SSC CGL Exam च्या पहिल्याच दिवशी असे काय घडले? १०,००० जागा असूनही ६०% हून अधिक विद्यार्थ्यांनी परीक्षा सोडली

SSC CGL Exam 2026: एसएससी सीजीएल २०२६ टियर-१ परीक्षेच्या पहिल्या दिवशी उत्तर प्रदेश आणि बिहारमध्ये ६०% पेक्षा जास्त विद्यार्थ्यांनी परीक्षा दिली नाही. १०,७३१ पदांसाठी होत असलेल्या या भरतीतील कमी उपस्थितीची कारणे आणि त्याचा कटऑफवरील परिणाम जाणून घ्या.

SSC CGL Exam 2026:  सरकारी नोकरीची तयारी करणाऱ्या तरुणांसाठी कर्मचारी चयन आयोगची ‘सीजीएल’ (SSC CGL) परीक्षा अतिशय महत्त्वाची मानली जाते. मात्र, नुकत्याच सुरू झालेल्या एसएससी सीजीएल २०२६ च्या टियर-१ परीक्षेच्या पहिल्या दिवशी एक चिंताजनक चित्र समोर आले आहे. उत्तर प्रदेश आणि बिहारमधील परीक्षा केंद्रांवर ६० टक्क्यांहून अधिक नोंदणीकृत उमेदवारांनी परीक्षा न देण्याचा निर्णय घेतला. अर्ज भरताना तरुणांमध्ये असलेला उत्साह प्रत्यक्ष परीक्षा हॉलपर्यंत पोहोचताना पूर्णपणे ओसरल्याचे दिसून आले.

परीक्षा न देण्यामागची कारणे आणि ट्रेंड

हा ट्रेन्ड केवळ एका दिवसापुरता किंवा एका राज्यापुरता मर्यादित नसून, स्पर्धा परीक्षांची तयारी करणाऱ्या तरुणांच्या बदलत्या मानसिकतेचे प्रतीक आहे. कर्मचारी चयन आयोग ग्रुप ‘बी’ आणि ‘सी’ च्या एकूण १०,७३१ पदांसाठी भरती करत आहे, ज्यामध्ये सीबीआयसी आणि सीबीडीटी सारख्या प्रतिष्ठित विभागांमधील इन्स्पेक्टर आणि टॅक्स असिस्टंटच्या हजारो पदांचा समावेश आहे. इतकी मोठी भरती असूनही परीक्षा केंद्रांवरील रिकाम्या खुर्च्या विचार करायला लावणाऱ्या आहेत. पूर्ण तयारी न होणे किंवा शेवटच्या क्षणचा ताण ही परीक्षा न देण्याची मुख्य कारणे असू शकतात. काही माध्यमांच्या अहवालानुसार, खाजगी क्षेत्रातील वाढत्या संधींमुळे आता तरुण विचारपूर्वक आणि मोजकेच पावले उचलत आहेत.

रिक्त जागांचा तपशील

या भरती मोहिमेद्वारे केंद्र सरकारच्या विविध मंत्रालयांमध्ये एकूण १०,७३१ पदे भरली जाणार आहेत:

• अनाक्षित वर्ग (General): ४,४१२ पदे
• ओबीसी (OBC): २,७७२ पदे
• ईडब्ल्यूएस (EWS): १,०२८ पदे
• अनुसूचित जाती (SC): १,७१५ पदे
• अनुसूचित जमाती (ST): ८०४ पदे

यामध्ये सीबीआयसी (CBIC) आणि सीबीडीटी (CBDT) मधील इन्स्पेक्टर आणि टॅक्स असिस्टंटची पदे सर्वाधिक आकर्षणाचे केंद्र आहेत.

SBI Recruitment 2026: स्टेट बँक ऑफ इंडियात विविध उच्च पदांसाठी भरती जाहीर; आजच करा अर्ज!

परीक्षा न देण्यामागचे मानसशास्त्र

अनेकदा तरुण मित्रांच्या देखादेखी किंवा पालकांच्या दबावापोटी कोणताही अभ्यास न करता फॉर्म भरतात. परीक्षा जवळ आल्यावर त्यांना अपयशाची भीती वाटते. तसेच अनेक वेळा विद्यार्थ्यांना सीबीटी (CBT) स्वरूपाच्या या परीक्षेत केवळ ६० मिनिटांत १०० प्रश्न सोडवावे लागतात. यामध्ये निगेटिव्ह मार्किंगची भीती असते, ज्यामुळे अनेक उमेदवार परीक्षा केंद्रावर जाणे टाळतात.

Captain Smit Machhar: जिगरबाज कॅप्टन! रक्ताने लथपथ असतानाही १८० प्रवाशांचे प्राण वाचवणारे स्मित मच्छार किती शिकलेत? जाणून घ्या

कॅटऑफवर याचा काय परिणाम होईल?

मोठ्या संख्येने उमेदवारांनी परीक्षा सोडली असली, तरी जे गंभीर आणि अभ्यासात सातत्य ठेवणारे विद्यार्थी आहेत, त्यांच्यासाठी ही सकारात्मक बाब आहे. ६० टक्क्यांहून अधिक अनुपस्थितीमुळे स्पर्धा खूप कमी झाली आहे. यामुळे टियर-१ च्या कटऑफवर आणि एकूण स्पर्धेवर थेट परिणाम होईल, ज्यामुळे योग्य रणनीती आखून अभ्यास करणाऱ्या विद्यार्थ्यांना डिसेंबरमध्ये होणाऱ्या टियर-२ परीक्षेपर्यंत पोहोचणे थोडे सोपे होऊ शकते.