Malad News: दुर्दैवी घटना! चेंडू आणायला गेला अन् परतलाच नाही; 8 वर्षीय मुलाचा पाण्याने भरलेल्या खड्ड्यात पडून मृत्यू

मुंबईच्या मालाड पूर्वेत खेळताना 8 वर्षीय मुलगा बांधकामासाठी खोदलेल्या पाण्याच्या खड्ड्यात पडून मृत्यूमुखी पडला. चेंडू काढताना घडलेल्या या दुर्घटनेमुळे परिसरात हळहळ व्यक्त होत असून बिल्डरच्या निष्काळजीपणावर प्रश्न उपस्थित

• मालाड पूर्वेतील कुरार व्हिलेजमध्ये घटना
• 8 वर्षीय दिव्यांश मौर्यचा मृत्यू
• चेंडू काढताना पाण्याच्या खड्ड्यात पडला

मुंबई: मुंबई येथून एक दुर्दैवी घटना समोर आली आहे. एका ८ वर्षीय मुलाची खोदलेल्या खड्ड्यामध्ये पडून मृत्यू झाल्याची हृदयद्रावक घटना समोर आली आहे. हा खड्डा बांधकामासाठी खोदण्यात आला आणि हा खड्डा पाण्याने भरलेला होता. त्यावेळी ८ वर्षीय मुलगा चेंडू खेळात असतांना त्याचा चेंडू त्या खड्ड्यात पडला. तो काढण्यासाठी जात असताना खड्ड्यामध्ये पडून त्याचा मृत्यू झाला. ही घटना मालाड पूर्वेतील कुरार व्हिलेजमधील आंबेवाडी परिसरामध्ये ही घडली. या घटनेने शोककळा पसरली आहे.

Crime News: जातीवाचक शिवीगाळ व दगडफेक प्रकरणी ॲट्रॉसिटी अंतर्गत गुन्हा; शिरूरमधील घटना

काय घडलं नेमकं?

या दुर्घटनेतील मृत्यू झालेल्या मुलाचे नाव दिव्यांश राजेश मौर्य (८ वर्षीय) असे आहे. दिव्यांश घराबाहेर खेळत असतांना त्याचा चेंडू इमारतीसाठी खोदलेल्या खड्ड्यात पडला. म्हणून तो खाली खड्ड्यात चेंडू काढण्यासाठी गेला. पण खड्ड्यातल्या पाण्याचा त्याला कोणताही अंदाज न आल्यामुळे त्याला बाहेर येता आलं नाही. शेवटी त्याचा त्या पाण्यामध्ये गुदमरून जीव गेला. ही घटना रात्रीच्या सुमारास घडल्यामुले दिव्यांशला पाण्याचा जराही अंदाज आला नाही.

या घटनेची माहिती पोलिसांना मिळताच तात्काळ मुंबई पोलिसांनी घटनास्थळी धाव घेतली. मुंबई पोलिसांकडून त्याला बाहेर काढून लगेच कांदिवलीतील डॉ. बाबासाहेब आंबेडकर या सरकारी रूग्णालयात दाखल केले होते. पण त्याला डॉक्टरांनी तपासून मृत घोषित केले रुग्णालयात दाखल करण्यात आले.

रहिवाश्यांनी केले आरोप

कुरार व्हिलेज परिसरामध्ये खोदलेला खड्डा एका खासगी बिल्डरने बिल्डिंगीसाठी खोदलेला होता. खड्ड्याच्या शेजारी कोणत्याही प्रकारची बॅरिकेटिंग, सुरक्षा रक्षक किंवा काहीही बांधलेलं सुद्धा नव्हतं. इतकंच नाही तर, साधी सुरक्षा भिंतही बांधलेली नव्हती. यामुळे बिल्डरच्या निष्काळजीपणामुळे आणि बेजबाबदारपणामुळे निष्पाप 8 वर्षीय शालेय विद्यार्थ्याचा मृत्यू झाल्याचा आरोप रहिवाशांनी केला आहे.

इन्स्टाग्रामवरील ‘जिन्न’च्या नावाखाली फसवणूक! मुंबईच्या तरुणीला १५ लाखांहून अधिक रुपयांचा चुना

मुंबईच्या सायन परिसरातून एक धक्कादायक प्रकरण समोर आले आहे. एका २२ वर्षीय तरुणीला ‘पॉवरफुल ऑब्सेशन हीलर’ (Powerful Obsession Healer) नावाच्या इन्स्टाग्राम पोस्टमधून जाळ्यात ओढण्यात आले. करिअर आणि वैयक्तिक आयुष्यातील समस्या सोडवण्याचा दावा करणाऱ्या या पोस्टमधील लिंकवर क्लिक केल्यानंतर पीडित महिला व्हॉट्सॲपच्या माध्यमातून वाहिद ऊर्फ साहिल नावाच्या व्यक्तीच्या संपर्कात आली.