IIT DELHI: इंजिनिअरिंगच्या विद्यार्थ्यांसाठी मोठी बातमी! आयआयटी बॉम्बेला मागे टाकत ‘या’ संस्थेने पटकावले देशात अव्वल स्थान….

QS वर्ल्ड युनिव्हर्सिटी रँकिंग २०२६ मध्ये मोठा उलटफेर. आयआयटी बॉम्बेला मागे टाकत IIT DELHI देशात प्रथम क्रमांकावर. आयआयटी मद्रासने पटकावले तिसरे स्थान.

• ‘या’ संस्थेने प्राप्त केला प्रथम क्रमांकाचा बहुमान
• जागतिक स्तरावर आयआयटी दिल्लीची गरुड झेप
• प्रवेश मिळवणे म्हणजे ‘लोखंडाचे चणे चघळण्यासारखे’

Top Engineering Colleges India : १२ वीच्या बोर्ड परीक्षेचे निकाल जाहीर होताच आपल्या देशातील लाखो विद्यार्थी आणि त्यांच्या पालकांसमोर एकच प्रश्न असतो की, देशातील कोणत्या टॉप कॉलजमध्ये प्रवेश घ्यावा. इंजिनिअरिंगचे स्वप्न पाहणाऱ्या तरूणापुढे तर सामान्यतः ‘आयआयटी बॉम्बे’चेच (IIT Bombay) नाव पहिल्यांदा येते. पण यंदाच्या ‘क्यूएस वर्ल्ड युनिव्हर्सिटी रँकिंग २०२६’ मध्ये पहिल्या क्रमांकावर अशा भारतीय संस्थेचे नाव आहे. ज्याने आयआयटी बॉम्बेलाही मागे टाकले आहे. चला तर मग जाणून घेऊया या संस्थेबद्दल..

‘या’ संस्थेने प्राप्त केला प्रथम क्रमांकाचा बहुमान

यंदाच्या क्यूएस वर्ल्ड युनिव्हर्सिटी रँकिंग २०२६ च्या ताज्या आकडेवारीनुसार, ‘भारतीय तंत्रज्ञान संस्था दिल्ली’ने (IIT Delhi) आता नंबर वनच्या स्थानावर विराजमान झाले आहे.

Work From Home: ऑफिसला न जाता घर बसल्या कमावता येतील लाखो रुपये; ‘या’ ३ वर्क फ्रॉम होम नोकऱ्यांना बाजारात मोठी मागणी!

जागतिक स्तरावर आयआयटी दिल्लीची मोठी झेप

जागतिक स्तरावर जाहीर झालेल्या या प्रतिष्ठित यादीत यंदा पहिल्या स्थानावर दिल्ली आणि दुसऱ्या स्थानावर दिसत आहे. तसेच जगभरातील रँकिंगमध्ये गेल्या वर्षी १५० व्या स्थानावर असणारी ही संस्था आता १२३ व्या क्रमांकावर पोहचली आहे. गेल्या दोन वर्षात आयआयटी दिल्लीने उत्कृष्ट कामगिरी केली आहे. (२०२४ मध्ये हे कॉलेज १९७ व्या स्थानावर होते)

देशात दुसऱ्या स्थानावर घसरलेले आयआयटी बॉम्बे जागतिक स्तरावर १२९ व्या स्थानावर पोहचले आहे. जे गेल्या वर्षी ११८ व्या क्रमांकावर होते. या घसरणीमुळे त्याला देशातील ‘नंबर वन’चे स्थान गमवावे लागले आहे.

Google AI Course: गुगलने लाँच केलेल्या ‘या’ कोर्समुळे आता कोडिंगशिवाय बनवता येणार स्वतःचे ॲप!

प्रवेश मिळवणे म्हणजे ‘लोखंडाचे चणे चघळण्यासारखे’

देशातील या टॉप-२ संस्थांची चमक जेवढी मोठी आहे, तिथे प्रवेश मिळवणे तितकेच कठीण आणि आव्हानात्मक आहे. या टॉप आयआयटी कॉलजमध्ये बी टेक (B.Tech) कोर्सला प्रवेश मिळवण्यासाठी विद्यार्थ्यांना अत्यंत कठीण मानली जाणारी ‘जेईई मेन’ (JEE Main) आणि त्यानंतर ‘जेईई ॲडव्हान्स्ड’ (JEE Advanced) चांगल्या रँकसह उत्तीर्ण करणे आवश्यक असते.