JEE Main 2026: अर्ज करेक्शन विंडो आजपासून सुरु! कोणत्या चुका दुरुस्त करता येणार? जाणून घ्या सर्व

एनटीएने JEE Main 2026 अर्जातील चुका दुरुस्त करण्याची संधी दिली आहे. १–२ डिसेंबरदरम्यान उमेदवार नाव, श्रेणी, जन्मतारीख, पेपर निवड इ. बदलू शकतात. मोबाईल नंबर, ईमेल, पत्ता आणि फोटो बदलता येणार नाहीत.

• JEE Main 2026 अर्ज दुरुस्ती विंडो: १–२ डिसेंबर
• वेबसाइट: jeemain.nta.ac.in
• परीक्षा शहर बदलता येईल (केंद्र पत्त्यानुसार ठरेल)

JEE Main 2026: १ डिसेंबर म्हणजेच आज पासून जेईई मेन २०२६ सत्र १ साठी दुरुस्ती विंडो उघड झाली आहे. नॅशनल टेस्टिंग एजन्सी (एनटीए) च्या जेईई मेन २०२६ साठी अर्ज प्रक्रिया संपली आहे. ज्या उमेदवारांनी जेईई मेन २०२६ साठी अर्ज केला होता. ते उमेदवार आता त्यांच्या अर्जात सुधारणा करू शकतात. परंतु ते कसे कराल? त्यांची अधिकृत वेबसाइट काय? आणि अर्जात सुधारणा करण्याची शेवटची तारिक काय? जाणून घ्या.

Sub-Inspector Vacancy 2025: उपनिरीक्षक भरती, 15 डिसेंबरपासून करा अर्ज, 1.13 लाखपर्यंत पगार

अर्जात सुधारणा करण्याची शेवटची तारिक काय?

जेईई मेन सत्र १ ची परीक्षा २१ ते ३० जानेवारी दरम्यान होणार आहे. दरम्यान, आज पासून दुरुस्ती विंडो सुरु झालेली आहे. तर २ डिसेंबर रोजी रात्री ११:५० वाजेपर्यंत सुरु राहणार. अर्जात दुरुस्ती करण्यासाठी jeemain.nta.ac.in या अधिकृत वेबसाइटला भेट देऊन तुम्ही दुरुस्त करू शकता.

काय बदलता येणार नाही ?

• मोबाईल नंबर
• ईमेल आयडी
• सध्याचा व कायमचा पत्ता
• आपत्कालीन संपर्क तपशील
• आधी अपलोड केलेले फोटो

अर्जात काय काय बदल करता येणार ?

• स्वतःचे नाव
• आई/वडिलांचे नाव
• जन्मतारीख
• लिंग (Gender)
• श्रेणी (Category) व उप-श्रेणी
• 10वी आणि 12वीच्या शैक्षणिक माहिती
• परीक्षा कोणत्या राज्यातून देणार (State code)
• परीक्षा कोणत्या भाषेत देणार
• कोणता पेपर देणार
• जर स्वाक्षरी चुकीची अपलोड केली गेली असेल तर ती देखील दुरुस्त करता येईल

अर्जातील चुका कसे कराल दुरुस्त?

१. उमेदवारांनी अधिकृत वेबसाइट jeemain.nta.ac.in ला भेट द्यावी.
२. त्यानंतर, होम पेजवरील जेईई मेन २०२६ जानेवारी सत्र अर्ज दुरुस्ती लिंकवर क्लिक करा.
३. तुमचा अर्ज क्रमांक आणि पासवर्ड टाकून लॉग इन करा.
४. त्यानंतर, तुमच्या अर्ज फॉर्ममध्ये दुरुस्त्या करा.
५. त्यानंतर, दुरुस्ती शुल्क भरा.
६. भविष्यातील संदर्भासाठी सबमिट करा आणि प्रिंटआउट घ्या.

दोन सत्रांमध्ये परीक्षा

जेईई मेन्स २०२६ ही परीक्षा ही १३ भाषांमध्ये घेण्यात येणार आहे. त्यामध्ये इंग्रजी, हिंदी, आसामी, बंगाली, गुजराती, कन्नड, मल्याळम, मराठी, ओडिया, पंजाबी, तमिळ, तेलुगू, उर्दू, इत्यादी यांचा समावेश आहे. ही परीक्षा २ सत्रांत होणार आहे. जेईई मेन्स २०२६ चा पहिली सत्र परीक्षा हा २१ जानेवारी ते ३० जानेवारी २०२६ दरम्यान घेण्यात येणार आहे. तर दुसरा सत्र एप्रिल महिन्यात होणार आहे. यावर्षी जेईई मेनसाठी विक्रमी १.४५ दशलक्ष विद्यार्थ्यांनी अर्ज केले आहे.

December School Holidays: डिसेंबरमध्ये मजेत राहणार मुलं, मिळणार बंपर सुट्ट्या; यादी वाचून बनवा Vacation Plan