UGC Net 2026: यूजीसी नेट अर्जदारांसाठी खूशखबर! करेक्शन विंडो सुरू, ‘या’ तारखेपर्यंत करा बदल

NTA UGC NET 2026 Correction Window: नॅशनल टेस्टिंग एजन्सीने (NTA) यूजीसी नेट डिसेंबर २०२६ च्या अर्जात सुधारणा करण्यासाठी करेक्शन विंडो सुरू केली आहे. उमेदवार ४ नोव्हेंबर २०२६ (रात्री ११:५० वाजेपर्यंत) अधिकृत वेबसाइटवर जाऊन आपल्या अर्जात आवश्यक तो बदल करू शकतात.

• यूजीसी नेट ऍप्लिकेशन फॉर्ममध्ये कोणते तपशील सुधारता येऊ शकतात?
• कोणत्या तपशिलांमध्ये बदल करणे शक्य नाही?
• यूजीसी नेट ऍप्लिकेशन फॉर्ममध्ये सुधारणा कशी करावी? 

NTA UGC NET 2026 Correction Window: यूजीसी नेट डिसेंबर 2026 परीक्षेसाठी अर्ज प्रक्रियेची मुदत संपली आहे. फॉर्म भरताना काही चूक झाली असल्यास आता त्यात सुधारणा करण्याची संधी उपलब्ध आहे, एनटीएने ऑनलाईन अर्जात सुधारणा करण्यासाठी करेक्शन विंडो सुरु केली आहे. फॉर्ममधील स्पेलिंगची चूक किंवा माहितीतील चुक भविष्यात मोठी समस्या ठरू शकते. म्हणून एनटीएने यात सुधारणा करण्यासाठी ४ नोव्हेंबर २०२६ पर्यंत मुदत वाढ दिली आहे.

अनेकदा ऑनलाइन फॉर्म भरताना घाईत नाव आई वडिलांचे नाव किंवा इतर तपशिलांमध्ये टायपिंगच्या चुका होतात. ही विद्यार्थ्यांची अडचण लक्षात घेऊन एनटीएने स्पष्ट केले आहे की ठरवून दिलेल्या मुदतीत पोर्टलवर आवश्यक बदल करता येतील. यूजीसी नेटच्या करेक्शन विंडोद्वारे कोणते तपशील बदलता येऊ शकतात हे आता आपण जाणून घेणार आहोत.

यूजीसी नेट ऍप्लिकेशन फॉर्ममध्ये कोणते तपशील सुधारता येऊ शकतात?

उमेदवार त्यांच्या ऑनलाइन अर्जपत्रात आपले नाव, आपल्या वडिलांचे नाव किंवा आपल्या आईच्या नावापैकी कोणत्याही एका तपशिलामध्ये सुधारणा (रिवाज) करू शकतात.

कोणत्या तपशिलांमध्ये बदल करणे शक्य नाही?

मोबाईल नंबर, ईमेल पत्ता, कायमस्वरूपी आणि तात्पुरता पत्ता (परमानेंट आणि प्रेझेंट ॲड्रेस), तसेच छायाचित्र (फोटोग्राफ) आणि स्वाक्षरी (सिग्नेचर – अपलोड केलेल्या इमेज) यामध्ये कोणत्याही प्रकारचा बदल करता येणार नाही. त्यामुळे फॉर्म सबमिट करताना या गोष्टींची विशेष काळजी घेणे गरजेचे आहे.

NTA UGC NET २०२६: यूजीसी नेट डिसेंबर २०२६ चे अपडेट्स एनटीएच्या सोशल मीडिया अकाउंटवर पाहू शकता.

ONGC Apprentice Recruitment 2026: ओएनजीसीमध्ये ३०४७ अप्रेंटिस पदांची मेगा भरती जाहीर; आजच करा अर्ज

यूजीसी नेट डिसेंबर २०२६ टाइमलाइन

• करेक्शन विंडो सुरू होण्याची तारीख: २ नोव्हेंबर २०२६
• करेक्शन करण्याची अंतिम तारीख: ४ नोव्हेंबर २०२६ (रात्री ११:५० वाजेपर्यंत)
• अधिकृत वेबसाइट पोर्टल: https://ugcnet.nta.nic.in
• हेल्पलाइन नंबर: 011-40759000
• अधिकृत ईमेल आयडी: ugcnet@nta.ac.in

यूजीसी नेट ऍप्लिकेशन फॉर्ममध्ये सुधारणा कशी करावी?

तुमच्या यूजीसी नेट डिसेंबर २०२६ च्या फॉर्ममध्ये नावाशी संबंधित कोणतीही चूक असेल आणि तुम्हाला ती दुरुस्त करायची असेल, तर खालील सोप्या स्टेप्स फॉलो करा:
१. यूजीसी नेटच्या अधिकृत वेबसाइट https://ugcnet.nta.nic.in वर जा.
२. होमपेजवर दिलेल्या ‘UGC-NET Dec 2026 Application Correction’ या लिंकवर क्लिक करा.
३. आता आपल्या ॲप्लिकेशन नंबर आणि पासवर्डच्या मदतीने पोर्टलवर लॉग इन करा.
४. डॅशबोर्डवर गेल्यानंतर आपला ॲप्लिकेशन फॉर्म ओपन करा आणि त्यात दिलेल्या एडिट ऑप्शनवर जा.
५. नाव किंवा आई-वडिलांच्या नावामध्ये जी काही सुधारणा करायची आहे, ती काळजीपूर्वक अचूक भरा.
६. भरलेली माहिती पुन्हा एकदा तपासून घ्या, कारण त्यानंतर पुन्हा संधी मिळणार नाही.
७. शेवटी आपला फॉर्म फायनल सबमिट करा. भविष्यातील संदर्भासाठी रिवाइज्ड पेजची प्रिंटआउट किंवा पीडीएफ सुरक्षित जपून ठेवा.

Teacher Dress Code 2026: शासनाचा मोठा निर्णय! सरकारी शाळांमध्ये शिक्षकांना जीन्स-टीशर्ट घालण्यावर बंदी; ‘हा’ असेल नवीन ड्रेस

विद्यार्थ्यांसाठी विशेष सल्ला:

शेवटच्या वेळेची वाट पाहू नका: फॉर्ममध्ये करेक्शनसाठी ४ नोव्हेंबरच्या रात्री ११:५० वाजेपर्यंतची वेळ आहे. परंतु, शेवटच्या वेळेकडील सर्व्हरवरील गर्दी टाळण्यासाठी आज किंवा उद्याच करेक्शनचे काम पूर्ण करून घ्यावे.

दस्तावेजांशी पडताळणी करा: नाव किंवा आई-वडिलांचे नाव बदलताना खात्री करून घ्या की स्पेलिंग तुमच्या १० वीच्या किंवा पदवीच्या (ग्रॅज्युएशच्या) मार्कशीटशी तंतोतंत जुळत आहे.

सायबर कॅफेची काळजी: जर तुम्ही कोणत्याही कॅफेमधून फॉर्म दुरुस्त करून घेत असाल, तर सबमिट करण्यापूर्वी स्क्रीनवरील प्रत्येक स्पेलिंग अत्यंत काळजीपूर्वक तपासून घ्यावे.