NTA कडून UGC NET परीक्षेच्या नियमात मोठे बदल! परीक्षा तारखा, ड्रेस कोड आणि नवीन मार्गदर्शक तत्त्वे जाहीर

UGC NET December 2026: NTA ने UGC NET डिसेंबर २०२६ साठी अपडेटेड बुलेटिन जारी केले आहे. परीक्षा तारखा, परीक्षा केंद्राचे नियम, ड्रेस कोड आणि मूल्यांकनातील बदलांची सविस्तर माहिती जाणून घ्या.

UGC NET December 2026: नॅशनल टेस्टिंग एजन्सीने युजीसी नेट डिसेंबर २०२६ साठी अपडेट केलेले माहिती पत्रक प्रसिद्ध केले आहे. १६ ऑक्टोबर रोजी अपडेट करण्यात आलेल्या नवीन माहिती पत्रकात परीक्षेच्या तारखांसोबतच परीक्षा शहर निवडण्याची प्रक्रिया, परीक्षा केंद्रात प्रवेश, उत्तरांचे मूल्यांकन, ड्रेस कोड, बंदी घालण्यात आलेल्या वस्तू आणि इतर काही महत्त्वाच्या सूचनांमध्ये बदल करण्यात आले आहेत. अपडेट केलेल्या वेळापत्रकानुसार, UGC NET डिसेंबर २०२६ ची परीक्षा १४, १५, १६, १७, १८ आणि २१ डिसेंबर रोजी संगणक आधारित (CBT) मोडमध्ये आयोजित केली जाईल.

NTA कडून करण्यात आलेले हे बदल अशा वेळी समोर आले आहेत, जेव्हा अर्ज प्रक्रिया सुरू आहे आणि उमेदवार परीक्षेच्या तयारीसोबतच आपली कागदपत्रे आणि परीक्षेशी संबंधित महत्त्वाची माहिती गोळा करत आहेत. त्यामुळे जुन्या माहिती पत्रकावर किंवा मागील वेळेच्या नियमांवर अवलंबून राहण्याऐवजी उमेदवारांना या अपडेट केलेल्या माहिती पत्रकाची माहिती असणे अत्यंत आवश्यक आहे.

सहा दिवसांत होणार UGC NET परीक्षा

अपडेट केलेल्या वेळापत्रकानुसार, UGC NET डिसेंबर २०२६ ची परीक्षा १४, १५, १६, १७, १८ आणि २१ डिसेंबर रोजी आयोजित केली जाईल. ही परीक्षा संगणक आधारित चाचणी म्हणजेच CBT मोडमध्ये होणार आहे. जेआरएफ, सहाय्यक प्राध्यापक आणि पीएचडी प्रवेशाशी संबंधित पात्रता ठरवण्यासाठी ही परीक्षा घेतली जाते. अर्ज प्रक्रिया ८ ऑक्टोबरपासून सुरू झाली असून सामान्य अर्जाची अंतिम तारीख २८ ऑक्टोबर २०२६ रोजी रात्री ११:५० वाजेपर्यंत आहे. तसेच विलंब शुल्कासह अर्ज करण्याची सुविधाही देण्यात आली आहे.

चार शहरे निवडण्याच्या नियमात बदल

पूर्वी उमेदवारांना त्यांच्या कायमस्वरूपी किंवा सध्याच्या पत्त्यावरील राज्य/केंद्रशासित प्रदेशातून चार परीक्षा शहरे निवडावी लागत होती. आता जर संबंधित राज्य किंवा केंद्रशासित प्रदेशात चारपेक्षा कमी शहरे उपलब्ध असतील, तर उमेदवार स्क्रीनवर उपलब्ध असलेल्या पर्यायांमधून निवड करू शकतील. याशिवाय उमेदवार ‘करेक्शन विंडो’ दरम्यान त्यांच्या परीक्षा शहराच्या पसंतीक्रमात बदलही करू शकतील. हा बदल विशेषतः अशा उमेदवारांसाठी महत्त्वाचा आहे, ज्यांच्या राज्यात परीक्षा केंद्रांचे पर्याय मर्यादित आहेत.

UPSC CDS Exam: IMA आणि OTA मध्ये नेमका काय फरक आहे? सैन्यात अधिकारी होण्यापूर्वी जाणून घ्या हे महत्त्वाचे नियम!

रिव्ह्यू केलेल्या प्रश्नांच्या मूल्यांकनाचा नियम स्पष्ट

अपडेट केलेल्या माहिती पत्रकात प्रश्नांच्या मूल्यांकनाबाबतही महत्त्वाचे बदल करण्यात आले आहेत. जर उमेदवाराने एखाद्या प्रश्नाचे उत्तर सेव्ह (Save) केले असेल आणि नंतर ते ‘मार्क फॉर रिव्ह्यू’ (Mark for Review) केले असेल, तर त्या उत्तराचे मूल्यांकन केले जाईल. दुसरीकडे, उत्तर न दिलेल्या प्रश्नांचे मूल्यांकन केले जाणार नाही. युजीसी नेट परीक्षेत निगेटिव्ह मार्किंग (Negative Marking) नाही.

केंद्रावर ३० मिनिटे आधी गेट बंद होणार

नवीन नियमांनुसार, परीक्षा सुरू होण्याच्या ३० मिनिटे आधी परीक्षा केंद्राचे गेट बंद केले जातील. NTA ने उमेदवारांना वेळेपूर्वी केंद्रावर पोहोचण्याचा सल्ला दिला आहे. माहिती पत्रकात परीक्षा सुरू होण्याच्या सुमारे दोन तास आधी केंद्रावर रिपोर्ट करण्याचा सल्लाही देण्यात आला आहे.

CA Final परीक्षेचे ॲडमिट कार्ड जाहीर! ‘या’ सोप्या पद्धतीने करा डाउनलोड

बुटांबाबतचा नियमही बदलला

ड्रेस कोडबाबतही काही इतर नवीन बदल समोर आले आहेत. सामान्य शूज, चप्पल आणि कमी हीलच्या सँडल्स घालून परीक्षा केंद्रावर जाण्याची परवानगी आहे. मात्र, लांब बूट घातण्यास मनाई असेल. तसेच परीक्षा केंद्रावर पेन उपलब्ध करून देण्याशी संबंधित बदलही करण्यात आला आहे, त्यामुळे उमेदवारांनी बंदी घातलेल्या वस्तूंची यादी लक्षपूर्वक पाहून घेणे अधिक योग्य ठरेल.