(फोटो सौजन्य- सोशल मीडिया)
Madhuri Dixit Comeback: ‘कोण होणार करोडपती’ कार्यक्रमाचा नवा सीझन लवकरच प्रेक्षकांच्या भेटीला येणार आहे. यंदाच्या पर्वात मात्र एक मोठा बदल पाहायला मिळणार आहे. या शोचा प्रोमो काही दिवसांपूर्वी प्रदर्शित झाला असून, ‘कोण होणार करोडपती’च्या होस्टच्या खुर्चीत यंदा कोण बसणार, याची उत्सुकता प्रेक्षकांना लागली होती. अखेर या प्रश्नाचं उत्तर समोर आलं आहे. (Madhuri Dixit Comeback )
याआधीच्या पर्वांमध्ये स्वप्नील जोशी, नागराज मंजुळे आणि सचिन खेडेकर यांनी ‘कोण होणार करोडपती’चं सूत्रसंचालन केलं आहे. मात्र, यंदाच्या पर्वासाठी निर्मात्यांनी एका वेगळ्या चेहऱ्याची निवड केल्याची चर्चा होती. आता या चर्चांना पूर्णविराम मिळाला आहे.
बॉलिवूडची ‘धकधक गर्ल’ माधुरी दीक्षित तब्बल २४ वर्षांनंतर पुन्हा एकदा छोट्या पडद्यावर परतण्यासाठी सज्ज झाली आहे. ‘कोण होणार करोडपती’चा नवा सीझन माधुरी दीक्षित होस्ट करणार असल्याच्या वृत्तावर अधिकृत शिक्कामोर्तब झालं आहे.
नुकताच या शोचा नवा प्रोमो समोर आला आहे. यामध्ये माधुरी दीक्षितची झलक पाहायला मिळते. प्रोमोमध्ये माधुरीने हिरव्या रंगाची पैठणी नेसली असून, नाकात पारंपरिक नथ आणि हातात हिरवा चुडा असा तिचा खास मराठमोळा अंदाज पाहायला मिळत आहे.
माधुरीचा हा लूक प्रेक्षकांचं लक्ष वेधून घेत आहे. नव्या प्रोमोसोबत वाहिनीने शेअर केलेलं कॅप्शनही सध्या चर्चेत आहे.
“जे कधीही घडलं नाही ते घडणार… महाराष्ट्राच्या घराघरांत चर्चा रंगणार… कारण आता खेळ बदलणार…!” असं कॅप्शन वाहिनीने दिलं आहे. त्यामुळे नव्या पर्वाबद्दलची उत्सुकता आणखी वाढली आहे.
Rakhandar First Look: सिंह, रक्ताचे शिंतोडे अन् ..,गश्मीर महाजनीच्या ‘राखणदार’चं पोस्टर चर्चेत
नुकत्याच पार पडलेल्या फिल्मफेअर पुरस्कार सोहळ्यात अनेक मराठी कलाकार आणि मान्यवर उपस्थित होते. अमृता फडणवीस, रेणुका शहाणे, अभिजीत सावंत, वैभव तत्त्ववादी, भरत जाधव, दिलीप प्रभावळकर यांच्यासह अनेक कलाकारांनी या सोहळ्याला हजेरी लावली होती.
यावेळी उपस्थित मान्यवरांना ‘कोण होणार करोडपती’च्या नव्या होस्टची पहिली झलक दाखवण्यात आल्याचं समोर आलं. ही झलक पाहिल्यानंतर उपस्थित कलाकारांच्या चेहऱ्यावर आनंद आणि उत्सुकता पाहायला मिळाली.
माधुरी दीक्षितसारखी लोकप्रिय अभिनेत्री पहिल्यांदाच ‘कोण होणार करोडपती’च्या होस्टच्या खुर्चीत दिसणार असल्याने यंदाच्या पर्वाबद्दल मोठी उत्सुकता निर्माण झाली आहे. तिचा मराठमोळा लूक आणि प्रोमोमधील खास अंदाज पाहता नव्या पर्वात प्रेक्षकांना काहीतरी वेगळं पाहायला मिळणार असल्याचं स्पष्ट होत आहे.
.png "Videos"){kind=small}
