फोटो सौजन्य - Social Media
प्रभूच्या Eviction मुळे संपूर्ण घर भावुक
यंदाच्या आठवड्यात घरातील दोन सदस्य Evict झाले आहेत. प्रभू शेळके आणि संकेत पाठक यांनी बिग बॉस मराठी पर्व सहाव्यामध्ये Top 10 मध्ये स्थान राखून घराला राम-राम केला आहे. कालच्या भाऊच्या धक्क्यावर रितेश यांनी प्रभू शेळकेबद्दल काही वाक्य उच्चारले होते. एकंदरीत त्याचे कौतुकच केले होते. रितेश देशमुख यांचे म्हणणे होते की “प्रभू, तुम्ही इतक्याशा वयात आपल्या आई वडिलांनी बिग बॉसचे घर दाखवले. इतक्याशा वयात तुम्ही इतकी प्रसिद्धी मिळवली आहे.” हे सांगून टाळ्यांच्या कडकडाटासह प्रभू यांचे कौतुक करण्यात आले.
प्रभू घराची रजा घेत असताना तन्वी फार भावुक झाल्याचे दिसून आले. त्या दोघांचे नाते फार घट्ट होते आणि तन्वीला प्रभूचा फार मोठा भावनिक आधार होता. तसेच प्रभूच्या Evict होण्याने काटा ग्रुपला भावनिक फटका बसला आहे. प्रभू त्यांचा लाडाचा होता. तसेच घरातील इतर सदस्यांनी अगदी भावुक होऊन बिग बॉसच्या घरातून प्रभूचा निरोप घेतला. दरम्यान, प्रभू यांनी घरातील सदस्यांना मी जाताना अश्रू ढळणार नाही असे ठामपणे सांगितले आणि ते त्यांनी पळालेसुद्धा!
संकेत पाठकच्या जाण्याने विशालला फटका?
विशालने आधीच घरातून एक जिवलग गमावला आहे. अशामध्ये संकेतच्या घरी येण्याने त्याला एक भाऊ मिळाला होता, एक भावनिक आधार मिळाला होता. विशाल आणि संकेत, दरम्यान एकत्र येऊन खेळताना दिसले. संकेत हा विशालची सावली बनू पाहतोय असे घरातल्यांचे तसेच रितेश यांचे म्हणणे होते. पण संकेत आणि विशाल यांमध्ये भावनिक नाते तयार झाले होते त्यामुळे विशाल याचा दुसरा जिवलग घरातून गेला म्हणून त्याच्या खेळावर परिणाम होणार की काय? असा प्रश्न प्रेक्षकांना पडला आहे.
