फार्मासिस्टसाठी RBI मध्ये नोकरीची संधी; तासाला ६०० रुपये वेतन

भारतीय रिझर्व्ह बँकेने (RBI) कंत्राटी तत्त्वावर फार्मासिस्टच्या २२ पदांसाठी भरती जाहीर केली आहे. या भरतीत निवड झालेल्या उमेदवारांना तासांनुसार वेतन दिले जाईल. उमेदवाराला प्रतितास ६०० रुपये मिळतील.

भारतीय रिझर्व्ह बँकेने( RBI) कंत्राटी तत्त्वावर फार्मासिस्टच्या २२ पदांसाठी भरती जाहीर केली आहे. या भरतीत निवड झालेल्या उमेदवारांना तासांनुसार वेतन दिले जाईल. उमेदवाराला प्रतितास ६०० रुपये मिळतील. दिवसाला ५ तास काम केल्यास ३,००० रुपयांपर्यंत वेतन मिळू शकते. मुंबई आणि नवी मुंबई येथील आरबीआयच्या दवाखान्यांमध्ये ही भरती केली जाणार आहे. इच्छुक उमेदवार ३ नोव्हेंबर २०२६ रोजी सायंकाळी ५ वाजेपर्यंत टपालाने किंवा प्रत्यक्ष उपस्थित राहून ऑफलाइन अर्ज करू शकतात.

अर्जदारांकडे मॅट्रिक किंवा त्याच्या समकक्ष शैक्षणिक पात्रता असणे आवश्यक आहे. त्यासोबतच मान्यताप्राप्त संस्थेचा फार्मसीमधील डिप्लोमा किंवा बी. फार्म. पदवी असणे गरजेचे आहे. उमेदवाराची फार्मसी अधिनियम, १९४८ अंतर्गत नोंदणी असावी. याशिवाय, महाराष्ट्र राज्य फार्मसी परिषदेकडे नोंदणी असणे ही महत्त्वाची अट आहे. उमेदवाराकडे दोन वर्षांचा कामाचा अनुभवही असावा. सरकारी बँक किंवा सरकारी संस्थेत काम केलेल्या उमेदवारांना प्राधान्य दिले जाईल.

किती मिळेल वेतन?

निवड झालेल्या उमेदवारांना तासांनुसार वेतन दिले जाईल. प्रतितास सुमारे ६०० रुपये या दराने ५ तास काम केल्यास दिवसाला ३,००० रुपयांपर्यंत वेतन मिळू शकते. या भरतीत कोणतेही भत्ते दिले जाणार नाहीत. नियुक्ती एका वेळी जास्तीत जास्त २४० दिवसांसाठी कंत्राटी तत्त्वावर असेल. गरजेनुसार उमेदवारांना कामासाठी बोलावले जाईल. या कामामुळे कायमस्वरूपी किंवा तात्पुरत्या पदावर हक्क निर्माण होणार नाही, असे बँकेने स्पष्ट केले आहे.

CAT Exam Preparation: कॅट मॉक टेस्टमध्ये स्कोअर वाढत नाहीये? वापरा ‘हा’ ५-स्टेप फॉर्म्युला; पर्सेंटाइलमध्ये होईल मोठी वाढ!

उमेदवारांची निवड त्यांची शैक्षणिक पात्रता आणि विविध बँक दवाखान्यांपासून त्यांच्या निवासस्थानाचे अंतर यांचा विचार करून केली जाईल. सरकारी संस्था किंवा आरबीआयमधील कामाचा अनुभवही विचारात घेतला जाईल. प्राथमिक छाननीनंतर पात्र उमेदवारांना मुलाखतीसाठी बोलावले जाईल. त्यानंतर त्यांची वैद्यकीय तपासणी आणि कागदपत्रांची पडताळणी होईल.

Supreme Court Recruitment 2026: १० वी पास उमेदवारांना सर्वोच्च न्यायालयात नोकरीची संधी! ‘या’ तारखेपासून करा अर्ज

अर्ज कुठे आणि कसा पाठवायचा?

अर्ज सीलबंद लिफाफ्यात पाठवावा. लिफाफ्यावर “मुंबई येथे निश्चित प्रतितास मानधनावर कंत्राटी तत्त्वावर फार्मासिस्ट पदासाठी अर्ज” असे लिहावे.

अर्ज खालील पत्त्यावर पाठवावा:

क्षेत्रीय संचालक,
मानव संसाधन व्यवस्थापन विभाग, भरती कक्ष,
भारतीय रिझर्व्ह बँक, मुंबई क्षेत्रीय कार्यालय,
शहीद भगतसिंग रोड, फोर्ट,
मुंबई – ४००००१
अधिसूचनेतील अ‍ॅनेक्सचर-१ मध्ये दिलेल्या नमुन्यातच अर्ज भरावा. अन्य नमुन्यातील अर्ज नाकारला जाईल.