independence day
Independence Day 2026: जुन्या दिल्लीचे चैतन्य, इतिहास जपणारे आणि पतंगांनी सजलेले रस्ते, तसेच हवेत दरवळणारा अस्सल खाद्यपदार्थांचा सुगंध या सर्वांसह दिल्लीत आजही स्वातंत्र्याचा तोच जुना अंदाज जिवंत आहे. चांदणी चौक, खारी बावलीपासून ते लालकुआं येथील बाजारपेठांमध्ये १५ ऑगस्टनिमित्त भरणारा पतंगांचा मेळावा आजही तितक्याच उत्साहात भरतो.
दिल्लीमध्ये १५ ऑगस्टला पतंगांच्या रंगांनी संपूर्ण आकाश उजळून निघते आणि जामा मशिदीच्या छतांवर जलोषाचे एक वेगळेच दृश्य पाहायला मिळते. दिल्लीत स्वातंत्र्यदिन हा केवळ एक सण नाही, तर पतंगांची दोर आणि आनंदाच्या नव्या ऊर्जेसोबत साजरा केला जाणारा एक अटूट अनुभव आहे.
भारताच्या स्वातंत्र्याला ८० वर्षे पूर्ण झाल्याच्या पार्श्वभूमीवर यंदा एक वेगळाच उत्साह पाहायला मिळत आहे. या वर्षी लाल किल्ल्यावर पंतप्रधान नरेंद्र मोदी यांच्या भाषण आधी ८० व्या स्वातंत्र्यदिनाचे औचित्य साधून ‘वंदे मातरम’ हे राष्ट्रीय गीत गायले. दिल्लीच्या ८० वर्षांतील स्वातंत्र्योत्सवाच्या प्रवासावर नजर टाकल्यास, स्वातंत्र्य साजरे करण्याच्या पद्धतींमध्ये काळाच्या ओघात अनेक मोठे बदल झाले आहेत. पतंगबाजीच्या परंपरेपासून ते बाइक रायडिंगच्या आधुनिक संस्कृतीपर्यंतचा हा प्रवास अत्यंत खास राहिला आहे.
दिल्लीत स्वातंत्र्याचा उत्सव केवळ लाल किल्ल्याच्या तटापुरता मर्यादित राहत नाही, तर येथील आकाशही रंगीबेरंगी पतंगांनी सजून एक वेगळेच रूप धारण करते. १५ ऑगस्टच्या दिवशी बहुतांश दिल्लीकर आपापल्या छतांवर हातात मांजा आणि पतंग घेऊन ‘वो काट’ च्या जल्लोषात हा सण साजरा करताना दिसतात. या ८० व्या स्वातंत्र्यदिनानिमित्त जुन्या दिल्लीतील याच आठवणींना पुन्हा उजाळा देण्यासाठी ‘पतंग आणि पेच फेस्टिव्हल २०२६’ चे विशेष आयोजन करण्यात येत आहे. या कार्यक्रमात नामांकित इतिहासकार आणि लेखिका राना सफवी सहभागी होणार असून, त्या दिल्लीचा इतिहास, पतंगबाजीची संस्कृती आणि स्वातंत्र्याची भावना यांचा परस्परांशी असलेला खोल संबंध स्पष्ट करतील.
भारताची राजधानी दिल्लीतील सायकलपटू देखील १५ ऑगस्टचा सण अत्यंत खास पद्धतीने साजरा करणार आहेत. ‘फ्रीडम ८० राइड’ या उपक्रमात सहभागी होऊन तब्बल ८० किलोमीटर सायकल चालवून हे सायकलपटू आपल्या दिवसाची सुरुवात करतील. केवळ दिल्लीच नव्हे, तर इतर अनेक शहरांतील सायकलपटूही १५ ऑगस्टला ८० किलोमीटरच्या राइडसह स्वातंत्र्याचा आनंद साजरा करतील. या वेळी स्वातंत्र्यदिनाचा हा उत्साह केवळ राजधानीपुरता मर्यादित न राहता शहराच्या सीमांच्या पार पोहोचणार आहे.
मोटारसायकलवर फडकणारा तिरंगा, वाऱ्याचा वेग आणि बाइक रायडर्सच्या टोळ्यांचा उत्साह या वेळी ८० व्या स्वातंत्र्योत्सवात रंग भरणार आहे. हा विशेष उत्सव १५ ऑगस्टला नव्हे, तर १६ ऑगस्ट रोजी ५०० बाइक्सच्या ताफ्यासह साजरा केला जाईल. दिल्लीपासून सुरू होणारी ही ५० किलोमीटरची राइड मुरथलपर्यंत जाईल. यामुळे देशभक्तीचा जयघोष ५० किलोमीटरच्या पट्ट्यात गुंजणार आहे. हे आयोजन म्हणजे भगतसिंग, सुखदेव, राजगुरू आणि ज्या सर्व स्वातंत्र्यसैनिकांनी देशासाठी योगदान दिले, त्यांच्या बंधुभावाला आणि त्यागाला दिलेली एक अनोखी श्रद्धांजली असल्याचे या रायडर्सचे म्हणणे आहे.
.png "Videos"){kind=small}
