६ ऑक्टोबरपर्यंत करता येणार रजिस्ट्रेशन!

सीए इंटर २०२६ चा निकाल असा तपासा:

१. सीए इंटर २०२६ चा निकाल तपासण्यासाठी सर्वप्रथम caresults.icai.org या वेबसाइटवर जा.

२. त्यानंतर होम पेजवर सीए इंटरमीडिएट सप्टेंबर २०२६ निकाल असलेल्या लिंकवर क्लिक करा.

३. आता आपला रजिस्ट्रेशन नंबर आणि रोल नंबर प्रविष्ट करा.

४. यानंतर कॅप्चा कोड भरून सबमिटवर क्लिक करा.

५. सबमिटवर क्लिक करताच स्क्रीनवर तुमचा निकाल दिसेल.

६. आता निकाल तपासून त्याची प्रिंटआऊट डाऊनलोड करून सुरक्षित ठेवा.

Hindusthan Bank Recruitment 2026: ‘हिंदुस्थान को-ऑपरेटिव्ह बँके’त बंपर भरती; पदवीधर आणि १० वी पास उमेदवारांसाठी मोठी संधी!