अक्षय शिंदेचे एन्काऊंटर करणाऱ्या पोलीस अधिकाऱ्यांना ‘या’ पक्षाकडून बक्षीस जाहीर

पोलिसांनी दिलेल्या माहितीनुसार, तळोजा कारागृहातून बदलापूरला नेत असताना अक्षयने पोलिसांची बंदूक हिसकावली. यानंतर त्याने गोळीबार केला. पोलिसांनी प्रत्युत्तर दिले आणि अक्षय ठार झाला. वरिष्ठ निरीक्षक संजय शिंदे यांच्या गोळीमुळे अक्षयचा मृत्यू झाला. पोलिसांनी स्व:संरक्षणासाठी केलेल्या गोळीबारात आरोपी अक्षयचा मृत्यू झाला.

मुंबई:  बदलापूर अत्याचार प्रकरणातील आरोपी अक्षय शिंदे याचा मुंबई पोलिसांसोबत झालेल्या चकमकीत मृत्यू झाला. या प्रकरणावरून राजकारणही तापलं असून अक्षय शिंदेच्या मृत्यूवरून  आरोप प्रत्यारोप होऊ लागले आहे. अशातच मनसे अध्यक्ष राज ठाकरे यांच्या पत्नी शर्मिला ठाकरे यांनी मोठी घोषणा केली आहे. आरोपी अक्षय शिंदेचे एन्काऊंटर करणाऱ्या दोन पोलिस अधिकाऱ्यांना शर्मिला ठाकरे यांनी बक्षीसाची घोषणा केली आहे,

अक्षय  शिंदेचे एन्काऊंटर करणाऱ्या पोलीस  अधिकाऱ्यांना शर्मिला ठाकरे यांच्याकडून 51 हजार रुपयांचे बक्षीस जाहीर कऱण्यात आले आहे. हे 51 हजार रुपये महत्त्वाचे नाहीत.पण पोलिसांच्याही जीवावर बेतलं असते. अशी प्रतिक्रीया मनसेचे ठाणे जिल्हाप्रमुख अविनाश जाधव यांनी दिली आहे.

हेही वाचा: अक्षय शिंदेचा एन्काऊंटर कसा झाला? काय घडलं नेमकं ठाणे पोलिसांचा यथोचित खुलासा

“दोन चिमुरड्या मुलींवर अत्याचार कऱणाऱ्या आरोपीविरोधात संपूर्ण राज्यात संतापाची भावना होती. त्यातच त्याने पोलिसांवरही पिस्तुल रोखण्याचा प्रयत्न केला. ही अत्यंत निंदणीय बाब आहे. ज्याने तीन-चार वर्षांच्या मुलींवर हात टाकताा मागे पुढे पाहिले नाही त्याचा एन्काऊंटर योग्य आहे, असही अविनाश जाधव यांनी म्हटले आहे.

तसेच, आमचे सरकार असते तर आरोपीचा एन्काऊंटरच केला असता.असं मी यापूर्वीही बोललो होतो. पण आरोपीने पोलिसांचे पिस्तुल रोखून स्वत:च पायावर धोंडा पाडून घेतला. एन्काऊंटरची ही घटना  योग्य आहे. आम्ही त्याचं समर्थनही करतो. शर्मिला ठाकरे आरोपीचे एन्काऊंटर करणाऱ्या दोन पोलीस अधिकाऱ्यांना 51 हजार रुपयांचे बक्षीस जाहीर केलं आहे. ते 51 हजार रूपये महत्त्वाचे नाहीत. पोलिसांच्या जीवावर बेतलं असते. आम्ही पोलिस खात्याचं अभिनंदन करतो,” असं म्हणत अविनाश जाधव यांनी पोलिसांचेंही कौतुक  केलं आहे.

हेही वाचा:  विक्रमवीर शेअर बाजार… सेन्सेक्सने ओलांडला 85,000 अंकांचा टप्पा