Satara Doctor Suicide Case: गोपाळ बदनेच्या चौकशीसाठी जयकुमार गोरेंच्या जवळच्या पोलिस अधिकाऱ्याची नियुक्ती; मेहबूब शेख यांचा आरोप

मृत डॉक्टर तरुणीने आत्महत्येपूर्वी सुसाईड नोटमध्ये मुख्य आरोपीने तिच्यावर चार वेळी बलात्कार केल्याचे लिहून ठेवले आहे. त्याची पोलिस खात्यांतर्गत चौकशी होण्यासाठी पोलिस निरीक्षक घनश्याम सोनावणे यांची नियुक्ती करण्यात आली आ

• डॉक्टर तरुणीच्या आत्महत्या प्रकरणाची चौकशी करण्यासाठी जयकुमार गोरेंच्या जवळच्या अधिकाऱ्याची नियुक्ती
• घनश्याम सोनावणे यांची ही नियुक्ती म्हणजे मोठा सापळा
• म्हसवड परिसरात वैद्यकीय पुरावे बदलल्याचे प्रकार यापूर्वीही घडले आहेत

Satara Doctor Suicide Case: साताऱ्यातील फलटण उपजिल्हा रुग्णालयातील डॉक्टर तरुणीच्या आत्महत्या प्रकरणावरुन सध्या राज्यातील राजकारण चांगलचं तापलं आहे. या प्रकरणात दररोज नवनवे खुलासे समोर येत आहेत. या सगळ्यात मुख्यमंत्री देवेंद्र फडणवीस यांनी या प्रकरणाची निष्पक्ष चौकशी होईल आणि दोषींपैकी कोणालाही सोडले जाणार नाही,असे आश्वासन दिले आहे. या डॉक्टर तरुणीच्या आत्महत्या प्रकरणाची चौकशी करण्यासाठी भाजप नेते जयकुमार गोरे यांच्या जवळच्या अधिकाऱ्याची नियुक्ती करण्यात आल्याचा आरोप राष्ट्रवादीचे माजी आमदार मेहबूब शेख यांनी केला आहे.

Local Body Elections: निवडणूक आयोगाचा मोठा निर्णय; स्थानिक निवडणुकांसाठी खर्च मर्यादेत मोठी वाढ

शरद पवार यांच्या राष्ट्रवादीचे आमदार मेहबूब शेख यांनी आज मुंबईत पत्रकार परिषद घेतली, यात त्यांनी हे गंभीर आरोप केले आहेत. मृत डॉक्टर तरुणीने आत्महत्येपूर्वी सुसाईड नोटमध्ये मुख्य आरोपीने तिच्यावर चार वेळी बलात्कार केल्याचे लिहून ठेवले आहे. त्याची पोलिस खात्यांतर्गत चौकशी होण्यासाठी पोलिस निरीक्षक घनश्याम सोनावणे यांची नियुक्ती करण्यात आली आहे. सनावणे आणि त्यांच्या पथकाने गुरुवारी साडेचार तास गोपाल बदनेची चौकशी केल्याची माहिती आहे. पण हे घनश्याम सोनावणे हे भाजप नेते जयकुमार गोरे यांचे जवळचे सहकारी आहेत, असा आरोप मेहबूब शेख यांनी केला आहे.

फलटण डॉक्टर प्रकरणातील गोपाळ बदने यांच्या चौकशीसाठी घनश्याम सोनावणे यांची नियुक्ती करण्यात आली असून, ही नियुक्ती ‘सापळा’ असल्याचा आरोप मेहबुब शेख यांनी केला आहे. “देवाभाऊ, तुम्हाला दुसरा अधिकारी मिळाला नाही का? जयकुमार गोऱ्हे यांना भेटलेला आणि त्यांच्याशी निष्ठा दाखवणारा हाच अधिकारी या चौकशीसाठी का नेमला?” असा सवाल शेख यांनी उपस्थित केला. त्यांनी पुढे म्हटले की, “हा अधिकारी स्वतः म्हणतो — ‘आभाळागत माया तुझी आम्हावरी राहू दे’. मग अशा अधिकाऱ्याला गोपाळ बदने यांच्या चौकशीसाठी नेमण्यामागे कोणते हितसंबंध आहेत?” असे सवालही शेख यांनी उपस्थित केले.

अडीच कोटींच्या देवळी ते भोरस रस्त्याचे तीनतेरा! वर्षभरातच पडले रस्त्यावर भलेमोठे खड्डे

शेख यांनी घनश्याम सोनावणे यांचे रणजितसिंह नाईक निंबाळकर यांच्याशी असलेले संबंध तपासण्याची मागणीही केली. तसेच, “जयकुमार गोरे यांच्यावर एका महिलेने नग्न फोटो पाठवल्याचे आरोप केले होते. त्या प्रकरणात घनश्याम सोनावणे यांनीच बातमी प्रकाशित करणारे पत्रकार तुषार खरात यांचे सर्व साहित्य जप्त केले होते.” याकडेही त्यांनी लक्ष वेधले आहे.

दरम्यान खासदार रणजितसिंह नाईक निंबाळकर हे काल वेस्टिन हॉटेलमध्ये आले होते. त्या भेटीवेळी नेमके काय ठरले, याबाबत प्रश्न उपस्थित केला जात आहे. मृत डॉक्टरच्या कुटुंबीयांनी या प्रकरणाची चौकशी विशेष तपास पथकाकडून (एसआयटी) करण्याची मागणी केली असतानाही अजूनही एसआयटी नेमण्यात आलेली नाही, असा सवाल मेहबुब शेख यांनी उपस्थित केला आहे. म्हसवड परिसरात वैद्यकीय पुरावे बदलल्याचे प्रकार यापूर्वीही घडले आहेत, असंही त्यांनी म्हटलं आहे.

‘२ जणांनी येऊन मारले अन्…’, सुशांत सिंहच्या मृत्यूप्रकरणी बहीण श्वेता सिंहचे धक्कादायक वक्तव्य

डॉक्टर तरुणीच्या भावानेदेखील काही गंभीर आरोप केले आहेत. शवविच्छेदनाच्या वेळी आम्हाला मुद्दाम इतरत्र गुंतवून ठेवण्यात आले. यामुळे चौकशीची पारदर्शकता संशयास्पद असल्याचे मेहबुब शेख यांनी नमूद केले. तसेच, रणजितसिंह नाईक निंबाळकर यांचे समर्थक मलाही जीवे मारण्याच्या धमक्या देत आहेत, “मग त्या तरुण डॉक्टरचे नेमके काय झाले?” असा थेट सवाल शेख यांनी उपस्थित केला आहे. आता या आरोपांवर जयकुमार गोरे आणि रणजितसिंह नाईक निंबाळकर काय भूमिका मांडतात, याकडे सर्वांचे लक्ष लागले आहे.