मुंबई: बॉलिवूड अभिनेता सलमान खानला गँगस्टर लॉरेन्स बिश्नोई आणि त्याच्या टोळीकडून सतत जीवे मारण्याच्या धमक्या येत आहेत. त्यातच राष्ट्रवादीचे नेते बाबा सिद्दीकीच्या हत्येनंतर त्याच्या कुटुंबीयांपासून प्रशासनापर्यंत सर्वांनाच या सलमानच्या सुरक्षेसाठी विशेष काळजी घेतली जात आहे. काही वर्षांपूर्वी एका चित्रपटाच्या शुटिंग दरम्यान सलमान खानने हरणाची शिकार केल्याचा आरोप करण्यात आला होता. या प्रकरणात त्याला शिक्षाही झाली होती. त्यामुळेच लॉरेन्स बिश्नोई हात धुवून सलमानच्या मागे लागल्याच्या चर्चा होत्या.
या प्रकरणात महत्त्वाची अपडेट समोर आली आहे. बाबा सिद्धिकी यांच्या हत्या प्रकरणात चौकशी करताना खुद्द लॉरेन्स बिश्नोईने सलमान खानला का आणि कोणत्या कारणासाठी जीवे मारण्याची धमकी दिली होती याची कबुली दिली आहे. लॉरेन्स बिश्नोईने दिल्ली पोलिसांना दिलेल्या जबाबात, प्रसिद्धी झोतात येण्यासाठी आपण सलमानला धमकी दिल्याचे म्हटले आहे.
लॉरेन्स बिश्नोई यांनी दिल्ली पोलिसांना दिलेल्या निवेदनात म्हटले आहे की, मी मीडियामध्ये येण्यासाठी हे केले. याशिवाय, त्याला बिश्वोई समाजात स्वत:चे मोठे नाव कमवायचे होते.
हेही वाचा: Baba Siddique Case: लॉरेन्स बिश्नोई गँगने हत्या केलीच नाही? बाबा सिद्धिकी प्रकरणात मोठा ट्विस्ट
‘वासुदेव इराणी यांच्या हत्येप्रकरणी मला अटक करून जोधपूरला आणण्यात आले, तेथे मला न्यायालयात हजर करण्यात आले. कोर्टातून बाहेर पडत असताना त्याच कोर्टात सलमान खानही एका तारखेला आला होता. मी त्याला जीवे मारण्याची धमकी दिली, कारण सलमान खानने काळवीटाची शिकार केली होती आणि त्याला कोर्टाकडून शिक्षा होत नव्हती. मी हे फक्त मीडियामध्ये दिसण्यासाठी आणि बिश्नोई समाजात माझे नाव व्हावे यासाठी केले. सलमान खानला धमकावल्याप्रकरणी मला अटकही झाली होती. लॉरेन्स बिश्नोई यांनी 30 मार्च 2021 रोजी दिल्ली पोलिसांच्या स्पेशल सेलला हे निवेदन दिले होते.
दरम्यान, सलमान खानही त्याच्या आगामी ‘सिकंदर’ चित्रपटाच्या शूटिंगसाठी परतला आहे. याशिवाय तो लवकरच ‘सिंघम अगेन’ चित्रपटासाठी शूट करणार आहे. ‘सिंघम अगेन’मध्ये सलमान सुपरकॉप चुलबुल पांडेची भूमिका साकारताना दिसणार आहे. ते वाय प्लस श्रेणीच्या सुरक्षेत काम करत आहेत.
‘शो मस्ट गो ऑन…’ असं म्हटलं जातं, तसंच सलमान खानच्या बाबतीतही झालं आहे. धमक्यांच्या भीतीने त्याने आपले काम थांबवलेले नाही. गेल्या आठवड्यात तो बिग बॉस होस्ट करतानाही दिसला होता. यावेळी सलमान खूप भावूक दिसत होता. शोची स्पर्धक शिल्पा शिरोडकर हिच्याशी संवाद साधताना ती म्हणाली होती – ‘या घरात भावनांचे नाते नसावे. आजच्या प्रमाणे मला असे वाटते की आज मी इथे यायला नको होते. मला इथे येण्याची गरज नव्हती. पण ही बांधिलकी आहे, म्हणूनच मी इथे आलो आहे. एक माझे काम आहे, मी कामावर आलो आहे. मला कोणाला भेटायचे नाही, मला तुम्हाला देखील भेटायचे नाही.”
हेही वाचा: काय परिणाम होतील ते भोगण्यासाठी तयार रहा…! पुण्यातील फायनान्स मॅनेजर महिलेला घरात घुसून
.png "Videos"){kind=small}
