( फोटो सौजन्य- सोशल मिडिया)
Mugdha Godbole:मराठी अभिनेत्री आणि लेखिका मुग्धा गोडबोले रानडे यांच्या प्रभावी व्यक्तिमत्त्वाची नेहमीच चर्चा होत असते. अभिनयासोबतच लेखन क्षेत्रातही त्यांनी आपली वेगळी ओळख निर्माण केली आहे. त्यांच्या सौंदर्याबरोबरच बुद्धिमत्ता आणि लेखनशैलीचीही अनेकदा प्रशंसा केली जाते. त्यामुळे त्यांना ‘ब्युटी विथ ब्रेन’ म्हटलं तर ते चुकीचं ठरणार नाही.विविध मालिका, सिनेमांत काम करीत मनोरंजन क्षेत्रात त्यांनी स्वत:ची वेगळी ओळख निर्माण केली आहे. सध्या त्या पॉडकास्टच्या माध्यमातूनही प्रेक्षकांच्या भेटीला येत असतात.
नुकतीच त्यांनी सोशल मीडियावर एक पोस्ट लिहिली आहे. ज्यामुळे त्या चर्चत आल्या आहेत. त्यांनी त्यांच्या मुलीचे फोटो पोस्ट करत लेकीबद्दल लिहिले आहे.मुलीच्या वाढदिवसानिमित्त त्यांनी खास फोटो शेअर केले आणि भावना व्यक्त केल्या आहेत.
या पोस्टसोबत त्यांनी ऋचा लहान असतानाचे आणि आताचे काही सुंदर फोटो शेअर केले आहेत. मुलीच्या वाढदिवसानिमित्त मुग्धा भावुक झाल्याचं त्यांच्या पोस्टमधून स्पष्ट दिसत आहे.
“आज मी तो नियम मोडण्याची स्वतःला परवानगी दिली”
मुग्धा यांनी आपल्या पोस्टमध्ये सांगितलं की, ऋचाला तिचे फोटो सोशल मीडियावर शेअर करणं फारसं आवडत नाही. मात्र, तिच्या २०व्या वाढदिवसानिमित्त त्यांनी हा नियम मोडला.
त्या लिहितात, “मी जेव्हा तिचे फोटो सोशल मीडियावर शेअर करते, ते तिला आवडत नाही. पण आज तो नियम मोडण्याची मी स्वतःला परवानगी दिली. आज मी थोडी भावूकही झाली आहे.”
मुलगी २० वर्षांची झाल्याचा आनंद व्यक्त करत मुग्धा यांनी ऋचासाठी खास संदेशही लिहिला आहे.
“माझी मुलगी आज २० वर्षांची झाली आहे”
मुग्धा लिहितात, “माझी मुलगी आज २० वर्षांची झाली आहे. मला तुझा खूप अभिमान वाटतो, इतकंच मला सांगायचं आहे.”
तसंच आयुष्यात कोणत्या प्रसंगी कसं वागावं, याबद्दलही त्यांनी लेकीला मोलाचा सल्ला दिला. “जिथे नम्रपणा गरजेचा आहे, तिथे नम्र राहा. जिथे खंबीर होण्याची गरज आहे, तिथे खंबीर हो. गरज असेल तेव्हा स्वतःचं संरक्षण कर, शक्य असेल तेव्हा इतरांची काळजी घे,” असं त्यांनी लिहिलं.
मुलीला आयुष्यातील नाती आणि माणसं जपण्याचा सल्ला देताना मुग्धा म्हणाल्या, “तुझ्या आयुष्यातील माणसं विचारपूर्वक निवड. प्राण्यांशी नेहमी दयाळूपणे वाग.”
यानंतर त्यांनी आपल्या नेहमीच्या मिश्कील अंदाजात ऋचाला उद्देशून लिहिलं, “प्लीज, आज सकाळी आपला फोटो न काढण्याचा नियम मी मोडला म्हणून दिवसभर माझ्यावर रागावू नकोस.”
“माझ्या आयुष्यात घडलेली सर्वांत सुंदर गोष्ट म्हणजे तू”
पोस्टच्या शेवटी मुग्धा यांनी लेकीबद्दलच्या आपल्या भावना व्यक्त करत लिहिलं, “माझ्या आयुष्यात माझ्याबरोबर घडलेली सर्वांत सुंदर गोष्ट म्हणजे तू आहेस, हे लक्षात ठेव. २०व्या वाढदिवसाच्या हार्दिक शुभेच्छा! शब्दांत व्यक्त करता येईल त्यापेक्षाही कितीतरी जास्त माझं तुझ्यावर प्रेम आहे. मम्मा आणि बाबा कायम तुझ्यासाठी सुरक्षित ठिकाण आहेत.”
मुग्धा यांनी शेअर केलेल्या फोटोंमध्ये ऋचा लहान असतानाचे काही गोड क्षण, तसेच तिचे आताचे फोटो पाहायला मिळत आहेत. या पोस्टवर चाहत्यांसह अनेक कलाकारांनी कमेंट करत ऋचाला वाढदिवसाच्या शुभेच्छा दिल्या आहेत. आई-मुलीच्या या खास नात्याची सोशल मीडियावरही चांगलीच चर्चा होत आहे.
.png "Videos"){kind=small}
