वाल्मिक कराडच संतोष देशमुख हत्येप्रकरणातील मुख्य सूत्रधार; आरोपपत्रात उल्लेख
बीड : बीडच्या केज तालुक्यातील मस्साजोग गावचे सरपंच संतोष देशमुख यांची हत्या करण्यात आली आहे. या हत्येप्रकरणानंतर वातावरण तापल्याचे पाहिला मिळाले. संतोष देशमुख यांची हत्या होऊन अनेक दिवस उलटले आहेत. या प्रकरणातील एक आरोपी अद्यापही फरार आहे. तर इतर सात आरोपींवर मकोका लावण्यात आला आहे. दरम्यान, या हत्या प्रकरणातील मास्टरमाईंड म्हणून वाल्मिक कराड याचे नाव समोर आले आहे.
वाल्मिक कराडवर संतोष देशमुखांच्या हत्येप्रकरणाचेही आरोप आहेत. वाल्मिक कराड सध्या तुरुंगात असला तरी दिवसेंदिवस वाल्मिक कराडचे एक-एक कारनामे समोर येत आहेत. संतोष देशमुख यांचे बंधू धनंजय देशमुख यांनी आरोपींना जेलमध्ये व्हीआयपी ट्रीटमेंट मिळत असल्याचा संशय व्यक्त केला आहे. तसेच विष्णू चाटे नंबर दोनचा आरोप असल्याचेही समोर आले आहे. यावर धनंजय देशमुख यांनीही भाष्य केले होते. ते म्हणाले, ‘आरोपींना जेलमध्ये व्हीआयपी ट्रीटमेंट मिळते, अशी माहिती आमच्याकडे आली आहे. मात्र, त्याची खात्री करत आहोत पण संशय आहे’.
तसेच आरोपींना जेलमध्येही कोणीतरी जाऊन भेटत आहे, असे धनंजय देशमुख म्हणाले. तसेच अन्नत्याग आंदोलनाचा इशारा दिल्यानंतरही सरकारच्या वतीने कोणीही वरिष्ठ अधिकाऱ्याचे शिष्टमंडळ भेटायला आले नाही. केज पोलीस ठाण्याचे पोलीस निरीक्षक भेटायला आले, अशी खंतही धनंजय देशमुख यांनी व्यक्त केली.
कृष्णा आंधळे अद्यापही फरारच
मस्साजोगचे सरपंच संतोष देशमुख हत्येला आता 2 महिने झाले आहेत. हत्येप्रकरणी पोलीस, सीआयडी पथकं तपास करत आहेत. हत्या प्रकरणानंतर राज्यभर त्याचे पडसाद उमटले, आंदोलनं झाली. मात्र, देशमुख कुटुंब अजुनही न्यायाच्या प्रतिक्षेत आहे. संतोष देशमुख हत्या प्रकरणाला दोन महिने पूर्ण झाले, तरी मुख्य आरोपी कृष्णा आंधळे अद्याप पोलिसांच्या हाती लागलेला नाही. आंधळे बेपत्ता झाल्याने अनेक तर्क-वितर्क लावले जात आहेत.
चार्जशीटमध्ये छेडछाड होण्याची शक्यता : जरांगे
मनोज जरांगे यांनी बीडच्या मस्साजोगमध्ये जाऊन संतोष देशमुख यांच्या कुटुंबीयांची भेट घेतली. संतोष देशमुख हत्या प्रकरणातील आरोपींना सहकार्य करणाऱ्यांना अटक करण्यात आली नाही, असं म्हणत त्यांनी संताप व्यक्त केला होता. संतोष देशमुखांच्या कुटुंबीयांना न्याय मिळाला नाही तर शांत बसणार नाही, असा इशाराही जरांगे पाटलांनी दिला होता. संतोष देशमुख हत्या प्रकरणातील चार्जशीटमध्ये छेडछाड होण्याची शक्यताही यापूर्वी त्यांनी व्यक्त केली होती.
.png "Videos"){kind=small}
