Nanded Crime News
मिळालेल्या माहितीनुसार, आंचल मामीडवार आणि सक्षम ताटे यांच्यात गेल्या काही वर्षांपासून प्रेमसंबंध होते. पण आंचलच्या कुटुंबियांना त्यांचे प्रेमसंबंध मान्य नव्हते. याच रागातून आंचलच्या वडील आणि दोन भावांनी मिळून सक्षमची हत्या केल्याची चर्चा आहे. सक्षमच्या हत्येची बातमी समजात आंचलदेखील सक्षमच्या घरी गेली होती. सक्षमचा मृतदेह घरी आणल्यानंतर आंचलने त्याच्या मृतदेहासोबतच काही विवाह विधी पार पाडले. दोघांनाही हळद लावण्यात आली. आंचलने सक्षमच्या नावाचे कुंकू लावत आपण आता सक्षमच्याच घरी राहणार असल्याचेही सांगितले. या सर्व घटनेचा व्हिडीओदेखील व्हायरल होत आहे. पण त्याचवेळी या प्रकरणाने महाराष्ट्रात अद्यापही समाजातील जातीभेद आणि त्यातून उसळणारी हिंसा किती गंभीर स्वरूप धारण करू शकते, यावर नवे प्रश्नचिन्ह उभे केले आहे.
सक्षम ताटे याचा मृतदेह त्याच्या घरी आणण्यात आला होता तेव्हा त्याच्या नातेवाईकांनी आणि मित्रपरिवाराची मोठी गर्दी झाली होती. सक्षमचा मृतदेह पाहताच त्याच्या कुटुंबीयांनी प्रचंड आक्रोश केला. सक्षमच्या मृतदेहाला आणि आंचलच्या अंगाला हळद लावण्यात आली. त्यानंतर आंचलने सक्षमच्या नावाने कपाळावर कुंकू लावले. यानंतर तिने म्हटले की, मी सक्षमसोबत लग्न केले आहे. तो आता नसला तरी आमचं प्रेम जिवंत आहे. मी मनाने कायम त्याच्यासोबत राहीन. मी आता सक्षमच्या घरीच राहणार आहे, मला सक्षमसोबतच राहायचे आहे, असे आंचल मामीडवार हिने सांगितले.
नांदेडमधील मिलिंद नगर, इटवारा परिसरात सक्षम ताटेच्या झालेल्या हत्येनंतर या प्रकरणात नवे धक्कादायक खुलासे समोर येत आहेत. सक्षमची प्रेयसी आंचल मामीडवार हिने प्रसारमाध्यमांशी संवाद साधत स्वतःच्या कुटुंबीयांवरच गंभीर आरोप केले आहेत. आंचलने सांगितले की, “गेल्या तीन वर्षांपासून सक्षम आणि माझे प्रेमसंबंध होते. पण आमच्या घरच्यांना ते मान्य नव्हते. जात वेगळी असल्याने ते नेहमीच विरोधात होते. वडील गजानन मामीडवार, भाऊ हिमेश आणि साहिल मामीडवार यांनी सक्षमची हत्या केली. “सक्षमवर एमपीडी होती. तो जेलमधून सुटल्यानंतर माझे घरचे त्याला संपवण्याच्या तयारीत होते. सक्षमला मारून टाकू अशा धमक्याही त्यांनी मला दिल्या होत्या. ”
आंचल म्हणाली की, आरोपींनी सक्षमला गोड बोलून इटवारा परिसरात बोलावले आणि नशा करून त्याची हत्या केली. त्याच्यावर तीन गोळ्या झाडल्या तरी तो मेला नाही. मग फरशी आणि दगडाने त्याच्या डोक्यात प्रहार करून त्याला संपवले, सक्षम बौद्ध समाजातील होता, तर मी पद्मशाली समाजाची आहे. जातीचा भेदभावच कारणीभूत ठरला. आमचे प्रेम त्यांना कधी मान्य नव्हते. त्यांनीच सक्षमला संपवले,” असा आरोप तिने केला. पण त्याचवेळी आंचलने आरोपींना फाशीची शिक्षा व्हावी, अशी मागणीही केली.
सक्षमचा मृतदेह घरी आणल्यानंतर कुटुंबीयांचा आक्रोश पाहायला मिळाला. त्यावेळी घडलेली दृश्ये राज्यभर चर्चेत आली. सक्षमच्या मृतदेहासह काही विवाहविधी पार पडले. दोघांना हळद लावली गेली आणि आंचलने सक्षमच्या नावाने कपाळावर कुंकू लावले. मी सक्षमसोबत लग्न केले आहे. तो आता नसला तरी आमचं प्रेम जिवंत आहे. मी मनाने कायम त्याच्यासोबतच राहीन. मी सक्षमच्या घरीच राहणार आहे. मला आयुष्यभर सक्षमसोबतच राहायचे आहे.”
.png "Videos"){kind=small}
