फोटो सौजन्य सोशल मिडिया
कांजूरमार्ग (सिग्नल यंत्रणेत बिघाड / रिले रूममध्ये आग), विक्रोळी ते भांडुप, आणि मुलुंड ते ठाणे दरम्यान ओव्हरहेड वायरवर बाहेरील वायर पडल्याने बिघाड झाला आहे.अप आणि डाऊन मार्गावरील लोकल सेवा 15 ते 52 मिनिटांपर्यंत उशिरा असल्यामुळे रेल्वे सेवा धिम्या गतीने धावत सुरू आहेत. ऐन गर्दीच्या वेळी सेवा कोलमडल्यामुळे आणि गाड्या रखडल्यामुळे प्रवाशांनी स्थानकांवर गर्दी केली असून mIndicator आणि सोशल मीडियावर तीव्र संताप व्यक्त केला आहे.
मुंबईच्या मध्य रेल्वेच्या लोकल सेवेवर तांत्रिक बिघाडाचा परिणाम झालेला दिसत असून, सिग्नल यंत्रणेत बिघाड झाल्याचे दिसत आहे. यामध्ये लोकलची सेवा धिम्या गतीने सुरू असल्याची माहिती समोर येत आहे. कांजूरमार्ग, भांडुप तसेच मुलुंड ते ठाणे या रेल्वे मार्गादरम्यान अचानक सिग्नल यंत्रणेत बिघाड झाल्याचे सांगितले गेले जात आहेत. यामुळे लोकलच्या वेळापत्रकावर परिणाम होऊन प्रवाशांना मनस्ताप सहन करावा लागत आहे.
गर्दीच्या वेळेत लोकल सेवा विस्कळीत झाल्याने प्रवाशांची गैरसोय होताना दिसत आहे. कामासाठी जाणाऱ्या- येणाऱ्या तसेच घरी परतणाऱ्या प्रवाशांना याचा फटका बसत आहे. लोकल गाड्या धिम्या गतीने सुरू असल्याने प्रवाशांना रेल्वे स्थानकांवर प्रतीक्षा करावी लागत आहे.
या दरम्यान प्रवाशांनी m-Indicator ॲपवर आपला संताप व्यक्त करत लोकलच्या विलंबानाबाबत आणि विस्कळीत सेवेबाबत प्रवाशांकडून नाराजी व्यक्त केली जात आहे. सिग्नल यंत्रणेतील बिघाड नेमका कशामुळे झाला आणि रेल्वे वाहतूक पूर्वपदावर येण्यासाठी किती वेळ लागणार, याबाबत अधिकृत माहिती मिळणे गरजेचे आहे.
Jhansi News : नवविवाहित तरुणीचा हॉटेलच्या दारातच मृत्यू; घटनेचा CCTV समोर, वडिलांचा पतीवर संशय
.png "Videos"){kind=small}
