मोठी कारवाई ! शेतात अफूची लागवड करणाऱ्यास अटक; अफूची 218 झाडे जप्त

अमली पदार्थ विरोधी पथकाचे पोलीस कर्मचारी किशोर परदेशी आणि जावेद बागसिराज यांना माहिती मिळाली कि, देहूगाव येथे काळोखे मळा आणि हगवणे मळा येथे एका व्यक्तीने त्याच्या शेतामध्ये अफूची झाडे लावली आहेत.

शेतात अफूची लागवड करणाऱ्यास अटक (File Photo)

Follow Us:

Follow Us:

पिंपरी : देहूरोड पोलीस ठाण्याच्या हद्दीत काळोखे मळा आणि हगवणे मळा येथे एका व्यक्तीने शेतात लावलेली अफूची झाडे जप्त करण्यात आली. ही कारवाई पिंपरी-चिंचवड गुन्हे शाखेच्या अमली पदार्थ विरोधी पथकाने बुधवारी (दि.२६) केली. दिलीप चंद्रकांत काळोखे (काळोखे वस्ती, देहूगाव) असे अटक केलेल्या व्यक्तीचे नाव आहे.

पोलीस उपायुक्त संदीप डोईफोडे यांनी दिलेल्या माहितीनुसार, अमली पदार्थ विरोधी पथकाचे पोलीस कर्मचारी किशोर परदेशी आणि जावेद बागसिराज यांना माहिती मिळाली कि, देहूगाव येथे काळोखे मळा आणि हगवणे मळा येथे एका व्यक्तीने त्याच्या शेतामध्ये अफूची झाडे लावली आहेत. त्यानुसार पोलिसांनी दिलीप काळोखे याच्या शेतात छापा मारून कारवाई केली.

शेतामध्ये कांद्याच्या पिकात अफू लावला होता. अफूच्या झाडांना फुले, बोंडे आली होती. पोलिसांनी तीन लाख २७ हजार रुपये किमतीची २१८ अफूची झाडे जप्त केली आहेत. ही कारवाई वरिष्ठ पोलीस निरीक्षक संतोष पाटील, सहायक निरीक्षक सचिन कदम, कर्मचारी किशोर परदेशी, जावेद बागसिराज, मयूर वाडकर, शिल्पा कांबळे, राजेंद्र बांबळे यांनी केली.

कांद्याच्या पिकामध्ये अफूची लागवड

देऊर (ता. कोरेगाव) येथील जातेखान नावाच्या शिवारात कांद्याच्या पिकामध्ये अफूच्या झाडाची लागवड करून ती जोपासल्याप्रकरणी देऊरमधील संशयितास वाठार पोलिसांनी ताब्यात घेतले आहे. मधुकर शिवाजी कदम (वय ५८ रा. देऊर ता. कोरेगाव) असे संशयित शेतकऱ्याचे नाव आहे. कदम याने त्यांच्या जातेखान शिवारात असलेल्या गट नंबर १५१ मधील शेतात कांद्याच्या पिकात अफू या अमली पदार्थाच्या झाडांची लागवड केली होती. ही माहिती बातमीदारामार्फत स्थानिक गुन्हे शाखेला मिळाली होती. या माहितीच्या अनुषंगाने स्थानिक गुन्हे शाखा पथकाने कदम यांच्या कांद्याच्या शेतात छापा टाकला.

हेदेखील वाचा : मोठी बातमी! मुख्यमंत्री देवेंद्र फडणवीस यांच्या कार्यालयावर हल्ला करण्याचा पाकिस्तानचा कट? मुंबई पोलिसांना मिळाली धमकी

Web Title: Man arrested for cultivating opium in farm nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com