Primary School Teachers: प्राथमिक शाळेतील शिक्षकांना आपली नोकरी वाचवण्यासाठी करावा लागणार ‘हा’ कोर्स

प्राथमिक शाळेत तुम्ही शिक्षक आहेत तर ही बातमी तुमच्यासाठी आहे. आता प्राथमिक शाळेतील शिक्षकांना आपली नोकरी वाचवण्यासाठी एक कोर्स करावा लागणार आहे. बिहारच्या जवळपास २२ हजार शिक्षकांना हा कोर्स करावा लागणार आहे.

प्राथमिक शाळेत तुम्ही शिक्षक आहेत तर ही बातमी तुमच्यासाठी आहे. आता प्राथमिक शाळेतील शिक्षकांना आपली नोकरी वाचवण्यासाठी एक कोर्स करावा लागणार आहे. त्या कोर्सचा नाव ब्रिज कोर्स आहे. बिहारच्या जवळपास २२ हजार शिक्षकांना हा कोर्स करावा लागणार आहे. तर उत्तर प्रदेशमध्ये ३५ हजार शिक्षकांवर याचा प्रभाव होणार आहे. हा कोर्स प्राथमिक शाळांमध्ये इयत्ता १ ते ५ वी पर्यंत शिकवण्यासाठी नियुक्त केलेल्या बी.एड. शिक्षकांना करावा लागेल. नॅशनल इन्स्टिट्यूट ऑफ ओपन स्कूलिंग लवकरच त्यांच्यासाठी एक कोर्स सुरू करणार आहे.

PM Internship Scheme: पीएम इंटर्नशिप योजना म्हणजे काय; कोण करू शकतो apply; किती मिळणार स्टायपेंड?

स्वतंत्र पोर्टल तयार

यासाठी एक स्वतंत्र पोर्टल देखील तयार केले जात आहे. हा कोर्स त्या शिक्षकांना करावा लागणार आहे जे शिक्षक २०१८ नंतर आणि २०२३ पूर्वी प्राथमिक शाळांमध्ये नियुक्त करण्यात आले होते. प्राथमिक शिक्षणात डिप्लोमा म्हणजेच डी.एल.एड. असलेल्या प्राथमिक शाळांमध्ये (इयत्ता १-५) शिक्षकांची नियुक्ती वैध आहे. परंतु त्यापैकी बी.एड धारक म्हणजेच ६ वी ते ८ वी पर्यंत शिकवणारे शिक्षक नियुक्त करण्यात आले.

राष्ट्रीय अध्यापक शिक्षण परिषदेने (NCTE) या कोर्सचा आराखडा तयार केला असून, यामुळे शिक्षकांचे अध्यापन कौशल्य आणि शैक्षणिक गुणवत्ता सुधारण्याचे उद्दिष्ट आहे. या नव्या नियमाने शिक्षण क्षेत्रात मोठी खळबळ उडाली आहे.

त्यांना त्यांची नोकरी गमवावी लागू शकते

NIOS ने सर्व प्रादेशिक कार्यालयांना पोर्टल तयार करण्याबाबत पत्र जारी केले आहे. राष्ट्रीय शिक्षक शिक्षण परिषदेने म्हटले आहे की शिक्षकांना हा अभ्यासक्रम सुरू झाल्यापासून एक वर्षाच्या आत पूर्ण करावा लागेल. जे शिक्षक या अभ्यासक्रमात सामील होणार नाहीत किंवा अभ्यासक्रम पूर्ण करण्यात अयशस्वी होतील, त्यांना त्यांची नोकरी गमवावी लागू शकते.

ब्रिज कोर्स म्हणेज काय?

ब्रिज कोर्स हा शिक्षकांसाठी तयार करण्यात आलेला एक विशेष प्रशिक्षण कार्यक्रम आहे. जो त्यांच्या अध्यापन कौशल्यांना अधिक प्रगल्भ बनविण्यासाठी डिझाईन केला आहे. बी. एड. पदवी पूर्ण केलेल्या शिक्षकांना काहीवेळा नव्या शैक्षणिक पद्धती, तंत्रज्ञान आणि विद्यार्थ्यांच्या गरजा यांच्याशी जुळवून घेण्यासाठी अतिरिक्त प्रशिक्षणाची आवश्यकता असते.

हा सहा महिन्यांचा कोर्स शिक्षकांना शिक्षणातील आधुनिक तंत्रे, पाठ्यक्रमातील बदल आणि विद्यार्थ्यांच्या मानसिकतेचा अभ्यास यावर विशेष प्रशिक्षण देतो. सर्वोच्च न्यायालयाच्या आदेशानुसार, राष्ट्रीय अध्यापक शिक्षण परिषदेने या कोर्सचा तपशील निश्चित केला आहे, ज्यामुळे शिक्षकांना त्यांच्या व्यावसायिक जबाबदाऱ्या अधिक चांगल्या प्रकारे पार पाडता येतील.

सकारात्मक बदल

या नव्या नियमामुळे शिक्षकांना आपली नोकरी टिकवण्यासाठी अतिरिक्त प्रशिक्षण घ्यावे लागणार आहे, ज्यामुळे काहींना तात्पुरता त्रास होऊ शकतो. मात्र, दीर्घकालीन दृष्टिकोनातून हा कोर्स शिक्षण क्षेत्रात सकारात्मक बदल घडवू शकतो.