Maharashtra DSE Admissions 2026: इंजिनिअरिंगच्या क्रेझमध्ये मोठी वाढ; यंदा ५०,१५३ विद्यार्थ्यांनी कॉलेजमध्ये मिळवले प्रवेश!

Maharashtra DSE Admissions 2026: महाराष्ट्र राज्य सामायिक प्रवेश परीक्षा कक्षामार्फत (CET Cell) शैक्षणिक वर्ष २०२६-२७ च्या थेट दुसऱ्या वर्षाच्या अभियांत्रिकी प्रवेशाची अंतिम आकडेवारी जाहीर झाली आहे. यंदा ५०,१५३ विद्यार्थ्यांनी प्रवेश घेतला असून ३,१७५ जागा रिक्त राहिल्या आहेत.

• सीईटी सेलमार्फत अभियांत्रिकी प्रवेशाची अंतिम आकडेवारी जाहीर
• यंदाच्या विद्यार्थ्यांच्या प्रवेश प्रक्रियेत वाढ
• सीएपी कोटामधील एकूण ३,१७५ अभियांत्रिकी जागा रिक्त

Maharashtra DSE Admissions 2026: दरवर्षीप्रमाणे यंदा महाराष्ट्र राज्य सामायिक प्रवेश परीक्षा कक्षामार्फत (CET Cell) शैक्षणिक वर्ष २०२६-२७ साठी थेट दुसऱ्या वर्षाच्या अभियांत्रिकी (Direct Second Year Engineering – DSE) प्रवेशाची अंतिम आकडेवारी जाहीर करण्यात आली आहे. या प्रवेश प्रक्रियेची सविस्तर आकडेवारी आज आपण जाणून घेणार आहोत.

महत्त्वाच्या आकडेवारीचा तपशील

शैक्षणिक वर्ष २०२६-२७ मध्ये एकूण ५०,१५३ विद्यार्थ्यांनी अभियांत्रिकीच्या जागांवर प्रवेश निश्चित केला आहे. मागील शैक्षणिक वर्षाच्या (२०२५-२६) तुलनेत यंदा प्रवेश घेतलेल्या विद्यार्थ्यांच्या संख्येत ७,४२१ ने वाढ झाली आहे. मागील वर्षी ४२,७३२ विद्यार्थ्यांनी प्रवेश घेतला होता. या प्रवेश प्रक्रियेसाठी राज्यभरात एकूण ५३,३२८ जागा उपलब्ध होत्या, तर एकूण ७०,०३८ उमेदवारांनी प्रवेशासाठी नोंदणी केली होती. ऑनलाइन नोंदणीची प्रक्रिया ७ जुलै ते २२ जुलै २०२६ या कालावधीत पार पडली.

मागील चार वर्षांतील प्रवेशांची तुलना

सीईटी सेलने जाहीर केलेल्या आकडेवारीनुसार, गेल्या चार वर्षांत थेट द्वितीय वर्ष अभियांत्रिकी प्रवेशांमध्ये सातत्याने वाढ झाल्याचे दिसून येत आहे:

• २०२६-२७: ५०,१५३
• २०२५-२६: ४२,७३२
• २०२४-२५: ४१९०२
• २०२३-२४: ३४,५२३

Professor student clash : ‘कल सुबह पनवेल …’ डायलॉग मारताच भडकले प्रोफेसर; विद्यार्थ्याला थेट धमकी!

फेरीनिहाय (Round-wise) प्रवेशांची आकडेवारी

ही प्रवेश प्रक्रिया केंद्रीय प्रवेश प्रक्रिया (CAP) अंतर्गत चार फेऱ्या आणि त्यानंतर संस्थात्मक फेरीद्वारे पूर्ण करण्यात आली:

• पहिली फेरी: १३,१७७ प्रवेश
• दुसरी फेरी: १३,०४६ प्रवेश
• तिसरी फेरी: ९,४३९ प्रवेश
• चौथी फेरी: ९,४०० प्रवेश

इतर कोटा अंतर्गत प्रवेश: सीएपी अंतर्गत ४,६३८, अल्पसंख्याक (CAP Minority) कोटा अंतर्गत ४१७, तर जम्मू-काश्मीर आणि AICTE कोटा अंतर्गत ३६ प्रवेश झाले.

Military Hospital Khadki Recruitment : १० वी पास महिलांसाठी सुवर्णसंधी; खडकी मिलिटरी हॉस्पिटलमध्ये ‘या’ पदांसाठी लगेच अर्ज करा

रिक्त राहिलेल्या जागा

संस्थात्मक फेरीची प्रक्रिया पूर्ण झाल्यानंतर, उपलब्ध ५३,३२८ जागांपैकी ५०,१५३ जागा भरल्या गेल्या. त्यामुळे सीएपी कोटामधील एकूण ३,१७५ अभियांत्रिकी जागा रिक्त राहिल्या आहेत.