Medical College in India: देशातील सर्वात स्वस्त मेडिकल कॉलेज; जिथे ५ वर्षांची MBBS फी समोसा-चहापेक्षा कमी!

Cheapest Medical College in India: भारतामध्ये वैद्यकीय शिक्षण (MBBS) घेणे अत्यंत महाग मानले जाते. खाजगी वैद्यकीय महाविद्यालयांमध्ये (Private Medical Colleges) एमबीबीएसच्या एका वर्षाची फी १० ते २० लाख रुपयांच्या घरात असते, अशा परिस्थितीत भारतातील सर्वात स्वस्त मेडिकल कॉलेज कोणते? जाणून घ्या

Cheapest Medical College in India: भारतामध्ये वैद्यकीय शिक्षण (MBBS) घेणे अत्यंत महाग मानले जाते. खाजगी वैद्यकीय महाविद्यालयांमध्ये (Private Medical Colleges) एमबीबीएसच्या एका वर्षाची फी १० ते २० लाख रुपयांच्या घरात असते, ज्यामुळे मध्यमवर्गीय आणि गरीब कुटुंबातील मुलांचे डॉक्टर होण्याचे स्वप्न अनेकदा अपूर्ण राहते.

मात्र, भारतामध्ये असेही एक मेडिकल कॉलेज आहे, जिथे नामांकित आणि उच्च दर्जाचे शिक्षण मिळूनही एमबीबीएसची ५ वर्षांची एकूण फी केवळ ५,८५६ रुपये आहे! म्हणजेच, महिना अवघ्या १०० रुपयांपेक्षा कमी खर्चात विद्यार्थी येथे डॉक्टर बनतात. हे ठिकाण दुसरे तिसरे नसून देशातील अव्वल वैद्यकीय संस्था ‘एम्स दिल्ली’ (AIIMS Delhi) आहे.

AIIMS Delhi मधील फीचा संपूर्ण तपशील

एम्स दिल्ली ही केवळ भारतातीलच नव्हे, तर आशियातील सर्वोत्कृष्ट वैद्यकीय संस्थांपैकी एक आहे. एनआयआरएफ (NIRF Ranking) रँकिंगमध्ये ही संस्था नेहमी पहिल्या क्रमांकावर असते.

CoBRA Commando New Chief: IAS ची संधी नाकारली; आज कोब्राच्या पहिल्या महिला कमांडर बनल्या…..

एमबीबीएसची एकूण फी (५ वर्षे): अवघी ₹५,८५६/-

ट्यूशन फी: सुमारे ₹१,३५०/- (संपूर्ण कोर्ससाठी)

हॉस्टेल आणि इतर खर्च: अतिशय अल्प दरात हॉस्टेल आणि मेसची सुविधा उपलब्ध असते.

इतर सरकारी कॉलेजेस: AIIMS व्यतिरिक्त JIPMER पुडुचेरी आणि इतर राज्यस्तरीय सरकारी मेडिकल कॉलेजेसमध्येही फी अत्यंत माफक असते, मात्र एम्स दिल्लीची फी सर्वात कमी आहे.

High Court Recruitment 2026: ग्रॅज्युएट्ससाठी मोठी संधी! दिल्ली हायकोर्टात ‘या’ पदांसाठी भरती सुरू; असा करा अर्ज

AIIMS मध्ये प्रवेश कसा मिळतो?

एम्स दिल्लीमध्ये प्रवेश मिळवणे जितके फायदेशीर आहे, तितकेच ते कठीणही मानले जाते.

१. NEET UG परीक्षा: एम्समध्ये प्रवेश घेण्यासाठी उमेदवारांना राष्ट्रीय स्तरावरील NEET UG (National Eligibility cum Entrance Test) परीक्षा द्यावी लागते.

२. टॉप रँक आवश्यक: एम्स दिल्लीमध्ये साधारणपणे ७०० हून अधिक गुण मिळवणाऱ्या आणि ऑल इंडिया रँक (AIR) १ ते ५० दरम्यान असणाऱ्या टॉपर्सनाच एमबीबीएसची जागा मिळते.

३. उत्कृष्ट पायाभूत सुविधा: अत्यंत कमी फी असूनही येथे जागतिक दर्जाच्या लॅब्स, आंतरराष्ट्रीय स्तरावरील प्राध्यापक आणि प्रत्यक्ष रुग्णांच्या उपचाराचा दांडगा अनुभव मिळतो.