iit dharwad
IIT Placement Blacklist: देशातील प्रतिष्ठित भारतीय तंत्रज्ञान संस्थांमध्ये (IITs) नवीन प्लेसमेंट सत्र सुरू होण्यापूर्वी ‘ऑल इंडिया प्लेसमेंट कमिटी’ने (AIPC) एक मोठा आणि कठोर निर्णय घेतला आहे. ज्या २२ कंपन्यांनी विद्यार्थ्यांना नोकरीचे ऑफर देऊन ते नंतर परत घेतले होते, त्या कंपन्यांसोबत पुढील दोन कॅम्पस प्लेसमेंट सत्रांसाठीचे संबंध संस्थेने संपवले आहेत. AIPC ने या कारवाईला ‘ब्लैकलिस्टिंग’ ऐवजी ‘नॉन-कोऑपरेशन’ (असहकार) असे नाव दिले आहे.
आयआयटी गुवाहाटी येथे झालेल्या बैठकीत हा निर्णय घेण्यात आला, ज्यामुळे प्रभावित झालेल्या १५० हून अधिक विद्यार्थ्यांना मोठा दिलासा मिळू शकेल. सूत्रांच्या माहितीनुसार, टेक क्षेत्रातील दिग्गज कंपनी ‘ओरॅकल’ (Oracle) सह अनेक मोठ्या टेक कंपन्या आणि स्टार्टअप्स या यादीत समाविष्ट आहेत, ज्यांनी कथितपणे डझनहून अधिक ऑफर्स रद्द केल्या होत्या. आता आयआयटी प्रशासन प्रभावित विद्यार्थ्यांचे सीव्ही इतर रिक्रूटर्सना पाठवून त्यांना पर्यायी रोजगार मिळवून देण्याचा प्रयत्न करत आहे.
विद्यार्थ्यांचे जॉब ऑफर्स परत घेतल्यामुळे होत असलेल्या त्रासाची दखल घेत २२ कंपन्यांच्या विरोधात ही कारवाई करण्याचा निर्णय घेण्यात आला. या महिन्याच्या सुरुवातीला आयआयटी गुवाहाटी येथे पार पडलेल्या AIPC च्या बैठकीत हा निर्णय घेण्यात आला.
AIPC ही एक केंद्रीय संस्था आहे, जी आयआयटी कॅम्पस मधील प्लेसमेंट आणि इंटर्नशिपशी संबंधित गाईडलाईन्सवर नजर ठेवते. AIPC नुसार, या प्रकरणांमध्ये २३ आयआयटी मधील १५० पेक्षा जास्त ऑफर्सचा समावेश आहे. काही कंपन्यांनी १० ते १५ पर्यंतचे ऑफर्स परत घेतले आहेत.
पैनलने कंपन्यांविरुद्ध केल्या जाणाऱ्या कारवाईसाठी ‘ब्लैकलिस्टिंग’ हा शब्द न वापरण्याचा निर्णय घेतला आहे. आयआयटीकडून याला ‘नॉन-कोऑपरेशन’ म्हटले जाईल. AIPC चे समन्वयक आणि आयआयटी गुवाहाटीचे असोसिएट प्रोफेसर जॉन जोस यांनी सांगितले की, संबंधित प्रकरणांमध्ये अनेक कंपन्यांनी विद्यार्थ्यांना दिलेले ऑफर्स मागे घेतले आहेत. मात्र, त्यांनी या कंपन्यांची नावे जाहीर केलेली नाहीत.
कॅम्पस सूत्रांनुसार, ‘ओरॅकल’ त्या कंपन्यांपैकी एक आहे, ज्यांच्या विरोधात गेल्या दोन वर्षांपासून ‘नॉन-कोऑपरेशन’ची कारवाई सुरू आहे. कंपनीने आयआयटीच्या विद्यार्थ्यांना दिलेले सुमारे ४० ऑफर्स पूर्ण केले नसल्याचा दावा सूत्रांनी केला आहे. या काळात ओरॅकलने जागतिक स्तरावर कर्मचारी कपातही केली आहे, ज्याचा परिणाम भारतातही पाहायला मिळाला. अहवालानुसार, अनेक स्टार्टअप्स देखील या काळ्या यादीत समाविष्ट आहेत.
ज्या विद्यार्थ्यांचे नोकरीचे प्रस्ताव रद्द झाले आहेत, त्यांना मदत करण्यासाठी आयआयटीचे प्लेसमेंट कार्यालये सक्रिय झाली आहेत. या कार्यालयांनी प्रभावित विद्यार्थ्यांचे सीव्ही सध्याच्या भर्तीकर्त्यांसोबत शेअर केले आहेत आणि उपलब्ध पदांसाठी या उमेदवारांचा विचार करण्याची विनंती कंपन्यांना केली आहे.
UPSC Exam पास न करताही जाता येईल LBSNAA मध्ये; जाणून घ्या मसूरी कॅंपसमध्ये जाण्याचे ‘हे’ गुपिते
अंदाजानुसार, रद्द केलेल्या ऑफर्समुळे प्रभावित झालेल्या विद्यार्थ्यांपैकी सुमारे २० ते ३० टक्के विद्यार्थ्यांना प्लेसमेंट कार्यालये आणि कंपन्यांमधील संपर्कामुळे नोकरी मिळाली आहे. मात्र, सर्व प्रभावित विद्यार्थ्यांना पुन्हा नोकरी मिळण्याची स्थिती अद्याप स्पष्ट झालेली नाही. नोकरीच्या शोधात असलेल्या विद्यार्थ्यांची नेमकी संख्या सध्या उपलब्ध नाही, कारण काही विद्यार्थी संस्थेला न सांगता कॅम्पसबाहेरून थेट अर्ज करून नोकरी मिळवत आहेत.
.png "Videos"){kind=small}
