मराठी पालिका शाळांचे अस्तित्व धोक्यात? शिक्षकवर्ग उतरणार रस्त्यावर, नागरिकांना एक होण्याचे आवाहन

मराठी पालिका शाळांचे अस्तित्व मुंबई धोक्याचे असल्याचे आरोप शिक्षकांनी केले आहे. त्यासाठी गुरुवारी पालिकेसोमर आंदोलन करण्यात येणार आहे.

• १८ डिसेंबर रोजी सकाळी साडे दहा वाजता पालिका मुख्यालयासमोर आंदोलन करणार
• स्थानिक प्रशासनावर मोठे दडपण येण्याची अफाट शक्यता
• भांडूप खिंडीपाडा येथील शाळेचे स्थलांतर, पण दोन वर्षांनंतरही नूतनीकरण नाही

मुंबई म्हणजे मराठी! पण या मराठी मातीमध्येच मराठी शाळांची अतिशय दयनीय अवस्था दिसून येत आहे. कुठे शाळा पडीक आहेत तर कुठे दुर्लक्षित! या सगळ्या मुद्द्यांना घेऊन मराठी शिक्षक मंडळी पेटून उठली आहे. मुंबईच्या मातीमध्ये मराठी शाळांचे अस्तित्व टिकवून ठेवण्यासाठी शिक्षक एकत्र येत आहेत आणि गुरुवार दिनांक १८ डिसेंबर रोजी सकाळी साडे दहा वाजता पालिका मुख्यालयासमोर आंदोलन करणार आहेत. शिक्षकांनी हे आंदोलन अतिशय शांत रूपात होईल असे जरी सांगितले असले तरी राज्यभरातील मराठी प्रेमींना एकत्र येऊन लढा देण्याचे आवाहनही केले आहे, त्यामुळे स्थानिक प्रशासनावर मोठे दडपण येण्याची अफाट शक्यता आहे.

झिरो लिक्वीड डिस्चार्ज टेक्नॉलॉजीमध्ये पीजी सर्टिफिकेट कोर्ससाठी प्रवेश प्रक्रिया सुरू

नक्की कोणत्या मागण्यांसाठी उभारण्यात येणार शिक्षकांचे हे आंदोलन?

• शाळेची इमारत पाडली किंवा दुरुस्ती झाली तरी त्या जागी पुन्हा शाळाच बांधावी.
• शाळांचे स्ट्रक्चरल ऑडिट अहवाल मराठी भाषेत तयार करून महापालिकेच्या संकेतस्थळावर उपलब्ध करावेत.
• मराठी शाळांचे खासगीकरण, हस्तांतरण व माध्यमांतर पूर्णपणे थांबवावे.

मुंबईत होणाऱ्या ‘या’ गैरप्रकारांमुळे पेटून उठले शिक्षक

मुंबई महानगरपालिकेतील निम्म्या मराठी शाळा तर बंदच झाल्या आहेत तर त्यातल्या काही शाळांना इंग्रजी माध्यमात रूपांतरित करण्यात आले आहे. अगदी मुंबईत मराठी शाळांसाठी गैरप्रकार घडत आहेत. शिवडीमध्ये तर चक्क शाळाच चोरीला गेली आहे. एखादी मराठी शाळा पाडून त्या ठिकाणी मोठा टॉवर बांधण्यात आला आहे. शाळांचा पट २५० पण इतक्या पटासाठी फक्त ३ वर्ग उपल्बध करून देण्यात आले आहे. माहीमच्या मोरी रोड येथे मराठी शाळा पडून ४ वर्षे उलटली पण अद्याप त्याठिकाणी नवीन शाळा उभारण्यात आली नाही. न्यू माहीम स्कुलची डागडुजी तर झालीये पण तिला मुद्दामून पडीक असल्याचे ठरवले जात आहे, जेणेकरून त्या ठिकाणी इतर वास्तूंची निर्मिती करण्यात येईल किंवा बिल्डरच्या घशात घालता येईल. कुलाब्यात विद्यार्थ्यांचे स्थलांतर अशा ठिकाणी करण्यात आले, जिथे सुविधांचा अभाव आहे. नीट पाणी, स्वछतागृहे तसेच जागा नाही. लोअर परळमध्ये तर हद्दच झाली आहे, येथे चक्क इमारतीच्या पार्किंगमध्ये वर्गखोल्या घेतले जात आहेत. मानखुर्द, गोवंडी, चेबूर परिसरात मराठी माध्यमिक शाळांचा अभाव आहे. भांडूप खिंडीपाडा येथील शाळेचे स्थलांतर, पण दोन वर्षांनंतरही नूतनीकरण नाही. या सर्व प्रकरणांमुळे विद्याथ्यांची गळती होत आहे आणि ते खासगी शाळांकडे वळत आहेत. हे सगळे आरोप शिक्षकांकडून करण्यात आले आहे.

इंग्रजी नवोपक्रम अभ्यासक्रमाला विद्यार्थ्यांचा प्रतिसाद, बालभारती मंडळाच्या सदस्य असलेल्या शिक्षकाच्या व्हिडिओला प्रतिसाद

शिक्षकांनी गुरुवारी आयोजित करण्यात आलेल्या आन्दोलनात मुंबईतील सर्व मराठी नागरिकांना आपल्या भाषेसाठी एकत्र येण्याचे आणि अस्तित्वासाठी लढा देण्याचे आवाहन केले आहे. या सर्व प्रकारवार निर्णय घेण्यात आला नाही तर आंदोलन भविष्यात आणखीन तीव्र होईल असे संकेत शिक्षकांनी दिले आहेत.