Mumbai University : विद्यार्थी–कुलगुरू संवादातून प्रश्नांच्या निराकरणाला गती; तक्रारी समजून घेत प्रभावी कार्यवाही

Mumbai University : मुंबई विद्यापीठात ‘एनईपी कनेक्ट’ अंतर्गत ‘विद्यार्थी–कुलगुरू संवाद’ उपक्रमाचे आयोजन करण्यात आले. विद्यार्थ्यांच्या शैक्षणिक व प्रशासकीय अडचणी थेट जाणून घेत काही प्रकरणांवर तत्काळ कार्यवाही करण्यात आली. या माध्यमातून विद्यापीठ प्रशासन अधिक गतिमान, पारदर्शक आणि विद्यार्थीहितैषी करण्यावर भर देण्यात आला.

• प्रलंबित गुणपत्रिकेचा प्रश्न तत्काळ निकाली
• विद्यार्थ्यांच्या प्रश्नांवर थेट कार्यवाही
• विद्यार्थीहितैषी प्रशासनावर भर

नीता परब :विद्यार्थ्यांच्या शैक्षणिक आणि प्रशासकीय अडचणी थेट जाणून घेऊन त्यांचे जलदगतीने निराकरण करण्यासाठी मुंबई विद्यापीठात ‘विद्यार्थी–कुलगुरू संवाद’ उपक्रमाचे आयोजन करण्यात आले. ‘एनईपी कनेक्ट’ अंतर्गत झालेल्या या उपक्रमात विद्यार्थ्यांनी विविध प्रश्न थेट विद्यापीठ प्रशासनासमोर मांडले. काही प्रकरणांवर तत्काळ कार्यवाही करत विद्यार्थ्यांना दिलासा देण्यात आला.

प्रलंबित गुणपत्रिकेचा प्रश्न तत्काळ निकाली

सोमय्या महाविद्यालयातील अनुराग चौरसिया या विद्यार्थ्याची पाचव्या सत्राची प्रलंबित गुणपत्रिका तयार करून त्याला हस्तांतरित करण्यात आली. तसेच अन्य एका विद्यार्थ्याच्या पात्रता प्रकरणावर तात्काळ सुनावणी घेऊन निकाल जाहीर करण्याची प्रक्रिया सुरू करण्यात आली.

Chhagan Bhujbal : भुजबळांना मोठा दिलासा! ‘त्या’ प्रकरणाचा निकाल लागला; विशेष कोर्टाचा मोठा निर्णय

विद्यार्थ्यांच्या प्रश्नांवर थेट कार्यवाही

विद्यार्थ्यांनी शैक्षणिक आणि प्रशासकीय अडचणी प्रशासनासमोर मांडल्या. संबंधित अधिकाऱ्यांकडून प्रत्येक प्रकरणाची माहिती घेऊन आवश्यक कार्यवाही करण्यावर भर देण्यात आला. त्यामुळे विद्यार्थ्यांच्या समस्या थेट प्रशासनापर्यंत पोहोचविण्यासाठी हा संवाद महत्त्वाचा ठरला.

Mumbai University Recruitment 2026: प्रोफेसर होण्याचं स्वप्न पूर्ण होणार! मुंबई विद्यापीठात प्रोफेसर पदांसाठी भरती सुरू

विद्यार्थीहितैषी प्रशासनावर भर

मुंबई विद्यापीठाचे कुलगुरू प्रा. रवींद्र कुलकर्णी यांच्या उपस्थितीत झालेल्या या उपक्रमाला प्र. कुलगुरू प्राचार्य डॉ. अजय भामरे, कुलसचिव डॉ. प्रसाद कारंडे, संचालक परीक्षा व मूल्यमापन मंडळ डॉ. पूजा रौंदळे यांच्यासह विविध विभागांचे अधिकारी उपस्थित होते. विद्यार्थ्यांच्या सूचना आणि अभिप्रायाच्या आधारे विद्यापीठाच्या सेवा अधिक गतिमान, पारदर्शक आणि विद्यार्थीहितैषी करण्याचा प्रयत्न असल्याचे प्रशासनाने सांगितले.