Bigg Boss Marathi 6 : ”माझ्या डिवोर्सचं का बोलास…”, बिग बॉसच्या घरात राकेश आणि विशालमध्ये पुन्हा एकदा वादाची ठिणगी

स्पर्धकांना असा टास्क दिला आहे, ज्यामुळे कोणाचे फिनालेत जाण्याचं स्वप्न तुटणार हे स्पर्धकांच्याच निर्णयाने ठरणार होतं. या प्रोमोत दोन स्पर्धकांमध्ये मोठा राडा होताना दिसत आहे. ज्यामध्ये बिग बॉसला हस्तक्षेप करावा लागला.

बिग बॉस मराठीचा ६ वा सीझन शेवटच्या टप्प्यात आला आहे. या शोमध्ये टिकून राहण्यासाठी प्रत्येक स्पर्धक जोरदार तयारी करत आहे. बिग बॉसच्या घरात ८० दिवस घालवल्यानंतर नॉमिनेट न होण्याचा सदस्य प्रयत्न करत आहेत. गेल्या आठवड्यात दोन स्पर्धक घराबाहेर गेले यानंतर आता घरातील खेळ रंजक होत चालला आहे. अशातच या आठवड्यात नॉमिनेशन टास्कमध्ये बिग बॉसने एक मोठा टास्क दिला.

कलर्स मराठीने नुकताच एक प्रोमो शेअर केला आहे. या प्रोमोमध्ये दिसत आहे की, स्पर्धकांना असा टास्क दिला आहे, ज्यामुळे कोणाचे फिनालेत जाण्याचं स्वप्न तुटणार हे स्पर्धकांच्याच निर्णयाने ठरणार होतं. या प्रोमोत दोन स्पर्धकांमध्ये मोठा राडा होताना दिसत आहे. ज्यामध्ये बिग बॉसला हस्तक्षेप करावा लागला.

कलर्सने शेअर केलेल्या प्रोमोला Nomination टास्कमध्ये घरातील TV फुटणार…Finale च्या entry ticket वरुन विशाल आणि राकेशमध्ये जोरदार भांडण होणार! असं कॅप्शन देण्यात आले आहे.बिग बॉसने घरातील सदस्यांना नॉमिनेशन टास्क दिला. त्यात घरातील स्पर्धकांना त्या स्पर्धकाचा टीव्ही फोडायचा होता. ज्या स्पर्धकाला फिनालेला जाऊ द्यायचे नाही. या प्रोमोत राकेशने विशालचे नाव घेतलं.

‘Dhurandhar 2’ ने पहिल्या भागाचा मोडला रेकॉर्ड; Ranveer Singh च्या चित्रपटाची छप्परफाड कमाई

राकेश या टास्क दरम्यान म्हणाला, ‘मी विशालचं नाव घेतो, तो लोकांच्या वैयक्तिक आयुष्याबद्दल बोलतो, या गोष्टी मला चुकीच्या वाटतात. ” हे ऐकताच बाहेरून विशाल भडकला. ” तू जेव्हा माझ्या वयाबद्दल बोलतो तेव्हा हे पर्सनल नाही होत का? तुझा घटस्फोट काय झालाय…” विशालचे हे वाक्य पूर्ण होण्याच्या आतच राकेश संतापतो आणि ” तू माझा घटस्फोट कशाला काढतोय, ” असं विचारतो.

See more

 

वडील बनताच केलेल्या कृत्यावर अनुराग डोभालला पश्चात्ताप; रातोरात बदलले सूर, पत्नी रितिका आणि कुटुंबासोबत पॅचअप?

यानंतर या दोघांमध्ये जोरदार राडा झाल्याचे पाहायला मिळाले. यावेळी ते एकमेकांना भिडतात आणि घरातील इतर सर्व सदस्य या दोघांना दूर करण्याचा प्रयत्न करतात. या दोघांचा वाद इतका वाढतो की बिग बॉसला यात पडावे लागतं. बिग बॉस मराठीच्या या प्रोमोवर नेटकऱ्यांनी कमेंट्सचा पाऊस पाडला आहे. एकाने कमेंट केली, ”विशाल राकेशवर जळतो..”, दुसऱ्याने लिहिले, एकच नंबर राकेश, तर राकेशकडे दुसरा मुद्दाच नसचो एकाच मुद्द्यावर तो खेळतो, विशास बाहेर जाणार, बाकीचे सदस्य जेव्हा विशालच्या पर्सनल लाईफबद्दल बोलतात त्याचं काय..” अशा अनेक कमेंट या पोस्टवर आल्या आहेत