राज्याला उच्च शिक्षणाचे जागतिक केंद्र बनविणार! ‘स्टडी इन महाराष्ट्र’ उपक्रमाचा आरंभ

‘स्टडी इन महाराष्ट्र’ उपक्रमामुळे परदेशी विद्यार्थ्यांसाठी प्रवेश प्रक्रिया पूर्णतः ऑनलाईन आणि पारदर्शक झाली असून, महाराष्ट्राला उच्च शिक्षणाचे जागतिक केंद्र बनवण्याचे सरकारचे ध्येय आहे.

फोटो सौजन्य - Social Media

Follow Us:

Follow Us:

राज्यात उच्च शिक्षण क्षेत्राला आंतरराष्ट्रीय दर्जा मिळावा आणि परदेशी विद्यार्थ्यांना आकर्षित करावे, या उद्देशाने महाराष्ट्र सरकारने ‘स्टडी इन महाराष्ट्र’ हा अभिनव उपक्रम सुरू केला आहे. उच्च व तंत्रशिक्षण मंत्री चंद्रकांत पाटील यांच्या हस्ते मंत्रालयात या उपक्रमाचा औपचारिक आरंभ झाला.

फक्त १३ जागांसाठी संधी! RRC पूर्वी रेल्वेमध्ये भरती; Scouts & Guides पदे येतील भरण्यात

या उपक्रमामुळे NRI/PIO/OCI/FNS/CIWGC प्रवर्गातील उमेदवारांसाठी व्यावसायिक अभ्यासक्रमांमध्ये प्रवेश प्रक्रिया अधिक सुलभ, पारदर्शक आणि कार्यक्षम बनणार आहे. या डिजिटल प्रणालीमुळे विद्यार्थी घरबसल्या प्रवेशासाठी अर्ज करू शकतील, कागदपत्रांची पडताळणी, अर्ज सादर करणे आणि अंतिम प्रवेश प्रक्रिया पूर्णतः ऑनलाईन पद्धतीने होणार आहे. त्यामुळे वेळ, खर्च आणि प्रवास वाचणार असून, महाविद्यालयात प्रत्यक्ष उपस्थित राहण्याची गरज नाही. कार्यक्रमाच्या वेळी उच्च व तंत्रशिक्षण विभागाचे अपर मुख्य सचिव बी. वेणुगोपाल रेड्डी, वित्त विभागाचे सचिव सौरभ विजय, सीईटी कक्षाचे आयुक्त दिलीप सरदेसाई, आणि इतर वरिष्ठ अधिकारी उपस्थित होते.

उच्च व तंत्र शिक्षण मंत्री चंद्रकांत पाटील म्हणाले की, शैक्षणिक वर्ष २०२५-२६ साठी महाराष्ट्रातील व्यावसायिक अभ्यासक्रमांमध्ये NRI/OCI/PIO/CIWGC/FNS प्रवर्गातील उमेदवारांच्या प्रवेश प्रक्रियेकरिता इंटिग्रेटेड प्रणाली सुरू करण्यात आली आहे. या उपक्रमामुळे NRI/PIO/OCI/FNS/CIWGC उमेदवारांची प्रवेश प्रक्रिया अधिक सुलभ, पारदर्शक व कार्यक्षम होईल. परदेशी विद्यार्थ्यांसाठी उपयुक्त सुविधा देऊन मानवी हस्तक्षेप कमी करून प्रवेश प्रक्रियेची काटेकोरपणे अंमलबजावणी होईल. या अभिनव उपक्रमाच्या अंतर्गत जगभरातील विद्यार्थ्यांसाठी महाराष्ट्राला उच्च व तंत्र शिक्षणाचे जागतिक व पसंतीचे केंद्र बनवण्याचे ध्येय ठेवले आहे.

या प्रणालीमार्फत संपूर्ण प्रवेश प्रक्रिया आता डिजिटल करण्यात आली आहे. नोंदणीपासून अंतिम प्रवेशापर्यंत सर्व प्रक्रिया नोंदणी, अर्ज सादर, कागदपत्रांची पडताळणी पूर्णपणे ऑनलाईन पद्धतीने पार पडेल, असेही त्यांनी सांगितले.

AAI CLAS भरती 2025 : सहाय्यक पदांसाठी अर्ज करण्याची संधी, ‘या’ तारखेपर्यंत करा Apply

या माध्यमातून NRI/OCI/PIO/CIWGC/FNS उमेदवारांना घरबसल्या अर्ज करता येणार असून महाविद्यालयांमध्ये प्रत्यक्षरित्या जाण्याची आवश्यकता भासणार नाही. यामुळे वेळ, प्रवास व खर्च वाचणार असून ही प्रक्रिया पारदर्शक आणि कार्यक्षम ठरेल. पोर्टलवर सर्व संबंधित महाविद्यालयांची माहिती, प्रवर्ग, पात्रता निकष व आवश्यक कागदपत्रांची माहिती सुलभपणे उपलब्ध असणार आहे.अधिक माहितीसाठी: https://fn.mahacet.org. यावर माहिती उपलब्ध आहे.

Web Title: The state will be made a global hub of higher education study in maharashtra initiative launched

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com