Image
Railway Sports Quota Bharti: रेल्वेमध्ये नोकरीची तयारी करणाऱ्या तरुणांसाठी एक आनंदाची बातमी आहे. साउथ ईस्टर्न रेल्वेने ५४ रिक्त पदांसाठी ऑनलाईन अर्ज मागवले आहेत. विशेष म्हणजे या भरतीमध्ये वेगवेगळे खेळाडू अर्ज करू शकतात. या भरतीमध्ये ग्रुप सी आणि ग्रुप डी लेवल पदांचा समावेश आहे. या भरतीसाठी अर्ज प्रक्रिया ३१ ऑक्टोबर २०२६ रोजी सुरू होऊन ३० नोव्हेंबर २०२६ पर्यंत चालणार आहे. त्यामुळे इच्छुक उमेदवार रेल्वेच्या www.rrcser.co.in या अधिकृत वेबसाईटवर जाऊन अर्ज करु शकतात.
या भरतीसाठी अर्ज करणाऱ्या उमेदवारांकडे ते ज्या लेव्हलसाठी अर्ज करत आहेत, त्यानुसार शैक्षणिक पात्रता आणि खेळाचे किमान निकष दोन्ही असणे आवश्यक आहे. शैक्षणिक पात्रतेबद्दल बोलायचे तर ग्रुप सी लेव्हलच्या पदांसाठी उमेदवराकडे मान्यताप्राप्त विद्यापीठाची पदवी असणे आवश्यक आहे. तर ग्रुप सी पदांसाठी उमेदवार १२ वी पास किंवा १० वी सोबत आयटीआय पास असावा. ग्रुप डी लेव्हल १ च्या पदांसाठी उमेदवारांकडे १० वी पास आयटीआय किंवा एनसीव्हीटी कडून प्राप्त नॅशनल अप्रेंटिसशिप सर्टिफिकेट असणे आवश्यक आहे.
या भरतीसाठी उमेदवाराचे वय १ जानेवारी २०२७ रोजी किमान १८ वर्षे आणि कमाल २५ वर्षे असावे. म्हणजेच उमेदवाराचा जन्म २ जानेवारी २००२ ते १ जानेवारी २००९ दरम्यान झालेला असावा. वयाच्या पुराव्यासाठी उमेदवाराला १० वीची मार्कशीट किंवा जन्म दाखला द्यावा लागेल.
या भरतीसाठी जनरल आणि ओबीसी प्रवर्गातील पुरुष उमेदवारांना ५०० रुपये शुल्क भरावे लागेल. तर एससी, एसटी, महिला, दिव्यांग, माजी सैनिक आणि इतर सूचीबद्ध प्रवर्गातील उमेदवारांना २५० रुपये शुल्क द्यावे लागेल. ट्रायल्समध्ये (Trials) सहभागी झाल्यानंतर जनरल आणि ओबीसी उमेदवारांना ४०० रुपये शुल्क परत (Refund) केले जाईल. तर एससी, एसटी आणि इतर उमेदवारांचे संपूर्ण २५० रुपये शुल्क परत केले जाईल. तसेच या भरतीत एससी, एसटी, ओबीसी आणि ईडब्ल्यूएस प्रवर्गासाठी कोणतीही पदे आरक्षित नाहीत. उमेदवारांची निवड ही संपूर्णपणे गुणवत्तेच्या (Merit) आधारावर केली जाईल.
ही भरती क्रीडा कोटामधून (Sports Quota) होत असल्याने, उमेदवारांकडे खेळाशी संबंधित वैध प्रमाणपत्र असणे आवश्यक आहे. अधिसूचनेनुसार, उमेदवारांकडे १ एप्रिल २०२४ किंवा त्यानंतरची क्रीडा उपलब्धी असणे गरजेचे आहे. लेव्हल ४ आणि ५ साठी अर्ज करणाऱ्या उमेदवारांकडे ऑलिम्पिकमध्ये देशाचे प्रतिनिधित्व किंवा काही आंतरराष्ट्रीय स्पर्धांमध्ये पदक जिंकल्याची कामगिरी असावी. याशिवाय लेव्हल २ आणि ३ साठी आंतरराष्ट्रीय स्पर्धांमध्ये सहभाग असावा. राष्ट्रीय अजिंक्यपद स्पर्धा (National Championship), राष्ट्रीय खेळ (National Games) किंवा आंतर-विद्यापीठ स्पर्धांमधील (Inter University Championship) कामगिरी असणे आवश्यक आहे. तसेच लेव्हल १ च्या उमेदवारांसाठी निर्धारित आंतरराष्ट्रीय व राष्ट्रीय स्पर्धांमधील सहभाग असावा.
1. भरतीसाठी अर्ज करण्यासाठी सर्वात पहिले www.rrcser.co.in या अधिकृत वेबसाइटला भेट द्या.
2. त्यानंतर ‘Sports Quota Open Advertisement 2026-27’ या अर्ज लिंकवर क्लिक करा.
3. आता ‘New Registration’ वर क्लिक करून स्वतःची नोंदणी (Registration) करा.
4. त्यानंतर तुमचे नाव, जन्मम तारीख, मोबाईल नंबर, ईमेल आणि इतर आवश्यक माहिती भरा.
5. त्यानंतर तुमची शैक्षणिक माहिती आणि खेळातील कामगिरीचा तपशील भरा.
6. आता विचारलेले फोटो, सही आणि क्रीडा प्रमाणपत्र (Sports Certificate) अपलोड करा.
7.शेवटी अर्ज शुल्क भरून, फॉर्म काळजीपूर्वक तपासून तो सबमिट करा.
Ans: या भरतीसाठी अर्ज प्रक्रिया ३१ ऑक्टोबर २०२६ ते ३० नोव्हेंबर २०२६ या कालावधीत चालणार आहे.
Ans: उमेदवाराचे वय १ जानेवारी २०२७ रोजी १८ ते २५ वर्षांच्या दरम्यान असणे आवश्यक आहे.
Ans: इच्छूक उमेदवार रेल्वेच्या www.rrcser.co.in या अधिकृत वेबसाइटवर जाऊन ऑनलाईन अर्ज करू शकतात.
.png "Videos"){kind=small}
