नाशिकच्या कुंभमेळ्यासाठी नवीन अभ्यासक्रम! युवकांना मिळणार प्रशिक्षण आणि रोजगार

मंत्री लोढा म्हणाले, “नाशिक कुंभमेळा ही केवळ धार्मिक घटना नसून, ती एक सामाजिक आणि सांस्कृतिक चळवळ आहे. लाखो भाविकांच्या उपस्थितीत सर्व व्यवस्था सुरळीत पार पडावी, यासाठी प्रशिक्षित आणि संस्कारित युवकांची मोठी गरज आहे. या अभ्यासक्रमाच्या माध्यमातून ती गरज पूर्ण होईल.” या उपक्रमाच्या माध्यमातून केवळ कुंभमेळ्यापुरतेच नव्हे, तर इतर तीर्थक्षेत्रांमध्येही प्रशिक्षित युवक सेवा देतील. त्यांना धार्मिक पर्यटन, कार्यक्रम व्यवस्थापन आणि सामाजिक संवाद या क्षेत्रात रोजगाराच्या नवीन संधीही उपलब्ध होतील. विशेष म्हणजे हा अभ्यासक्रम महाराष्ट्रापुरता मर्यादित न राहता देशातील इतर राज्यांमध्येही राबविण्याची योजना आहे, अशी माहिती कौशल्य विभागाच्या अधिकाऱ्यांनी दिली.

आयुष्यात यश मिळवायचे आहे तर अंगी जपा ‘हा’ गुण; करिअरमध्ये होईल भरारी

या अभिनव उपक्रमामुळे पारंपरिक वैदिक संस्कार आणि आधुनिक व्यवस्थापन कौशल्य यांचा संगम साधला जाणार असून, या प्रशिक्षणातून तयार होणारे युवक भाविकांच्या सेवेत शिस्त, समर्पण आणि संस्कार यांचे उत्तम उदाहरण ठरतील. त्यामुळे आगामी नाशिक कुंभमेळा अधिक सुयोजित आणि संस्मरणीय ठरेल, अशी अपेक्षा व्यक्त करण्यात आली आहे.