UGC NET re-exam 2026: इंग्रजी, वाणिज्य आणि समाजशास्त्र विषयांची सिटी स्लिप जाहीर; अशी करायची डाउनलोड? जाणून घ्या

UGC NET re-exam 2026: नॅशनल टेस्टिंग एजन्सीने (NTA) UGC NET जून 2026 फेरपरीक्षेसाठी परीक्षा शहर इंटीमेशन स्लिप जारी केली आहे. ९ आणि १० सप्टेंबर रोजी होणाऱ्या परीक्षेची सिटी स्लीप कशी डाउनलोड करायची? जाणून घेण्यासाठी नक्की वाचा

UGC NET re-exam 2026: नॅशनल टेस्टिंग एजन्सीने UGC NET च्या फेरपरीक्षेसाठी असणाऱ्या तीन विषयांची ‘ॲडव्हान्स एक्झाम सिटी इंटीमेशन स्लिप’ जारी केली आहे. ज्या उमेदवारांना इंग्रजी, वाणिज्य आणि समाजशास्त्र या विषयांची परीक्षा पुन्हा द्यायची आहे, ते आता आपले परीक्षा शहर तपासू शकतात आणि डाउनलोड करू शकतात. परीक्षा शहराची माहिती अधिकृत UGC NET वेबसाइट ugcnet.nta.nic.in वर उपलब्ध करून देण्यात आली आहे. एजन्सीने स्पष्ट केले आहे की ही सिटी इंटिमेशन स्लिप म्हणजे प्रवेशपत्र नाही, तर प्रवेशपत्र नंतर स्वतंत्रपणे जारी केले जाईल.

९ आणि १० सप्टेंबर रोजी होणार री-एग्जाम

UGC NET जून २०२६ ची फेरपरीक्षा इंग्रजी, वाणिज्य आणि समाजशास्त्र या विषयांसाठी घेतली जात आहे. परीक्षा वेळापत्रकानुसार इंग्रजी आणि वाणिज्य विषयांची परीक्षा ९ सप्टेंबर रोजी होईल, तर समाजशास्त्राचा पेपर १० सप्टेंबर रोजी आयोजित केला जाईल.

९ सप्टेंबर: सकाळी ९ ते दुपारी १२ (इंग्रजी परीक्षा) आणि दुपारी ३ ते संध्याकाळी ६ (वाणिज्य परीक्षा).

१० सप्टेंबर: सकाळी ९ ते दुपारी १२ (समाजशास्त्र परीक्षा).

MRRDA Pune Recruitment 2026: महाराष्ट्र ग्रामीण रस्ते विकास संस्थेत ‘या’ पदासाठी भरती जाहीर; पात्रता आणि अटी पहा एका क्लिकवर..

प्रवेशपत्र लवकरच होणार जारी

NTA ने उमेदवारांना विशेष स्पष्ट केले आहे की, एक्झाम सिटी इंटीमेशन स्लिपला प्रवेशपत्र समजले जाऊ नये. या स्लिपचा उद्देश उमेदवारांना त्यांचे परीक्षा केंद्र कोणत्या शहरात आहे, याची पूर्वकल्पना देण्याचा आहे. सिटी स्लिपमध्ये परीक्षा केंद्राचा पूर्ण पत्ता आणि इतर निर्देश दिलेले नसतात. परीक्षा केंद्राचा संपूर्ण पत्ता आणि इतर महत्त्वाच्या सूचना प्रवेशपत्रात दिल्या जातील. NTA कडून प्रवेशपत्र नंतर वेगळे जारी केले जाईल, त्यामुळे उमेदवारांना परीक्षा केंद्रात प्रवेश मिळवण्यासाठी सध्या प्रवेशपत्राची प्रतीक्षा करावी लागेल.

परीक्षा पुन्हा का होत आहे?

UGC NET च्या इंग्रजी, वाणिज्य आणि समाजशास्त्र पेपरबाबत NTA कडे अनेक तक्रारी प्राप्त झाल्या होत्या. या तक्रारींची चौकशी करण्यासाठी एजन्सीने एका समितीची स्थापना केली होती. समितीच्या तपासात या तिन्ही पेपरमध्ये अनेक प्रकारच्या त्रुटी आढळल्या. त्यानंतर समितीने या तिन्ही परीक्षा पुन्हा घेण्याची शिफारस केली, ज्यानंतर NTA ने इंग्रजी, वाणिज्य आणि समाजशास्त्र विषयांची री-एग्जाम घेण्याचा निर्णय घेतला.

Cambridge survey : परदेशात शिक्षणाचे आकर्षण घटले? भारतातील विद्यार्थ्यांना देशातच UG शिक्षण घेण्याचा कल का वाढला?

UGC NET सिटी स्लिप कशी डाउनलोड करावी?

सिटी स्लिप डाउनलोड करण्यासाठी सर्वप्रथम अधिकृत वेबसाइट ugcnet.nta.nic.in वर जा.

होम पेजवर UGC NET June 2026 City Intimation Slip च्या लिंकवर क्लिक करा.

आता तुमचा अर्ज क्रमांक आणि पासवर्डसह विचारलेली लॉगिन माहिती प्रविष्ट करा.

माहिती भरल्यानंतर Submit वर क्लिक करा.

आता स्क्रीनवर तुमची UGC NET जून २०२६ परीक्षा सिटी स्लिप दिसेल.

शेवटी सिटी स्लिप डाउनलोड करा आणि त्याची प्रत सुरक्षित ठेवा.