Prakash Ambedkar's big claim from ICU that he will stop OBC reservation
पुणे : विधानसभा निवडणुकीच्या पार्श्वभूमीवर राज्यामध्ये राजकारण रंगले आहे. नेत्यांमध्ये आरोप प्रत्यारोप केले जात आहेत. नेत्यांचे प्रचारासाठी सभा आणि बैठका यांचे सत्र देखील वाढले आहे. केवळ पंधरा दिवसांवर निवडणूका आल्या असून जोरदार तयारी केली जात आहे. दरम्यान, वंचित बहुजन आघाडीचे नेते प्रकाश आंबेडकर हे सध्या रुग्णालयामध्ये दाखल झाले आहेत. त्यांनी आयसीयुमधून एक व्हिडिओ शेअर केला आहे. यामध्ये त्यांनी ओबीसी आरक्षणावर गंभीर भाष्य केले आहे.
वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांना रुग्णालयात दाखल करण्यात आले आहे. त्यांच्यावर अँजिओग्राफी आणि अँजिओप्लास्टी दोन्हीही शस्त्रक्रिया पार पडल्या. यानंतर त्यांची आता प्रकृती स्थीर असून त्यांनी सोशल मीडियावर व्हिडिओ शेअर केली आहे. प्रकाश आंबेडकर यांनी व्हिडिओमध्ये म्हटले होते की, मी सध्या आयसीयूमध्ये आहे. अँजीओग्राफी आणि अँजीओप्लास्टी दोन्ही झालेले आहे. डॉक्टरांनी निरीक्षणाखाली ठेवले आहे. निवडणुकीला सुद्धा सुरुवात झाली आहे. ही निवडणूक महत्त्वाची आहे, असे मत प्रकाश आंबेडकर यांनी व्यक्त केले आहे.
ओबीसी आरक्षण थांबवले जाणार
ओबीसी आरक्षणाबाबत प्रकाश आंबेडकर यांनी आयसीयुमधून महत्त्वपूर्ण वक्तव्य केले आहे. ते म्हणाले की, यंदाची ही निवडणूक खूप महत्त्वाची आहे. ओबीसींसाठी सुद्धा महत्वाची आहे. कारण विधानसभेनंतर ओबीसी आरक्षण थांबवले जाणार आहे. आपले आमदार निवडून आले, तर आरक्षणावरून हल्ला आपल्याला थांबवता येणार आहे. त्यामुळे विधानसभा निवडणुकीत वंचित बहुजन आघाडीच्या उमेदवारांना आपले बहुमूल्य मत देऊन विजयी करा. दुसऱ्या बाजूला एससी, एसटी, ओबीसी आरक्षण वाचविण्याची ही अस्तित्वाची लढाई आहे. एससी आरक्षणाच्या उपवर्गीकरणाची अंमलबजावणी होणार आहे. या निवडणुकीत आपली सगळ्यांची जबाबदारी महत्त्वाची आहे. आपण वंचित बहुजन आघाडीच्या गॅस सिलेंडरमागे उभे रहा, असे आवाहन प्रकाश आंबेडकर यांनी हॉस्पीटलमधून केले आहे.
बाळासाहेब आंबेडकरांचा ICU मधून महाराष्ट्रातील जनतेला महत्वाचा संदेश. pic.twitter.com/2vDTtjaUzP — Vanchit Bahujan Aaghadi (@VBAforIndia) November 2, 2024
.png "Videos"){kind=small}
