Image
MPSC Paper Leak: एमपीएससीच्या पेपरफुटीविरोधात केलेले आंदोलन ही केवळ विद्यार्थ्यांची लढाई नसून महाराष्ट्राच्या अस्मितेची लढाई आहे. या आंदोलनाने संपूर्ण प्रशासकीय यंत्रणा आणि भ्रष्ट राजकारणाला हादरवून टाकले आहे. चौकशी समितीकडून पारदर्शक अहवाल येणे अपेक्षित असून दोषींना निलंबन नव्हे तर कायद्यानुसार कठोरात कठोर शिक्षा व्हावी, जेणेकरून भविष्यात कोणी पेपरफुटीचे धाडस करणार नाही, असे प्रतिपादन माजी मंत्री, आमदार विश्वजित कदम यांनी केले.
एमपीएससी विद्यार्थ्यांच्या मागण्या मान्य होईपर्यंत लढणारे आमदार विश्वजित कदम यांचा सर्व विद्यार्थ्यांच्या वतीने सोमवार दि. २६ रोजी इंदूलाल कॉम्प्लेक्स, शास्त्री रोड येथे सत्कार करण्यात आला. यावेळी स्वप्नील भिसे, अमोल साळवे, धनंयज निकम, प्रवीण गावडे, साहेबराव क्षीरसागर, रविराज कांबळे, अजय जगताप, अनिकेत देशमाने, प्रवीण पाटील, गोकुळ बेलेपाटील यांच्या पुढाकारातून कार्यक्रमाचे आयोजन करण्यात आले होते. आंदोलनात पुढाकर असलेले ऋषिकेश गांगुर्डे, विवेकानंद पाटील उपस्थित होते.
विश्वजित कदम पुढे म्हणाले, पेपरफुटी ही एका व्यक्तीमुळे होत नसून ती संपूर्ण यंत्रणा असते. या यंत्रणेचा छडा लागणे गरजेचे आहे. या आंदोलनातून महाराष्ट्राला संदेश गेला पाहिजे की वर्तमानातच नव्हे तर भविष्यातही पेपरफुटीचा विचार कोणाच्याही मनात येऊ नये. गरीब पार्श्वभूमी असतानाही सोळा-सोळा तास अभ्यास करणाऱ्या विद्यार्थ्यांचा संघर्ष कौतुकास्पद आहे. हे केवळ विद्यार्थी नसून महाराष्ट्राचे भावी आधारस्तंभ आहेत.
Top 6 Skills for Success: फक्त पदवी पुरेशी नाही! ‘या’ ६ महत्त्वाच्या कौशल्याने कमवा बक्कळ पैसा
विद्यार्थ्यांना आवाहन करताना कदम म्हणाले, विद्यार्थ्यांनी गटागटाने संपूर्ण महाराष्ट्रात फिरून पेपरफुटी संदर्भातील आणखी पुरावे शोधून ते चौकशी समितीला द्यावेत. या प्रक्रियेला आपला संपूर्ण पाठिंबा आहे. सरकारने जनतेशी बांधील राहून चौकशीत कोणताही अडथळा आणू नये. अहवाल योग्य वाटल्यास तो मान्य करू, परंतु अयोग्य वाटल्यास त्यात दुरुस्ती करून चौकशी पुढे नेणे आवश्यक आहे. त्यासाठी पुन्हा रस्त्यावर उतरून लढावे लागले तरी मी विद्यार्थ्यांच्या खांद्याला खांदा लावून सोबत राहीन, अशी ग्वाही त्यांनी दिली.
MPSC Bank मध्ये ‘या’ पदांसाठी भरती जाहीर; अर्ज प्रक्रिया आणि अंतिम मुदत पहा एका क्लिकवर..
Ans: एमपीएससी विद्यार्थ्यांच्या मागण्यांसाठी लढा दिल्याबद्दल पुण्यातील शास्त्री रोड, इंदूलाल कॉम्प्लेक्स येथे विद्यार्थ्यांच्या वतीने त्यांचा सत्कार करण्यात आला.
Ans: चौकशी समितीकडून पारदर्शक अहवाल यावा आणि दोषींवर केवळ निलंबनाची कारवाई न करता कायद्यानुसार कठोरात कठोर शिक्षा व्हावी, अशी मागणी त्यांनी केली.
Ans: विद्यार्थ्यांनी संपूर्ण महाराष्ट्रात फिरून पेपरफुटी संदर्भातील आणखी पुरावे शोधून ते चौकशी समितीला द्यावेत, असे आवाहन त्यांनी केले.
.png "Videos"){kind=small}
