NTA Observer Recruitment 2026: शिक्षक आणि प्राध्यापकांसाठी नॅशनल टेस्टिंग एजन्सीमध्ये मोठी संधी; ६ डिसेंबरपर्यंत करा

NTA Observer Recruitment 2026: नॅशनल टेस्टिंग एजन्सीने (NTA) परीक्षांच्या देखरेखसाठी ऑब्जर्वर पॅनेलचे अर्ज मागवले आहेत. सेवानिवृत्त अधिकारी, शिक्षक आणि प्राध्यापक ६ डिसेंबर २०२६ पर्यंत ऑनलाइन अर्ज करू शकतात.

NTA Observer Recruitment 2026: कार्यरत आणि सेवानिवृत्त सरकारी अधिकारी, शिक्षक, प्राध्यापक आणि सशस्त्र दल कर्मचाऱ्यांसाठी नॅशनल टेस्टिंग एजन्सीमध्ये सुवर्णसंधी उपलब्ध आहे. एजन्सीने ऑब्जर्वर (निरीक्षक) पॅनेलसाठी अर्ज मागवले आहेत. यासाठी अर्ज प्रक्रिया ७ नोव्हेंबर रोजी सुरू झाली असून ६ डिसेंबर २०२६ ही अंतिम तारीख आहे. निवड झालेल्या उमेदवारांना देशभरातील परीक्षा केंद्रांवर एनटीआयच्या परीक्षांच्या संचलनाची देखरेख करण्यासाठी नियुक्त केले जाईल. त्यांची नियुक्ती संगणक आधारित चाचणी आणि पेन-आणि-पेपर टेस्ट अशा दोन्ही परीक्षांसाठी केली जाऊ शकते.

वास्तविक, एनटीए आपल्या देशव्यापी असेसमेंट इन्फ्रास्ट्रक्चरचा विस्तार करत आहे. याच पार्श्वभूमीवर शैक्षणिक संस्था, विद्यापीठे आणि समर्पित परीक्षा सेवा पुरवठादारांकडून ‘एक्स्प्रेशन्स ऑफ इंटरेस्ट’ मागवण्यात आले आहेत. एनटीएने म्हटले आहे की, जर तुमच्या केंद्रात निर्धारित वर्कस्टेशन्स आणि बसण्याची क्षमता उपलब्ध असेल, तर या राष्ट्रीय उपक्रमात आमचे भागीदार व्हा. ६ डिसेंबर २०२६ पर्यंत [https://t.co/CAeP1CiMYa](https://t.co/CAeP1CiMYa) या लिंकवर अर्ज करा.

कोण करू शकते अर्ज?

एनटीएने वेगवेगळ्या श्रेणींनुसार अर्ज मागवले आहेत. प्रत्येक श्रेणीसाठी पात्रता आणि वयोमर्यादेच्या अटी वेगवेगळ्या आहेत:

कॅटेगरी A: सेवानिवृत्त सरकारी अधिकारी

केंद्र आणि राज्य सरकारचे ते सेवानिवृत्त अधिकारी, जे ७ व्या केंद्रीय वेतन आयोगाच्या (CPC) पे मॅट्रिक्सनुसार ‘पे लेव्हल ८’ च्या वरच्या पदांवर कार्यरत होते, ते पात्र आहेत.

६ डिसेंबर २०२६ रोजी अर्जादारांचे वय ६० ते ६५ वर्षांच्या दरम्यान असावे.

कॅटेगरी B: सशस्त्र दल आणि CAPF चे सेवानिवृत्त कर्मचारी

भारतीय सशस्त्र दल आणि केंद्रीय सशस्त्र पोलीस दलाचे (CAPF) ते सेवानिवृत्त कर्मचारी, जे सुबेदार मेजर किंवा त्याच्या समतुल्य किंवा त्यापेक्षा उच्च पदावर होते, ते अर्ज करू शकतात.

या श्रेणीसाठी कोणतीही किमान वयोमर्यादा नाही. तथापि, अर्ज करण्याच्या अंतिम तारखेला उमेदवारांचे वय ६५ वर्षांपेक्षा जास्त नसावे.

कॅटेगरी C: कार्यरत आणि सेवानिवृत्त शिक्षक व प्राध्यापक

पात्र सरकारी संस्थांचे कार्यरत आणि सेवानिवृत्त शिक्षक तसेच प्राध्यापक देखील अर्ज करू शकतात.

वयोमर्यादा: सेवानिवृत्त उमेदवारांचे वय ६० ते ६५ वर्षांच्या दरम्यान असावे. कार्यरत उमेदवारांसाठी कोणतीही कमाल वयोमर्यादा नाही, परंतु त्यांना त्यांच्या नियुक्तीकर्त्याकडून (employer) ‘ना-हरकत प्रमाणपत्र’ (NOC) सादर करावे लागेल.

