मिलिंद गवळी यांनी एका सिनेमात चक्क म्हाताऱ्याची भुमिका करताना नेमकं काय झालं त्यावर सांगितलं आहे. ते म्हणतात की, मागच्या महिन्यात माझा मित्र परितोष पेंटरच्या नाटकाला बांद्राला पोहोचतच होतो, तेव्हा आकाश गुरसळेचा फोन आला, ज्याने मला”अथांग” च्या दिग्दर्शनामध्ये खूप मदत केली होती, तो म्हणाला की पुण्यामध्ये सिनेमा शुट करतो आहे, पण ऐन वेळी एक कलाकार बॅकआऊट झालाय, उद्याच शूटिंग झालं नाही तर निर्मात्याचे खूप नुकसान होईल, तर तुम्ही guest appearance कराल का?
ऐनवेळी आलेलं काम मी कधीच केलं नव्हतं, आकाशला ‘नाही’ म्हणता आलं नाही, मी हो म्हणालो, परितोषच्या नाटकाचा प्रयोग न बघता त्याला शुभेच्छा दिल्या आणि गाडी पुण्याला वळवली. कोणता सिनेमा आहे? निर्माते दिग्दर्शक कोण आहेत? माझा काय रोल आहे? काहीही न विचारता सकाळी सात वाजता सेटवर पोहोचलो. तेव्हा कळलं की म्हाताऱ्याचा रोल आहे.2-3 तास मेक-अप करून म्हातारा झालो, म्हातारा म्हणून दोन दिवस शूटिंग मस्त एन्जॉय केलं, मग म्हाताऱ्याचा मुखवटा पुण्यातच सोडला आणि मुंबईला परत आलो. एक वेगळा अनुभव मिळाला.
View this post on Instagram
अनेक वर्षांपूर्वी मला पंढरी जुकर, जे खूप मोठे मेकअपमन होऊन गेले, त्यांनी बालाजी टेलिफिल्मसाठी मला एकदा म्हातारं केलं होतं, टक्कल लावलं होतं, त्यानंतर रमेश नोहाटे, हे ॲक्टर गोविंदा चे मेकअपमन, त्यांनी मला “दुर्गा म्हणत्यात मला” या चित्रपटासाठी म्हाताऱ्याचा मेकअप केला होता. आणि त्यानंतर समीर म्हात्रेने स्टार प्रवाहच्या “आई कुठे काय करते” या मालिकेसाठी एका स्वप्नातला दृश्यासाठी म्हातारा केला होता. प्रत्येक वेळेला म्हातारं होताना मला खूपच मज्जा आली. Process of getting old is beautiful. But I want to Die Young, मी म्हातारा होणार नसल्यामुळे, atleast आपण म्हातारे झाल्यावर कसे दिसलो असतो याचा थोडाफार अंदाज आला. असा कमाल किस्सा मिंलिद गवळी यांनी सांगितला.
अभिनेत्याच्या पोस्टवर चाहत्य़ांनी कमेंट करत म्हटलं की, ते सगळं ठीक आहे पण आम्हाला तुम्हाला कायमच एव्हरग्रीन म्हणून पाहण्याची इच्छा आहे. तुम्ही कायमच हॅन्डसम आहात सर असं म्हणत चाहत्यांनी प्रेम व्यक्त केलं. मिलिंद गवळी यांच्या फ्रंटवर्कबाबत सांगायचं तर स्टार प्रवाह वाहिनीवरील वचन दिले तू मला या मालिकेत एका वकिलाची भूमिका साकारत आहेत.
