Dhruv Rathee: (फोटो सौजन्य- सोशलमीडिया)
Dhruv Rathee Education Qualification: दिल्लीत सध्या एकच चर्चा आहे. जंतर-मंतरवर लोक जमा झालेत. सीजेपी वाले आंदोलन करतायत. त्यांची मागणी काय तर, मुख्य निवडणूक आयुक्तांना खुर्चीवरून हटवा. ह्या सगळ्या गदारोळात अचानक ध्रुव राठीचं नाव समोर आलं.ध्रुव राठी म्हणजे कोण? तर यूट्यूबवरचा तो पोरगा, जो राजकारण, इतिहास यावर लांब लांब व्हिडिओ बनवतो. आता त्याच्याबद्दल बोललं जातंय, तर लोकांना प्रश्न पडलाय, हा शिकला तरी किती? चला, पूर्ण स्टोरी.
आज त्याचे व्हिडिओ कोट्यवधी लोक बघतात. पण सुरुवात अशी नव्हती. सुरुवातीला तो फक्त फिरण्याचे व्हिडिओ टाकायचा. कुठे फिरायला गेला, काय बघितलं, हेच दाखवायचा.नंतर हळूहळू त्याने विषय बदलला. फिरणं सोडलं आणि राजकारण, समाजात काय चाललंय, यावर बोलायला लागला. आणि लोकांना तेच आवडायला लागलं. आता तो भारतातला सगळ्यात मोठा यूट्यूबर मानला जातो. Dhruv Rathee:
ध्रुवचं शिक्षण ऐकलं तर डोकं गरगरेल. एक-दोन डिग्री नाहीत, त्याने चांगल्या तीन-तीन डिग्री घेतल्यात.सगळ्यात आधी त्याने मॅकेनिकल इंजिनिअरिंग केलं. बॅचलर डिग्री. इंजिनिअर झाला. मग तो जर्मनीला गेला. तिथे त्याने पुढचं शिक्षण घेतलं. कार्लस्रूहे नावाचं मोठं कॉलेज आहे तिथे. त्याचं नाव KIT. तिथून त्याने रिन्यूएबल एनर्जीमध्ये मास्टर केलं. म्हणजे सौर ऊर्जा, वारा ऊर्जा, यावरचं शिक्षण.
सायन्स-टेक्नॉलॉजीसाठी ते कॉलेज जर्मनीत फार प्रसिद्ध आहे. एवढ्यावरच थांबला नाही. त्याने अजून एक बॅचलर डिग्री घेतली. ती कशात तर अर्थशास्त्र आणि राज्यशास्त्रात. एकीकडे इंजिनिअरिंगचं डोकं, दुसरीकडे राजकारण आणि पैशांचं ज्ञान. त्यामुळेच त्याचे व्हिडिओ असे तर्कशुद्ध वाटतात. फक्त बोलायचं म्हणून नाही बोलत, अभ्यास करून बोलतो.त्याच्या स्वतःच्या वेबसाईटवरच ही सगळी माहिती दिलीये.
गोष्ट आहे 2014 सालची. ध्रुव तेव्हा जर्मनीत शिकत होता. तेव्हा त्याने पहिला व्हिडिओ यूट्यूबवर टाकला. फिरण्याचा व्हिडिओ.तो व्हिडिओ त्याने iPhone 5s वर काढला होता. आता ऐकून हसू येईल, पण त्या एका छोट्या व्हिडिओचं एडिटिंग करायला त्याला दोन महिन्यांपेक्षा जास्त वेळ लागला होता. अल जझीराला दिलेल्या मुलाखतीत त्याने स्वतः हे सांगितलं होतं.
मग काही दिवसांनी त्याला वाटलं, नुसतं फिरणं दाखवण्यापेक्षा देशात काय चाललंय यावर बोलावं. मग 16 सप्टेंबर 2016 ला त्याने पहिला राजकीय व्हिडिओ टाकला. बस, तिथूनच त्याची खरी ओळख बनली. तेव्हापासून तो राजकारण, सरकारी योजना, इतिहासातील जुन्या गोष्टी, यावर व्हिडिओ बनवतोय.
विश्वास बसणार नाही, पण 2020 पर्यंत ध्रुव सगळं काम एकटाच करायचा. माहिती शोधणं, लिहिणं, बोलणं, एडिटिंग करणं, सगळं एकटा.नंतर जेव्हा चॅनल खूप मोठं झालं, तेव्हा त्याने माणसं ठेवली. एक टीम बनवली. मग त्याचे हिंदी व्हिडिओ घराघरात पोहोचले.त्याच्या कामाची दखल जगाने पण घेतली.
2023 मध्ये TIME मॅगझीनने त्याला ‘नेक्स्ट जेनरेशन लीडर्स’ च्या यादीत टाकलं. चालू घडामोडींवर खरं-खोटं तपासून हिंदीत व्हिडिओ बनवल्याबद्दल त्याला हा मान मिळाला. म्हणूनच आज जंतर-मंतर असो किंवा निवडणूक असो, ध्रुव राठीचं नाव चर्चेत येतं.
Ans: ध्रुव राठी हा लोकप्रिय भारतीय यूट्यूबर असून तो राजकारण, इतिहास आणि सामाजिक विषयांवर माहितीपूर्ण व्हिडिओ बनवतो.
Ans: त्याने मेकॅनिकल इंजिनिअरिंग, रिन्यूएबल एनर्जीमध्ये मास्टर्स तसेच अर्थशास्त्र आणि राज्यशास्त्राचे शिक्षण घेतले आहे.
Ans: त्याने जर्मनीतील Karlsruhe Institute of Technology (KIT) येथे उच्च शिक्षण घेतले.
.png "Videos"){kind=small}
