Delhi Crime: दिल्ली हादरली! ६५ वर्षीय आईवर पोटच्या पोराकडून अत्याचार; आधी बुरखा उतरवला, नंतर

राजधानी दिल्लीतून एक धक्कदायक घटना समोर आली आहे. ६५ वर्षीय आईवरच पोटच्या पोराने दोनवेळा अत्याचार केल्याचा गुन्हा पोलिसात दाखल झाला आहे. पोलिसांनी तक्रारीवरून गुन्हा दाखल होताच ३९ वर्षीय आरोपी मुलास पोलिसांनी अटक केली आहे

राजधानी दिल्लीतून एक धक्कदायक घटना समोर आली आहे. ६५ वर्षीय आईवरच पोटच्या पोराने दोनवेळा अत्याचार केल्याचा गुन्हा पोलिसात दाखल झाला आहे. आधी मुलाने आपल्या आईला चरित्रहीन असल्याचे सांगत वडिलांपासून वेगळं केलं, त्यानंतर वडिलांपासून घटस्फोट घेण्यासाठी आईवर दबाव टाकला,त्यानंतर आईवरच दोनवेळा अत्याचार केलं असल्याचा संतापजनक प्रकार समोर आला आहे. याप्रकरणी महिलेने आपल्या पोरा विरुद्ध तक्रार दाखल केली आहे. पोलिसांनी तक्रारीवरून गुन्हा दाखल होताच ३९ वर्षीय आरोपी मुलास पोलिसांनी अटक केली आहे.

तुझ्याकडे पैसे नसतील तर तुझ्या बायकोला…; पुण्यातील संतापजनक प्रकार उघडकीस

नेमकं काय घडलं?

पोलिसात दाखल फिर्यादीनुसार, पीडित महिला आपल्या सरकारी नोकरीतील सेवानिवृत्त पतीसोबत हौज काझी परिसरात राहत होती. इथे तिच्यासोबत तिचा आरोपी मुलगा आणि २५ वर्षीय मुलगी देखील एकाच घरात राहत होते. तसेच,येथून जवळच कुटुंबातील आणखी एक मुलगी राहत असून ती विवाहित आहे. १७ जुलै रोजी पीडित महिला आपल्या पती आणि मुलीसोबत सौदी अरब दौऱ्यावर गेली होती. त्यावेळी आरोपी मुलाने त्याच्या वडिलांच्या फोनवर कॉल करून तातडीने दिल्लीला बोलावून घेतले. तसेच, तुमच्या पत्नीला घटस्फोट द्या,कारण माझ्या आईचे दुसऱ्या पुरुषासोबत अनैतिक संबंध असल्याचे मी लहानपणीच पाहिले होते, असेही मुलाने वडिलांना फोनवर सांगितले होते.

त्यानंतर १ ऑगस्ट रोजी पीडित महिला व कुटुंब सौदी दौऱ्यावर दिल्लीच्या घरी आले असता मुलाने आईसोबत जबरदस्ती केली. आधी मुलाने माझा बुरखा उतरवला, त्यानंतर मला एका खोलीत बंद करून मारहाणही केली, असे पीडित आईने दिलेल्या तक्रारीत म्हंटल आहे. त्यानंतर घाबरलेल्या आईने थेट शेजारी राहणाऱ्या आपल्या मोठ्या मुलीचे घर गाठले होते. ११ ऑगस्ट रोजी पीडित महिला पुन्हा आपल्या पतीच्या घरी आली, त्यानंतर देखील मुलाकडून अत्याचार करण्यात येत होता. मुलाने रात्री 9.30 वाजता आईसोबत खासगीत बोलायचं म्हणत आईला एका खोलीत नेलं, तिथं जबरदस्ती करत मी तुला जुन्या अनैतिक संबंधाची शिक्षा देत असल्याचेही म्हटले. त्यानंतर, 14 ऑगस्ट रोजी पुन्हा दुसऱ्यांदा रात्री 3.30 वाजता आईसोबत दुष्कर्म केलं. त्यानंतर या अत्याचाराची आईने आपल्या छोट्या मुलीला सांगितली. त्यानंतर, छोट्या मुलीने पोलीस ठाण्यात जाऊन तक्रार देण्यासाठी आईला हिंमत दिली.

आईने थेट पोलीस ठाणे गाठत आपल्या पोटच्या पोरा विरुद्ध तक्रार दाखल केली आहे. तक्रारीनुसार पोलिसांनी भारतीय न्याय संहिता बलात्काराचा गुन्हा दाखल केला असून अधिक तपास सुरु आहे. पोलिसांनी पोराला अटक केली असून लहानपणी आईनेच मला बिघडवल्याचा आरोपही मुलाने केला आहे.

कराडमध्ये रिक्षात चक्क घरगुती गॅस भरला; पोलिसांनी दोघांवर केली मोठी कारवाई