लेक अचानक गायब झाली अन् नंतर समोर आलं भयंकर सत्य; आईने पोलिसांच्या मदतीने थेट…; कल्याणमधील थरारक प्रकार

कल्याणमधील मलंगगड रोड परिसरात घडलेल्या एका धक्कादायक घटनेने परिसरात खळबळ उडाली आहे. घरातून अचानक बेपत्ता झालेल्या तरुणीचा शोध घेत असताना पोलिसांच्या हाती अनपेक्षित माहिती लागली. आईच्या सतर्कतेमुळे आणि पोलिसांच्या तत्पर तपासामुळे या प्रकरणामागील धक्कादायक सत्य उघडकीस आले. या घटनेने परिसरातील नागरिकांमध्येही चिंता व्यक्त होत आहे.

• एकाच परीसरातील चार अल्पवयीन मुली बेपत्ता
• आईच्या सतर्कतेमुळे वाचला जीव
• शोध घेतल्यानंतर समोर आलं भयानक सत्य

Klyan Crime News:कल्याणमधील मलंगगड रोडवरील द्वारली गावठान येथील एकाच परीसरातील चार अल्पवयीन मुलींसोबत अतिशय धक्कादायक प्रकार घडल्याचे उघडकीस आले आहे. या प्रकरणी कोळसेवाडी पोलिसांनी तातडीने तत्परता दाखवत मुख्य आरोपीला ताब्यात घेतले. या प्रकरणात नेमकं काय घडलं आणि मुलींसोबत काय झालं याचा तपास सुरू आहे.
मिळालेल्या माहितीनुसार, गेल्या काही दिवसांपूर्वी या घटनेतील एक अल्वपयीन मुलगी ही अचानक बेपत्ता झाली होती. सुरुवातील ही आपल्या मैत्रिणीकडे किंवा नातेवाईकांकडे गेली असावी, असा कुटुंबीयांचा समज होता. मात्र, मुलगी बराच वेळ झाला तरी घरी परतली नाही, म्हणून सर्व चिंतेत आले. आणि सगळे इकडे-तिकडे शोधण्यात व्यस्थ होते. त्याच दरम्यान एका बेपत्ता मुलीने असं काही केलं की, सर्व बदललं.

Palghar Crime: प्रियकराच्या घरी गेली अन् परतलीच नाही! १७ वर्षीय मुलीच्या कुटुंबीयांचा घातपाताचा संशय

बेपत्ता मुलीने केले धाडसी कृत्य
त्या बेपत्ता झालेल्या मुलीने धाडस दाखवले आणि मोबाईलच्या माध्यमातून आपल्या आईशी संपर्क साधला. ज्यात तिने सांगितले की, एका तरुणाने आपल्याला जबरदस्तीने द्वारली येथील एका बंद घरात डांबून ठेवले आहे, त्यानंतर मी कशीतरी त्या घराच्या खिडकीतून बाहेर पडून एका इमारतीखाली लपल्याचे सांगत आपल्या आईकडे मदत मागितली.

Jalgaon Accident news: काळीज पिळवटून टाकणारी घटना; एकाच कुटुंबातील चौघांनी उचलले टोकाचे पाऊल

लाईव्ह लोकेशन ठरले जीवनदान
आपल्या मुलीचा हा मेसेज आणि तिची घाबरलेली अवस्था समजताच आईने तातडीने तिला लाईव्ह लोकेशन पाठविण्यास सांगितले. त्यानंतर आईने कोणताही वेळ वाया न घालवता पोलिसांना या गंभीर प्रकाराची माहिती दिली. माहिती मिळताच कोळसेवाडी पोलिसांचे पथक आणि मुलीचे कुटुंबीय तातडीने संबंधित ठिकाणी पोहोचले.

त्यानंतर पोलिसांनी घटनास्थळी धाव घेत आरोपी चेतन याला ताब्यात घेतले आणि अपहरण झालेल्या मुलीसह अन्य तीन अशा चार अल्पवयीन मुलींची सुखरुप सुटका केली. मात्र, या घटनेमागील नेमका हेतू काय होता याबाबतचा कोळसेवाजी पोलीस अधिक तपास करत आहेत.