CBI arrests Lieutenant Colonel for corruption,
मिळालेल्या माहितीनुसार, कर्नल दीपक शर्मा यांनी एका तक्रारदाराकडे लाच मागितली होती. त्यानंतर तक्रारदाराने सीबीआयकडे तक्रार केली. या तक्रारीच्या आधारेCBI ने सापळा रचत शर्मा यांच्या दिल्लीतील निवासस्थानावर छापा टाकला. या कारवाईत अधिकाऱ्यांना त्यांच्या निवासस्थानावरून २.२३ कोटी रुपयांची मोठी रक्कम जप्त केली. याशिवाय तक्रारदाराने दिलेली लाचेची ३ लाखांची रक्कमही जप्त करण्यात आली. अधिकाऱ्यांनी मोठ्या प्रमाणात रोख रक्कम जप्त केल्यामुळे दीपक कुमार शर्मांच्या अडचणी वाढण्याची शक्यता निर्माण झाली आहे.
Supreme Court : ‘पत्नीकडून घरखर्चाचा हिशोब मागणे गुन्हा…’, सुप्रीम कोर्टाचा महत्त्वाचा निर्णय
या भ्रष्टाचार प्रकरणात लेफ्टनंट कर्नल शर्मा यांच्या पत्नी कर्नल काजल बाली यांच्याविरुद्धही गुन्हा दाखल करण्यात आला आहे. काजल बाली सध्या राजस्थानातील श्रीगंगानगर येथे १६ व्या इन्फंट्री डिव्हिजन ऑर्डनन्स युनिट (डीओयू) च्या कमांडिंग ऑफिसर म्हणून कार्यरत आहेत. सीबीआयने श्रीगंगानगर येथील त्यांच्या निवासस्थानाचीही झडती घेतली, जिथे १० लाख रुपये रोख जप्त करण्यात आले. तपास यंत्रणा आता दोन्ही अधिकाऱ्यांच्या मालमत्ता आणि बँक खात्यांच्या तपशीलांची तपासणी करत आहे.
सीबीआयच्या अधिकाऱ्यांनी दिलेल्या माहितीनुसार, दीपक कुमार शर्मा संरक्षण उत्पादनांच्या निर्मिती आणि निर्यातीत सहभागी असलेल्या विविध खाजगी कंपन्यांच्या प्रतिनिधींशी संगनमत करून सतत भ्रष्ट आणि बेकायदेशीर कारवायांमध्ये सहभागी होता. तो राजीव यादव आणि रवजीत सिंग सारख्या कंपनी प्रतिनिधींशी नियमित संपर्कात होता आणि त्यांच्या संगनमताने त्याने विविध सरकारी विभाग आणि मंत्रालयांकडून बेकायदेशीर लाभ मिळवले. या प्रकरणात विनोद कुमार नावाच्या एका व्यक्तीलाही अटक करण्यात आली आहे, ज्याने कंपनीच्या सांगण्यावरून १८ डिसेंबर २०२५ रोजी लाचेची रक्कम लेफ्टनंट कर्नलला दिली.
त्यांच्या अटकेनंतर, लेफ्टनंट कर्नल दीपक कुमार शर्मा आणि विनोद कुमार यांना विशेष न्यायालयात हजर करण्यात आले. प्रकरणाचे गांभीर्य लक्षात घेता, न्यायालयाने दोन्ही आरोपींना २३ डिसेंबरपर्यंत सीबीआय कोठडी सुनावली. सीबीआय आता या सिंडिकेटमध्ये इतर कोणते अधिकारी किंवा मध्यस्थ सहभागी आहेत आणि हे ऑपरेशन किती काळापासून सुरू आहे हे शोधण्याचा प्रयत्न करत आहे.
.png "Videos"){kind=small}
