ISRO मध्ये मेगा भरती! 10वी पास ते इंजिनिअरिंग ग्रॅज्युएट्सना सुवर्णसंधी; पात्रता, पगार अन् अर्ज प्रक्रिया जाणून घ्या

ISRO SAC Recruitment 2026 for 26 Positions: इस्रोच्या स्पेस ॲप्लिकेशन्स सेंटरने (SAC ) २६ अप्रेंटिस उमेदवार पदांसाठी भरतीची अधिसूचना जाहीर केली आहे. या पदांसाठी काय आहे पात्रता, अर्ज प्रक्रिया जाणून घ्या संपूर्ण माहिती.

• इस्रोमध्ये नोकरीची संधी
• 26 अप्रेंटिस पदांसाठी भरती
• पात्रता, वयोमर्यादा आणि पगार जाणून घ्या

ISRO SAC Recruitment 2026: भारतीय अंतराळ संशोधन संस्थेच्या (ISRO) स्पेस ॲप्लिकेशन्स सेंटरने (SAC), अहमदाबाद येथे अप्रेंटिसच्या २६ पदांसाठी भरती जाहीर केली आहे. यासाठी जाहिरात क्रमांक SAC:03:2026 प्रसिद्ध करण्यात आला आहे. या भरतीमध्ये नऊ पदवीधर अप्रेंटिस पदे, पाच टेक्नीशियन अप्रेंटिस पदे आणि १२ ट्रेड अप्रेंटिस पदांचा समावेश आहे. या पदांसाठी एक वर्षाचे प्रशिक्षण आवश्यक असेल. इच्छुक आणि पात्र उमेदवार ११ नोव्हेंबर २०२६ पासून अर्ज करू शकतात. अर्ज करण्याची अंतिम मुदत २ डिसेंबर २०२६ रोजी संध्याकाळी ५:०० वाजेपर्यंत आहे.

दुष्काळग्रस्त विद्यार्थ्यांना सरसकट परीक्षा शुल्क माफी द्या! जाचक अटी रद्द करण्याची विद्यार्थी संघटनांची मागणी

कोणत्या ट्रेडमध्ये संधी मिळतील?

या भरतीमध्ये अभियांत्रिकीपासून कला आणि वाणिज्य शाखेपर्यंतच्या उमेदवारांना संधी देण्यात आली आहे.तसेच, ग्रॅज्युएट अप्रेंटिस पदांसाठी इलेक्ट्रॉनिक्स, मेकॅनिकल, कॉम्प्युटर सायन्स, आयटी, इलेक्ट्रिकल, सिव्हिल आणि प्रोडक्शन इंजिनिअरिंग या शाखांमध्ये जागा उपलब्ध आहेत. या व्यतिरिक्त, हिंदी-इंग्रजी विषयातून बी.कॉम, बीसीए आणि बीए करणारे विद्यार्थी देखील अर्ज करू शकतात. याशिवाय, टेक्निशियन अप्रेंटिससाठी पाच इंजिनिअरिंग ट्रेड ठेवण्यात आले आहेत. ट्रेड अप्रेंटिसमध्ये, संगणक ऑपरेटर, कारपेंटर, पेंटर, मशिनिस्ट, फिटर, टर्नर, इलेक्ट्रीशियन आणि रेफ्रिजरेशन यांसारख्या ट्रेडचा समावेश आहे.

पात्रता काय आहे?

• ग्रॅज्युएट अप्रेंटिसच्या अभियांत्रिकी पदांसाठी, संबंधित विषयात बीई किंवा बीटेक पदवी आणि किमान ६० टक्के गुण आवश्यक आहेत.
• बी.कॉम, बीसीए आणि बीएच्या उमेदवारांना संबंधित विषयात ६० टक्के गुण असणे आवश्यक आहे.
• टेक्निशियन अप्रेंटिस पदासाठी, संबंधित विषयात प्रथम श्रेणीसह इंजिनिअरिंग डिप्लोमा आवश्यक आहे.
• ट्रेड अप्रेंटिसच्या काही पदांसाठी, दहावी उत्तीर्णतेसोबत संबंधित ट्रेडमधील आयटीआय आवश्यक आहे.
• इतर ट्रेड पदांसाठी, आयटीआय पात्रता गुजरातमधील मान्यताप्राप्त संस्थेतून घेतलेली असावी. ही पात्रता डिसेंबर २०२३ रोजी किंवा त्यानंतर पूर्ण केलेली असावी.

वयोमर्यादेत किती सवलत? स्टायपेंड किती मिळणार?

ग्रॅज्युएट अप्रेंटिस पदासाठी उमेदवारांचे वय १८ ते २८ वर्षांच्या दरम्यान असणे आवश्यक आहे. टेक्निशियन आणि ट्रेड अप्रेंटिस पदांसाठी कमाल वयोमर्यादा ३५ वर्षे आहे. वयाची गणना २ डिसेंबर २०२६ रोजीच्या तारखेनुसार केली जाईल. ओबीसी (नॉन-क्रिमी लेयर) प्रवर्गातील उमेदवारांना तीन वर्षांची, तर एससी/एसटी प्रवर्गातील उमेदवारांना पाच वर्षांची वयोमर्यादेत सूट मिळेल. दिव्यांग उमेदवार शासकीय नियमांनुसार सवलतीसाठी पात्र असतील. निवड झालेल्या ग्रॅज्युएट अप्रेंटिसना १२,३०० रुपये, टेक्निशियनना १०,९०० रुपये आणि ट्रेड अप्रेंटिसना १०,५६० रुपये ते ११,०४० रुपये इतके मासिक स्टायपेंड मिळेल.

निवड आणि अर्ज प्रक्रिया कशी पार पडेल?

• पदवी, डिप्लोमा किंवा आयटीआयमध्ये मिळालेल्या गुणांच्या आधारे शॉर्टलिस्टिंगद्वारे उमेदवारांची निवड केली जाईल.
• अंतिम निवड झालेल्या उमेदवारांना कागदपत्र पडताळणीसाठी बोलावले जाईल.
• अर्ज करण्यासाठी, ISRO SAC च्या sac.gov.in किंवा careers.sac.gov.in या अधिकृत वेबसाइटला भेट द्या.
• तुम्हाला तिथे ऑनलाइन नोंदणी करावी लागेल आणि आवश्यक माहिती भरावी लागेल.
• आवश्यक शैक्षणिक प्रमाणपत्रे PDF स्वरूपात अपलोड करावी लागतील.
• फॉर्म सादर केल्यानंतर, १४ अंकी नोंदणी क्रमांक सुरक्षित ठेवा.
• एकदा अर्ज भरल्यानंतर अर्जामध्ये पुन्हा दुरुस्ती करण्याची संधी मिळणार नाही.

Education News: परदेशातील उच्च शिक्षणाला ‘ब्रेक’! २०२३ मधील ९.०८ लाखांवरून संख्या थेट ६.२६ लाखांवर