CM Meeting on MPSC: MPSC विद्यार्थ्यांच्या विजयाचा एल्गार! शासनाकडून मागण्या मान्य, आंदोलनाबाबत मोठा निर्णय

CM Meeting on MPSC: मुख्यमंत्र्यांसोबत झालेल्या सकारात्मक बैठकीनंतर एमपीएससी विद्यार्थ्यांचे आंदोलन तूर्त स्थगित करण्यात आले आहे. एमपीएससीच्या सचिवांची बदली, न्यायालयीन चौकशी आणि सर्व परीक्षा ऑफलाइन घेण्याचे आश्वासन शासनाकडून देण्यात आले आहे.

• मुख्यमंत्र्यांच्या आश्वासनानंतर एमपीएससी विद्यार्थ्यांचे आंदोलन तूर्त स्थगित करण्यात येणार
• एमपीएससी सचिवांची बदली होणार आणि परीक्षा ऑफलाइन पद्धतीनेच होणार
• एमपीएससी अध्यक्षांना पदावरून सध्या हटवले जाणार नाही
• सर्व विक्रम मोडित मोठ्या प्रमाणात जागा भरल्या जाणार

CM Meeting on MPSC: महाराष्ट्र लोकसेवा आयोगाच्या (एमपीएससी) परीक्षा पद्धतीतील त्रुटी, पेपरफुटीचे आरोप आणि निकालातील पारदर्शकतेच्या मुद्द्यावरून स्पर्धा परीक्षा विद्यार्थ्यांनी तीव्र संताप व्यक्त केला होता. या मागण्यांसाठी पुण्यात २ ऑक्टोबरपासून पुकारण्यात आलेले बेमुदत धरणे व नियोजित आंदोलन तूर्त स्थगित करण्यात आले आहे. मुख्यमंत्री देवेंद्र फडणवीस यांच्याशी विद्यार्थ्यांच्या शिष्टमंडळाची सकारात्मक चर्चा झाल्यानंतर हा निर्णय घेण्यात आला.

एमपीएससीच्या सचिवांची तत्काळ बदली केली जाणार

या बैठकीत मुख्यमंत्र्यांनी विद्यार्थ्यांच्या प्रमुख मागण्यांवर सकारात्मक भूमिका घेत काही महत्त्वाच्या घोषणा केल्या आहेत. विद्यार्थ्यांच्या भ्रष्टाचाराच्या आरोपांची ३ महिन्यांच्या आत न्यायालयीन चौकशी करून योग्य ती कारवाई केली जाईल, तसेच एमपीएससीच्या सचिवांची तत्काळ बदली केली जाईल, असे आश्वासन देण्यात आले आहे. याशिवाय आगामी सर्व परीक्षा या पूर्णपणे ऑफलाइन पद्धतीने घेतल्या जातील आणि आजवरचे सर्व विक्रम मोडत मोठ्या प्रमाणावर रिक्त जागा भरल्या जातील, असा शब्दही सरकारने दिला आहे.

AI Sathi course Diksha portal: शिक्षकांसाठी एआय साथी कोर्सला मुदतवाढ! आता ‘या’ तारखेपर्यंत घेता येणार प्रवेश

एमपीएससी अध्यक्षांना पदावरून सध्या हटवले जाणार नाही

विद्यार्थ्यांच्या सोयीसाठी एकाच ‘सिंगल कार्ड’वर माफक दरात सर्व परीक्षा देता याव्यात आणि वारंवार कागदपत्रे सादर करावी लागू नयेत, अशी यंत्रणा विकसित केली जाणार आहे. दरम्यान, एमपीएससी अध्यक्षांचे पद हे घटनात्मक असल्याने त्यांना हटवण्याचा अधिकार राष्ट्रपतींकडे असल्यामुळे त्या मुद्द्यावर तूर्त निर्णय होऊ शकला नाही, असे मुख्यमंत्री देवेंद्र फडणवीस म्हणाले. असे असले तरी, शासनाकडून बहुतांश मागण्या मान्य झाल्यामुळे विद्यार्थ्यांच्या शिष्टमंडळाने पुण्यात होणारे आंदोलन तूर्त मागे घेत असल्याचे जाहीर केले.

COEP आणि ARAI चा ऐतिहासिक निर्णय! देशातील पहिले ‘प्रगत श्रमदक्षता शास्त्र’ संशोधन केंद्र पुण्यात उभारणार