Crime Against Women: पुण्यानंतर सांगली हादरली;शिवशाही बसमध्ये महिलेचा विनयभंग

कोल्हापूर जिल्ह्यातील शिरोळ तालुक्यातील गावातील तरुणी पुण्यात नोकरीनिमित्त राहते. परवा ती स्वारगेट ते सांगली या शिवशाही बसमधून गावी जाण्यासाठी निघाली होती.

सांगली: पुण्यातील स्वारगेट बस स्थानकात शिवशाही बसमध्ये घडलेल्या बलात्कार प्रकरणानं महाराष्ट्र हादरले असतानाच, आता सांगलीतही अशाच प्रकारची संतापजनक घटना समोर आली आहे. पुणे ते सांगली प्रवास करणाऱ्या २४ वर्षीय तरुणीच्या विनयभंगाचा प्रकार घडला असून, आरोपीने बसमध्ये अश्लील चाळे केले. पीडित तरुणीने आरडाओरडा करत प्रकार सांगताच बसस्थानकावर उपस्थित लोकांनी तत्काळ आरोपीला पकडले आणि पोलिसांच्या ताब्यात दिले.

संशयित वैभव वसंत कांबळे याच्याविरोधात पोलिसांनी गुन्हा दाखल करून अटक केली आहे. ही घटना मध्यरात्री साडेबाराच्या सुमारास घडली, आणि बस सांगली स्थानकात पोहोचल्यानंतर हा प्रकार उघडकीस आला. या घटनेमुळे सार्वजनिक वाहतुकीतील महिलांच्या सुरक्षेचा प्रश्न पुन्हा ऐरणीवर आला आहे. वारंवार घडणाऱ्या या घटनांवर कडक कारवाई करण्याची मागणी नागरिकांकडून होत आहे.

आता सत्य शोधून काढणे होणार सोपं; नव्या संशोधनातून अचूक उत्तर मिळणार

कोल्हापूर जिल्ह्यातील शिरोळ तालुक्यातील गावातील तरुणी पुण्यात नोकरीनिमित्त राहते. परवा ती स्वारगेट ते सांगली या शिवशाही बसमधून गावी जाण्यासाठी निघाली होती. प्रवासादरम्यान इस्लामपूरजवळ संशयित वैभव कांबळे बसमध्ये चढला आणि तरुणीच्या मागील सीटवर बसला.

रात्री ११ वाजता आष्ठावरून सांगलीकडे जात असताना आरोपीने वारंवार खिडकीजवळून पीडितेला स्पर्श करत अश्लील चाळे सुरू केले. रात्रीची वेळ असल्याने तरुणी भयभीत झाली. साडेबारा वाजता बस सांगली स्थानकात पोहोचल्यावर पीडितीने घडलेला प्रकार चालक आणि पोलिसांना सांगितला. संशयित कांबळे तिथून पळण्याचा प्रयत्न करत असतानाच पोलिसांनी पाठलाग करून त्याला अटक केली. या घटनेमुळे महिलांच्या सुरक्षेचा प्रश्न पुन्हा ऐरणीवर आला आहे. संशयिताविरोधात गुन्हा दाखल करण्यात आला असून, पोलिस पुढील तपास करत आहेत.

Mohammed Shami च्या रोजा वादात शमा हिने मारली उडी, एनर्जी ड्रिंक्स पिण्यावर काय म्हंटले तिने?