SSC CGL Exam 2026 : एसएससी सीजीएल परीक्षेच्या तारखा जाहीर! ‘या’ नव्या पॅटर्ननुसार होणार परीक्षा

SSC CGL Exam 2026 Schedule : कर्मचारी निवड आयोगाने (SSC) 'सीजीएल परीक्षा २०२६' (CGL Exam 2026) चे वेळापत्रक जाहीर केले आहे. आयोगाने दिलेल्या माहितीनुसार, SSC CGL टियर-१ परीक्षा नव्या पॅटर्ननुसार होणार आहेत.

SSC CGL Exam 2026 Schedule: कर्मचारी निवड आयोगाने (SSC) ‘सीजीएल परीक्षा २०२६’ (CGL Exam 2026) चे वेळापत्रक जाहीर केले आहे. आयोगाने दिलेल्या माहितीनुसार, SSC CGL टियर-१ परीक्षा ३० सप्टेंबरपासून सुरू होणार असून ३० ऑक्टोबरपर्यंत चालणार आहे. ही परीक्षा संगणकावर आधारित (CBT) पद्धतीने देशभरातील विविध परीक्षा केंद्रांवर अनेक शिफ्ट्समध्ये आयोजित केली जाईल. या भरती प्रक्रियेद्वारे केंद्र सरकारच्या विविध मंत्रालयांमध्ये आणि सरकारी कार्यालयांमध्ये एकूण १२,२५६ पदांवर नियुक्त्या केल्या जातील. यामध्ये असिस्टंट सेक्शन ऑफिसर, इनकम टॅक्स इन्स्पेक्टर, सेंट्रल एक्साईज इन्स्पेक्टर, सब-इन्स्पेक्टर, ज्युनिअर स्टॅटिस्टिकल ऑफिसर आणि ऑडिटर यांसारख्या महत्त्वाच्या पदांचा समावेश आहे.

४ विषयांवर विचारले जाणार १०० प्रश्न

एसएससी सीजीएल टियर-१ परीक्षेत एकूण १०० बहुपर्यायी प्रश्न विचारले जातील. हा पेपर एकूण २०० गुणांचा असेल आणि प्रत्येक सेक्शनमधून २५-२५ प्रश्न असतील.

• जनरल इंटेलिजन्स अँड रिझनिंग: २५ प्रश्न (५० गुण) – यामध्ये व्हर्बल आणि नॉन-व्हर्बल, कोडिंग-डिकोडिंग, नंबर सिरीज, वेन डायग्राम, लॉजिकल रिझनिंग इत्यादी घटकांचा समावेश असेल.
• जनरल अवेअरनेस: २५ प्रश्न (५० गुण) – चालू घडामोडी, इतिहास, संस्कृती, भूगोल, अर्थशास्त्र आणि वैज्ञानिक संशोधन यावर प्रश्न असतील.
• क्वांटिटेटिव्ह ॲप्टिट्यूड: २५ प्रश्न (५० गुण) – गणितीय क्षमता आणि संख्येवर आधारित प्रश्न असतील.
• इंग्लिश कॉम्प्रिहेंशन: २५ प्रश्न (५० गुण) – भाषा समजणे आणि मूलभूत लेखन क्षमतेची चाचणी घेतली जाईल.

Indian Army News: कारगिलच्या लेकीने रचला इतिहास! जाणून घ्या पहिल्या महिला लष्करी अधिकारी स्टँझिन यांचा प्रवास

बदललेल्या पॅटर्ननुसार होणार परीक्षा

या वेळी SSC CGL 2026 परीक्षेच्या पॅटर्नमध्ये वेळेच्या संदर्भात सर्वात मोठा बदल करण्यात आला आहे:

• टियर-१ परीक्षेसाठी उमेदवारांना एकूण ६० मिनिटांचा वेळ मिळेल.
• परीक्षेतील प्रत्येक सेक्शनसाठी १५ मिनिटांचा वेळ निश्चित केला आहे.
• १५ मिनिटे पूर्ण होताच तो सेक्शन ऑटो-सबमिट आणि लॉक होईल. त्यानंतर लगेचच पुढील नवीन सेक्शन सुरू होईल.
• उमेदवारांना पूर्वी सोडवलेल्या सेक्शनवर परत जाता येणार नाही, म्हणजेच एकदा सेक्शन पुढे गेल्यास मागील सेक्शनमधील प्रश्नांना पुन्हा अटेम्प्ट करता येणार नाही.
• इंग्रजी विषय वगळता इतर सर्व प्रश्न हिंदी आणि इंग्रजी दोन्ही भाषांमध्ये उपलब्ध असतील.
• नेगेटिव्ह मार्किंग : प्रत्येक चुकीच्या उत्तरासाठी ०.५० गुण वजा केले जातील.

सिटी स्लिप आणि ॲडमिट कार्ड कधी मिळणार?

एग्झाम सिटी व ॲप्लिकेशन स्टेटस: परीक्षेच्या सुमारे ९ ते १२ दिवस आधी उमेदवारांना त्यांच्या परीक्षा शहराची आणि अर्जाच्या स्थितीची माहिती दिली जाईल.

ॲडमिट कार्ड : परीक्षेच्या २ ते ३ दिवस आधी अधिकृत संकेतस्थळावर डाऊनलोड करण्यासाठी उपलब्ध करून दिले जाईल.

डिसेंबरमध्ये होणार टियर-२ परीक्षा

एसएससी सीजीएलची निवड प्रक्रिया दोन टप्प्यांत पार पडेल. टियर-१ परीक्षेत उत्तीर्ण होणारे उमेदवार टियर-२ साठी पात्र ठरतील. टियर-२ परीक्षा डिसेंबर २०२६ मध्ये प्रस्तावित आहे. अंतिम निवड टियर-१ आणि टियर-२ मधील उमेदवाराच्या कामगिरीच्या आधारे केली जाईल.

US OPT Fee Proposal: अमेरिकेत नोकरी करणे आता ९६ लाखांनी महागणार? ट्रम्प प्रशासनाचे OPT साठी नवे शुल्क धोरण