कोणती शिक्षण आणि शैक्षणिक पदे पात्र आहेत?

कॅटेगरी C अंतर्गत, एनटीएने खालील पदांचा समावेश केला आहे:

• मान्यताप्राप्त विद्यापीठे, राष्ट्रीय महत्त्वाच्या संस्था आणि सरकारी महाविद्यालयांचे प्राध्यापक, असोसिएट प्रोफेसर आणि असिस्टंट प्रोफेसर.
• सरकारी शाळा आणि महाविद्यालयांचे प्राचार्य (Principals) व उप-प्राचार्य.
• केंद्रीय विद्यालय, नवोदय विद्यालय आणि राज्य बोर्ड शाळांसह सरकारी शाळांचे पोस्ट-ग्रॅजुएट टीचर्स (PGTs).
• सरकारी शाळा आणि पॉलिटेक्निकचे लेक्चरर्स आणि वरिष्ठ शिक्षक.
• केंद्रीय आणि राज्य विद्यापीठांचे कुलसचिव (Registrar) आणि उप-कुलसचिव (Deputy Registrar).
• सरकारी औद्योगिक प्रशिक्षण संस्थांचे (ITIs) प्राचार्य.
• जिल्हा शिक्षण आणि प्रशिक्षण संस्थांचे (DIETs) फॅकल्टी सदस्य.

शारीरिकदृष्ट्या तंदुरुस्त असणे आवश्यक:

उमेदवारांनी आपली जबाबदारी पार पाडण्यासाठी शारीरिकदृष्ट्या तंदुरुस्त असले पाहिजे आणि गरज पडल्यास मुख्यालयाच्या बाहेर प्रवास करण्यास तयार असले पाहिजे. ज्या उमेदवारांच्या विरोधात कोणतीही शिस्तभंगाची किंवा दक्षता कारवाई प्रलंबित आहे, ते याकरिता पात्र नाहीत.

UPSC Mains Result 2026: यूपीएससी मुख्य परीक्षेचा निकाल जाहीर! ‘या’ तारखेपर्यंत अर्ज अपडेट करणे अनिवार्य

एनटीए ऑब्जर्वरच्या जबाबदाऱ्या काय असतील?

ऑब्जर्वर हे त्यांच्या वाट्याला आलेल्या परीक्षा केंद्रांवर परीक्षेच्या व्यवस्थांची पाहणी करण्यासाठी आणि कोणत्याही समस्येचा अहवाल देण्यासाठी जबाबदार असतील.

अर्ज कसा करावा?

पात्र उमेदवार NTA ऑब्जर्वर मॅनेजमेंट पोर्टलद्वारे ऑनलाइन अर्ज करू शकतात. अर्ज करण्याची विंडो ७ नोव्हेंबर रोजी उघडली असून ६ डिसेंबर २०२६ रोजी बंद होईल. उमेदवारांना त्यांचा वैयक्तिक तपशील, संपर्क माहिती, श्रेणी, पद, संस्थेचा तपशील आणि नेमणुकीसाठी स्वतःची प्राधान्यक्रमाची माहिती भरावी लागेल. ते परीक्षांशी संबंधित कामांमधील त्यांच्या मागील अनुभवाचा तपशील देखील देऊ शकतात.

AIIMS Nagpur Recruitment 2026: एम्स नागपूरमध्ये संशोधन वैज्ञानिक पदावर मेगा भरती; किती मिळणार मानधन?

आवश्यक कागदपत्रे:

• सरकारद्वारे जारी केलेले फोटो ओळखपत्र.
• अलीकडील नियुक्ती किंवा सेवा प्रमाणपत्र. सेवानिवृत्त उमेदवार त्यांचे सेवानिवृत्ती आदेश जमा करू शकतात.
• सध्या कार्यरत असलेल्या उमेदवारांसाठी, त्यांच्या नियुक्तीकर्त्याकडून किंवा संस्था प्रमुखाकडून ‘ना-हरकत प्रमाणपत्र’ (NOC).
• सध्या कार्यरत असलेल्या उमेदवारांसाठी ‘दक्षता क्लिरन्स प्रमाणपत्र’ (Vigilance Clearance Certificate).
• सेवानिवृत्त उमेदवारांसाठी, मागील १२ महिन्यांच्या आत जारी केलेले पोलीस पडताळणी किंवा चारित्र्य प्रमाणपत्र.
• अलीकडील पासपोर्ट साईझ फोटो.
• उमेदवारांना त्यांचा बँक खाते क्रमांक, बँकेचे नाव, शाखेचा तपशील, IFSC कोड आणि पॅन (PAN) नंबर देखील द्यावा लागेल.
• अर्ज सबमिट करण्यापूर्वी, अर्जदारांनी संपूर्ण माहिती आणि पात्रतेच्या अटींसाठी एनटीएची सविस्तर अधिसूचना नक्की तपासावी.